اللعنه يعجبني بها كل شي

P16

عمر: عزيز؟
عزيز: عمر هلاا والله
رشاش: تعرفه ياعمر
عمر: اي ذا خويي ايام الابتدائي
رشاش: وش جابه عند يارا؟
عمر: اي صدق وش جابك عندها؟
يارا: انا الي رحت عنده
عمر: كيف
يارا: يوم رحت من عندكم قبل ثلاث شهور قعدت في الشارع اسبوع بعدها تذكرت ان عمر قد وراني بيت صديقه ورحت عنده ويسلم حبيبي ماقصر
رشاش: حبيبي؟
يارا: ماتعرفون!!
عزيز: انا ويارا تزوجنا قبل شهر
رشاش: ايش!!
يارا: اسفه اني ماعلمتكم
عمر: والله مدري وش اقول
عزيز: مافرحتو؟ رشاش يارا قالت ان انت اكثر واحد بيفرح لانك اقرب اصدقائها
رشاش: الا فرحت بس انصدمت الله يهنيكم
يارا: عزيز حبيبي جوعان؟
عزيز: اي بموت جوع بس ابغى اكل من يديك
يارا: اكيد ومين بيسوي لك غيري
عمر: الحين صدق تزوجتو ولا لا؟
عزيز: اي والله تزوجنا يعني يارا الي مايبغاها صراحه مدري وين عقله
الهنوف: رشاش حبيبي تعال ابغى اكلمك
رشاش: جاي
راحو رشاش والهنوف الخيمه
هبه: يارا حقيقي تزوجتو
يارا: ليه مو مصدقين ترى الحياه مارح توقف على رشاش الحمداله فتحت عيوني ولقيت الي احسن منه
غلا: فرحت بس زعلت مدري كيف
هبه: طز فيه خليه يموت زعل اهم شي انك فرحانه
يارا: متخيلين ثلاث شهور وانا احس اني اسعد انسانه
عزيز كان افضل شخص دخل حياتي
هبه: تتخيلين رشاش ثلاث شهور ماسرق شي وقطع طريق
يارا: شسويله طز
غلا: اي علمينا عن عزيز
يارا: ملاك مسوي خوي مع البشر ذا الي اقوله
يلا بروح اسوي اكل ل عزيز جوعان
هبه: يعني فرحت لها بس ما اتوقع ذي يارا
غلا: انا مو مصدقه للحين ان يارا ورشاش انفصلوا
هبه: حتى انا بس اهم شي هي تكون مبسوطه
غلا: اكيد
عند رشاش والهنوف
الهنوف: شقلت لك؟ قلت لك انها ماتحبك
رشاش: اقسم بالله لو سمعتك تقولين لي حبيبي
الهنوف: قلت لك ولا ماقلت لك بتصير لي شوف يارا خلاص تزوجت ونستك وانت هنا حزين
رشاش طلع من الخيمه والدموع في عينه معقول تزوجت!!
راح جلس لقى يارا تضحك وتسولف مع عزيز
رشاش بصوت خفيف: كنت انا كنت انا مكانه
جلس رشاش
يارا: عزيز كيف الاكل
عزيز: يجنن
رشاش: ماشا الله تطورتي صرتي تعرفين تطبخين
يارا: من اول اعرف بس ما اذكر اني طبخت لكم
رشاش: انا اذكر كل شي عنك
عزيز: نعم؟
رشاش: يعني انا اذكر انها طبخت لي وكان سيء
يارا: اي عزيز  علمني كيف اطبخ
حضنها عزيز اكيد بعلمك
يارا: حبيبي انت
لاحضت هبه الحزن على رشاش
هبه: اي مافي بيبي؟
يارا: ما افكر صراحه
عزيز: قلت لها بس ما وافقت
يارا: ياخي ماني مستعده اصير ام
عزيز: بتكونين احسن ام
يارا: وانت بتكون افضل اب
يارا: معليش بس بنام عندكم ترى
هبه: وش تنامون معنا؟
يارا: ماتبغوني؟
غلا: اقول عيشي معنا وش تنامين كانك ضيفه!
