P22

1.7K 56 41
                                        

الساعه:(5:20) الفجر
صحت يارا على صوت رشاش وهو يصرخ
رشاش: يلا قومو بسرعه
صحت يارا وغسلت وجها
رشاش: ها جاهزه؟
يارا تنهدت : اي جاهزه
رشاش: طيب شوفي البنات جاهزات
يارا: تمام
دخلت يارا عند هبه
يارا: هبه جاهزه؟
هبه: اي بس غلا باقي
يارا: تمام خلينا نروح نساعدها
هبه: تمام
دخلو يارا وهبه على غلا
يارا: غلا؟ حبيبتي شفيك تبكين؟
هبه: صار شي؟ مصلح سوا لك شي؟
غلا: لا بس خايفه
يارا حضنت غلا
يارا: مابيصير لك اي شي وانا موجوده
هبه: اي لاتخافين ياروحي
غلا: ما اعرف وش كنت راح اسوي لو انتم مو معاي
يارا: بس حنا معك يلا خلصتي من شنطتك؟
غلا: اي اي
رشاش من برى الخيمه: هيا بنات اخرجو
يارا: انا بخرج وانتم خذو الشنط وتعالو
هبه: تمام
خرجت يارا من الخيمه  وراحت عند رشاش
رشاش: ها جاهزين؟
يارا: اي جاهزين
رشاش:يلا اركبي السياره
يارا: بروح اساعد العيال
راحت يارا عند العيال
يارا: تحتاجون مساعده
مهل: اي تعالي
يارا: ها
مهل: شيلي ذي وديها السياره
يارا: وش ذا؟
مهل: الاسلحه
يارا: تمام
شالتها يارا بس كانت ثقيله
ركض رشاش عندها
رشاش: اعطيني انا بشيلها
يارا: طيب خذ
سلطان: ماقالت لا ههههههههههههههههههههههه
يارا: شسوي ثقيله
راح رشاش عند السياره وحط الاسلحه
رشاش: غلا انتي روحي مع مصلح
غلا ماترد وسرحانه
رشاش: غلا بنت
غلا برضو ماترد
مسك رشاش كتف غلا
رشاش: غلا
غلا: ها
رشاش: شفيك؟
غلا: مافيني شي
رشاش: ناديتك اكثر من مرا ماتردين قولي شفيك؟
غلا: خايفه
رشاش: حتى انتي؟
غلا: ليه مين بعد خايف
رشاش: يارا
غلا: يارا؟
طالعت غلا في يارا وهي تساعد العيال وتضحك وكيف تسوي نفسها انها قويه ومو خايفه وهي خايفه
غلا: انتبه ل يارا لايجيها شي
رشاش: معليك بس انتي في اي سياره بتروحوين؟
غلا: مع يارا وهبه
رشاش: طيب
ركبت غلا السياره وركبوا يارا وهبه
السياره الاولى فيها رشاش قدام وعمر يسوق وغلا ويارا وهبه ورى
السياره الثانيه فيها مصلح وسلطان ومهل وقحص
وصلو عند البنك ونزلو
رشاش: عطنا الاسلحه يا مهل
مهل: يالله الحين جايبها
جاب الشنطه وكلهم حولها
كلهم اخذو سلاح
يارا: عطني سلاح
رشاش: ليه؟
يارا: وش الي ليه؟
قربت يارا من الشنطه وجلست خذت سلاح
يارا: ذا زين
غلا: عطيني انا بعد
رشاش: تعرفون له؟
يارا: غلا علمتني
غلا: انا اعرف له
هبه: انا ما اعرف
يارا: بنكون مع بعض اساسا لا تخافين
رشاش: مهل وسلطان روحو ذا المحل وقحص ومصلح هذا المحل وانا وعمر هذا
راحو كلهم
يارا: بنات تعالو معي
راحت يارا عند رشاش عشان تقوله انهم بيقعدوا برى وماراح يدخلون
يارا: رشاش لمحت يارا طفل داخل المحل متخبي
رشاش: اخرجو قبل لاثور فيكم
يارا صرخت على رشاش
يارا: رشاش وقف
رشاش: خير شفيك؟
يارا وقفت قدام رشاش نزل سلاحك
رشاش: انهبلتي!!
يارا: ماتشوف انت فيه طفل هنا!!
رشاش: وينه؟
يارا: نزل سلاحك عشان مايخاف
رشاش: طيب
نزل رشاش سلاحه
راحت يارا عند الطفل وكلمته بهدوء وهي مبتسمه
يارا: حبيبي وش تسوي هنا
الطفل بداء يبكي
يارا: لا لاتخاف مارح اذيك وين ماما؟
الطفل: ما ادري وين راحت
يارا جلست عند الطفل: طيب تجي معاي ندور على ماما؟
الطفل: طيب
مسكت يارا يده: يلا تعال
خرجو من المحل ويارا تتمنى ان محد سوا للام شي
رشاش: يطالع في يارا لين ما خرجت وسرق كل الي في المحل
عند يارا
يارا تمشي باتجاه المحلات الباقيه عشان تدور على ام الطفل
يارا: اي ماعلمتني وش اسمك؟
الطفل: اسمي مشعل
مشعل : وانتي وش اسمك؟
يارا: اسمي يارا.... طيب يامشعل كم عمرك؟
مشعل: عمري 5 سنوات
يارا: ماشا الله رجال!
مشعل: ترى انا قوي
يارا: اي واضح شوف عضلاتك......طيب مشعل كيف شكل امك؟
مشعل: لابسه اسود ومغطيه وجها
يارا: كذا مارح نلقاها
مشعل: يعني مارح تلقين ماما؟
يارا: الا ب القاها بس علمني وش لابسه تحت العبايه
مشعل: لابسه ازرق
يارا: الحين نقدر نلقاها
وصلت يارا عند مهل وسلطان
يارا: قتلتو احد؟
مهل:لا لاتخافين
سلطان: من ذا
يارا: هذا مشعل القوي قاعدين ندور على امه
سلطان: اها
يارا: يلا بروح اشوف المحل الثاني
وصلت عند مصلح
مصلح: وش جابك؟
يارا: ابعد بدخل
مصلح: لا لاتدخلين وبعدين من ذا
يارا: ذا مشعل ابعد بشوف امه موجوده هنا ولالا
دفت يارا مصلح
يارا: مصلح!!مجنون انت ليه تذبحهم!!
مصلح: شسوي
مشعل: ماما ماتت
يارا: لا لا ما ماتت
راحت يارا عند اقرب وحده لابسه عبايه بدت تفك عبايتها تشوف لبسها
بعد ماشافت كل البنات الي لابسات عبايات ولا وحده منهم لابسه ازرق
يارا: الحمداله بس وين راحت
مشعل مسك يد يارا لقيتي ماما؟
يارا: مو هنا امك بس بلقاها
طلعت يارا من المحل ومعها مشعل جاست على الرصيف والبنات معها
يارا: مشعل ليه كنت في محل الذهب لحالك؟
مشعل: ماما قالت لي اقعد هنا ولاتتحرك
يارا: قالت لك كذا!
مشعل: اي وكانت تبكي
يارا جتها البكيه بس ماحبت تبكي قدام الولد
يارا: طيب حبيبي اقعد هنا مع اخواتك هبه وغلا لين ما اجي
قامت يارا ومسك مشعل يدها
مشعل: وين رايحه؟ لاتخليني
يارا اشرت على رشاش: بروح عند اخوك هذا واجي
مشعل: لا لا تروحين مو طيب معه سلاح
يارا: لا تخاف اهدى مارح يسوي لي شي
هبه: مشعل تعال نلعب
يارا: يلا روح اللعب لين ما اجي
راح مشعل ويارا راحت عند رشاش وهي تبكي
رشاش: يارا ليه تبكين؟
يارا حضنت رشاش وهي تبكي
رشاش يمسح على راسها: شفيك تكلمي
يارا: امه تركته
رشاش: وش دراك
يارا: هو قالي بس مايدري انها راحت
رشاش: خلاص لاتبكين
يارا مسحت عيونها: تعال سولف معه ترى خاف منك
رشاش: طيب اركبوا السياره وانا بجمع العيال وجاي
راحت يارا عند مشعل
يارا: مشعل حبيبي تعال نركب السياره
مشعل: ماما بتجي؟
يارا: ماما قالت لي خذي ولدي لين ما اجي
مشعل: طيب
ركبو السياره
وجاء رشاش ركب وعمر مشاء
اول ماركب رشاش السياره مشعل حضن يارا وخبى وجه
يارا: مشعل لاتخاف مايقدر يسوي شي وانا معك
مشعل: معه سلاح