يارا: مادري عزيز تبغى نعيش معهم؟
عزيز: الي يريحك ياقلبي
يارا: تم بنجلس معكم... انا قلت كذا بس مدري اذا تبغى نقعد ولا لا يا رشاش
رشاش: ها لالا عادي اقعدو
هبه: الله اخيرا بنرجع زي اول
يارا: ايي
رشاش: مو زي اول
يارا: قلت شي
رشاش: قلت اي زي اول
الساعه(8:30)الليل
مصلح: يعني تزوجتو ها
يارا: اي
مهل: كبرت البزر
يارا: اهخخ مهل اشتقت مضاربتنا
الهنوف: مضاربه؟ ليه انتي ولد
يارا:اي ولد شعندك؟
الهنوف: اول مرا اشوف بنت مثلك صراحه حركاتها حركات اولاد وتضارب وهمجيه اعقلي تراك متزوجه
يارا: الحمدالله والشكر تبغيني البس ضيق مثلك يعني ولا ايش ليت الجسم حلو عاد بطنك اكبر من بطن مهل مهل انا اسفه شبهت ذي فيك بس انت احلى معليك
مهل: اكيد انا احلى مايبغى لها مناقشه حتى
رشاش: يارا لا تتكلمين عليها
يارا: ترى بس قلت راي معرف وش الي يزعل؟
عزيز: اي واساسا الهنوف الي بدت خلها تتحمل نتيجه كلامها
الهنوف: وع صدق تزوجتي ذا؟
يارا: الحمدلله كان افضل قرار اتخذته
الهنوف: بس واضح انه مايحبك
عزيز: خير؟؟مين أنتي  عشان تقولين كذا الحمداله احب زوجتي
رشاش: الله يديمكم لبعض
يارا: امين
عمر: الله يهنيكم
عزيز: عقبالك
عمر: امين
هبه: امين
عزيز طالع في هبه وبعدين طالع في عمر
عزيز: لا واضح انه انت الي بعدي
عمر: ههههههههههههههههههه
هبه: اذا ماعلمك ترى انا عمر مخطوبين
عزيز: جدد؟ حركات ياعمر والله وكبرت
عمر: اي كبرت
بعد ساعه
عزيز: انا تعبت ابغى انام
يارا: حتى انا
هبه: في اي خيمه بتنامون؟
يارا: كنت بقول في خيمتي بس ماكانت خيمتي
عزيز: لازم اروح اشتري بكره
يارا: لازم بس اليوم وين بنام
رشاش: خذو خيمتي
الهنوف:وانا؟
يارا: شكرا ماتقصر
عزيز: شكرا ياخوي والله فيني نوم
يارا: يلا تصبحون على خير
رشاش: تصبحون على خير
دخلت يارا الخيمه
يارا: وي وش ذا كله
عزيز: وين نحط ملابسنا الحين؟
يارا شالت ملابس الهنوف وطلعت من الخيمة رمت الملابس على الارض
يارا: معليش مافي مكان ل ملابسنا
الهنوف: خير شقله الادب ذي؟
يارا: والله انتي قليله الادب كذا تعاملين ضيوفك؟
هبه: الهنوف اسكتي لا فقع وجهك
رشاش: خلاص اهجدو
شال رشاش ملابس الهنوف وحطها في السياره
يارا: خلاص لا تصيحين شالها رشاش
عزيز: يارا تعالي خلصت من ترتيب ملابسنا
يارا: يلا حبيبي جايه
راحت يارا عند عزيز ونامو
عند رشاش
الهنوف نامي مع هبه وعمر بينام في خيمه علي
هبه: افف
الهنوف: وانت؟
رشاش: شدخلك فيني انا ها شدخلك؟
الهنوف: احمد ربك اني سالت
رشاش: اقلبي وجهك بس
راحو كلهم ينامون الا رشاش
رشاش: يطالع في النجوم ويبكي
رشاش: اسف بس والله انك ماتعرفين وش صار يا يارا
ونام
الساعه(4:30)
صحى رشاش وركب السياره وراح ورجع الساعه(5:00)
صحو كلهم على صوت قوي
عزيز: وش ذا؟
يارا: مدري قوم نشوف
قامو كلهم الا رشاش يركب خيمه
يارا: وش تسوي
رشاش: ها؟ اها الخيمه جبتها لكم
عزيز: يا الله ياخوي ماكان له داعي
رشاش: تحسب عشانك؟  جبتها عشاني انا نمت برى اليوم
عزيز: اها بس برضو جبتها لنا ماتقصر
يارا: هههههههههههههههههههههه
رشاش: ترى جهزت الفطور
عزيز: رشاش لو اقدر تزوجتك انت
رشاش: ههههههههههههههههههه 
يارا: ليه مو ماليه عينك؟
هبه: مايملاها الا التراب
عزيز: معليش ذي اول مرا اقوم والفطور جاهز
يارا: والله ياحبيبي مارح اصحى من نومي عشان اسويلك فطور لاكن رشاش موجود
هبه: دجاجه ذا من يصحى ذا الوقت
يارا: يلا يلا تعالو نفطر!