يارا: انا اخذته وكسرته
لف رشاش على مشعل
رشاش: مشعل تبغى البقاله؟
مشعل: لا
رشاش: ليه
مشعل: ابغى يارا توديني مو انت
رشاش: ليه مو انا
مشعل: انت تخوفني
رشاش: طيب تبغى تجرب تسوق؟
مشعل: لا
رشاش: انقلع عند يارا
يارا: انت انقلع
مشعل: اي تكلمي عليه
عمر: ههههههههههههههههههه
رشاش: ملسون ذا الورع
عمر: وين بنروح الحين؟
رشاش: اليمن
عمر: والله اني تعبان خلها بكره
هبه: اي والله خلها بكره احسن الحين تعبانين
رشاش: عمر نقول انه تعبان انتي شسويتي عشان تتعبين
هبه: اذا عمر تعب انا اتعب
رشاش: خوي
هبه: بالضبط
رشاش: طيب وقف عشان نقول للعيال ان مانروح اليمن الا بكره
وقف عمر والعيال وقفو
سلطان: شفيك وقفت
رشاش: بنروح البر
مهل: والله انك كفو
مصلح: ياليل من ذا والبر
رشاش: ترى بنروح بس نريح وبكره بنروح اليمن ما
بنطول
بعد ماوصلو البر
مشعل: وش ذا المكان
يارا: هذا البر بنقعد هنا الين بكره وبنمشي
مشعل: كله تراب وين بننام؟
يارا: معليك بنحط خيمه
مشعل: اها طيب
رشاش: تحب البر
مشعل: اول مره اشوفه
رشاش:معليك بتحبه
يارا: يلا انزلو
نزلت يارا وشالت مشعل وراحت عند العيال
مهل: ذا جبتيه معك
يارا: اي جبته شتبغى؟
مشعل: ماتحبني؟
مهل: لا
يارا: خله معليك منه
مشعل: انتي تحبيني؟
يارا: اكيد
سلطان: انت مشعل
مشعل: اي
يارا: يلا حطو خيمتنا نبغى ننام صح؟
مشعل: صح
سلطان: طيب
بعد(10)دقايق
سلطان: يارا خلاص الخيمه جاهزه
يارا: يلا يامشعل
راحو يارا ومشعل الخيمه
رشاش: وين يارا؟
سلطان: في الخيمه
رشاش: طيب وانتو روحو ريحو
سلطان: طيب
راح رشاش الخيمه واصوات ضحك يارا ومشعل يسمعها من برى دخل رشاش وقال لمشعل بمزح
رشاش: انت بعد هنا؟
مشعل: اي بنام مع يارا
رشاش: لا انا بنام معها
مشعل: بس انت كبير؟
يارا: خلاص مشعل بينام معي
يارا جالسه في جهه ومشعل في الوسط ورشاش في الجهه الثانيه
رشاش: اي كم عمرك
مشعل: عمري خمس سنوات
رشاش: بزر يعني
يارا: لا رجال كبير
مشعل: اي انا رجال
رشاش: اي صح انت رجال
يارا: مشعل يلا نام عشان نصحى في اليل
مشعل طيب
انسدح مشعل وحضن يارا ويارا انصدمت اول مرا طفل يحضنها وينام
انسدحت يارا ونامت ورشاش نام معهم
الساعه(6:30)المغرب
صحى سلطان وخرج برى ولقى مصلح وغلا وهبه ومهل جالسين
سلطان: وين الباقين؟
هبه: عمر نايم والباقي حتى هم نايمين
سلطان: طيب قومي صحي عمر وانا بصحي يارا ورشاش
هبه: طيب
دخل الخيمه سلطان: رشاش يلا قوم ههههههههههههههههههههههه
رشاش: خير شتبغى
سلطان: يارا سحبت عليك
رشاش: ها؟
سلطان:اقول يارا سحبت عليك اليوم
رشاش: اي قصدك مشعل عادي
سلطان: يلا قومو
رشاش: طيب
خرج سلطان من الخيمه
رشاش بصوت خفيف: يارا يارا قومي
يارا فتحت عيونها لقت مشعل باقي حاضنها
رشاش: انا بخرج وانتي تعالي
يارا: تمام
خرج رشاش من الخيمه
وطالعت يارا في مشعل بعدين خرجت
بعد قامو كلهم ويسولفون
مهل: في صوت بزر يبكي
سلطان: اي والله
طالعت يارا في رشاش وقامو بسرعه يركضون
راحت يارا عند الخيمه مالقت مشعل
يارا: رشاش مشعل مو موجود!