كلهم اكلو
جت سياره
يارا: من ذا
هبه: مفاجأة
يارا: مين؟
غلا: شوفي
خرج علي من السياره
علي: يارا!!
يارا: عليي!!
قامت يارا وحضنت علي
يارا: من زمان عنك
علي: من زمان من زمان بس من ذا
رشاش: زوجها
عزيز: سلام انا عزيز
علي: وعليكم السلام
جلس علي جنب رشاش
علي: وانت عادي عندك؟
رشاش: وش اسوي يعني
علي: مدري بس ماتوقعت تكون هادي لذي الدرجه
علي: والله وكبرت البزر الي تصايح على اي شي
مهل: اي والله كبرت
يارا: هههههههههههههههههههههه اي كبر ترى كلها ثلاث شهور
عمر: والله كانها ثلاث سنوات
غلا: اي والله
يارا: فكوني منكم غلا ومصلح شعندكم ها
مصلح: مارح اعلمك
يارا: افا ليه؟
مصلح: تستاهلين ليه تروحين ثلاث شهو، لو مارحتي كان عرفتي
يارا: لو بيدي ماكان رحت بس شسوي
هبه: ترى كلها احبك ومدري وش وش الجديد
يارا: اي طيب علموني كيف عرضت زواجك على هبه
هبه: والله خرشني بغيت الحقك
يارا: يضحك يعني؟
هبه: لا بس اسمعي تخيلي وش قال لي؟
يارا: وش قال
هبه: قال هبه صراحه انا معد ابغى اكون حبيبك
قلت ها خير واكيد رشاش قالك كذا ومين تحب
عمر تورط ماعرف كيف يسكتني
بعدين قال اي ما ابغى اكون حبيبك ابغى اكون زوجك
انا هنا انصدمت
ووافقت على طول
يارا: خفيفه كان قعدتي يوم على الاقل تفكرين
عزيز: استاذنكم عندي دوام
يارا: باي باي حبيبي
عزيز: باي
بعد ماراح عزيز بساعه
رشاش: يارا ابغى اكلمك
يارا: معد صار فيه ذي الحركات قول وش تبغى هنا
رشاش: قومي بس ابغى اكلمك
يارا: طيب
فيه خيمه رشاش
رشاش: صدق تحبينه؟
يارا: لا كذب اكيد احبه!!
رشاش: اكثر مني؟
يارا: انت كنت الولد الوحيد الي كنت اشوفه ف شي طبيعي اني احبك لاكن فتحت عيني وشفت عزيز
يعني انت مجرد غلطه
رشاش: غ..غل.. غلطه؟ لذي الدرجه تكرهيني
يارا: وأكثر ماتتخيل قد ايش اعصب اقول لو ماجت ذي الحيه الهنوف وعلمتني انها حبيبتك لاصدق صدق متى كنت ناوي تعلمني
رشاش سكت ماكان يتكلم  وتجمعت الدموع في عيونه
يارا: بالظبط نفس الي صار قبل ثلاث شهور ماتتكلم سويت نفس الشي لمى الهنوف تكلمت علي عشان كذا اكرهك كره ما تتخيله خرجت يارا من الخيمه وهي تبكي ورشاش يبكي في الغرفه

يتبع....
حسبي الله على الهنوف كلكم ادعو عليها