رشاش: اهدي يمكن راح الخيمه ثانيه
راح رشاش يدور في خيام العيال بس مالقيه بدت يارا تبكي
مهل: شفيكم!
رشاش: مشعل مو موجود بسرعه شغل السياره ودورو له
مهل: ابشر
مصلح: مايحتاج لقيته ياعيال
راح مشعل عند يارا وهو يبكي
يارا وهي تبكي وحاضنته: مشعل حبيبي وين رحت؟
مشعل مارد عليها بس يبكي
يارا: اشوف وجهك اشوف خلاص لاتبكي
مسحت دموعه وشالته وراحت جلست عند النار
وجنبها رشاش
رشاش: مشعل وين رحت؟
مشعل: انا صحيت مالقيت يارا ولمى طلعت من الخيمه ضعت
يارا: اف بسببي ماكان لازم اخليه لوحده
شال رشاش مشعل وحطه فوق حضنه
رشاش: خلاص اوعدك بكره نروح البقاله
مشعل: جد؟
رشاش: اي جد
مصلح: يلا يلا العشاء جاء
يارا: يلا تعال ناكل
مشعل: طيب
جلست يارا وفي حضنها مشعل ورشاش جنبهم
هبه: ماشاءالله صار عندكم ولد وانتو مو متزوجين
يارا: ماعلمناهم؟
رشاش: لا نسينا
غلا: وش؟
رشاش: انا عرضت الزواج على يارا
يارا: وانا قبلت
مشعل: يعني بتجيبون بيبي؟
يارا ضحكت: تبغى اجيب بيبي؟
مشعل: ايي جيبي
رشاش: انا الاب ترى
يارا: مشعل قال جيبي بيبي وانا بجيب عشانه صح
مشعل: يارا
يارا: عيون يارا
مشعل: عادي اناديك ماما؟
يارا: ماما؟ اي اكيد عادي
حضنته وبكت
مشعل: ماما لاتبكين ومسح دموعها
يارا:طيب ماراح ابكي
مهل: يتربى بعزكم
رشاش: تضحك؟
مشعل: لاتضايق بابا!
رشاش: انا بابا؟
مشعل: مو عادي اقولك بابا؟
رشاش: الا طبعا عادي
هبه: يلا كلو
يارا: طيب
بعد ما اكلو
مشعل: ماما
يارا: الله مرا حلوو شعور ان احد يقولك ماما
هلا ياقلبي
مشعل: العبي معي
يارا: طيب وش تبغى نلعب؟
مشعل: اي شي يلا حتى انت يا بابا
رشاش: ابشر انت بس اطلب ياعيال قومو العبو معنا بسرعه
مهل: شدخلنا ولدكم ذا
رشاش: بالضبط ولدنا طلب وحنا ننفذ صح يامشعل؟
مشعل: صح قومو
هبه: يلا قومو لاتكونو كذا مع الولد!
عمر: يلا نلعب غميضة
يارا: ضلام بيضيع!
هبه: انتي معه
رشاش: هي بتضيع بكبرها
مشعل: لا ماما ذكيه ماتضيع
يارا: صح
مصلح: طيب عندي لعبه ثانيه
مشعل: وش؟
مصلح: اول واحد يرقد له جائزه
مشعل: لا لعبتك سخيفه
يارا:  تحسب ولدي غبي؟ تعال نلعب انا وانت في التراب
مشعل: يلا
راحت يارا ومشعل عند التراب يلعبون ورشاش يطالع فيهم
يارا: مشعل
مشعل: نعم
يارا: شفت ذاك الي الي جالس هنا
مشعل: اي
يارا: خلنا نروح نحط عليه التراب
مشعل: بيضربنا
يارا: لا مايقدر انا وبابا موجودين معك
مشعل: طيب يلا
يارا: يلا خذ تراب كثير في يدك
مشعل: طيب
خذت يارا ومشعل تراب وراحو ورا مهل
يارا: لمى اقول ثلاثه
هز مشعل راسه يعني طيب
يارا: واحد اثنين ثلاثه
رمو التراب على مهل
مهل: الله يلعنكم ياعيال الكلب
يارا مشعل تعال تعال بسرعه
راحو ورا رشاش
مهل: تعالو والله لاندمكم
رشاش: مين تندم؟
مهل: ياخي رمو التراب علي
رشاش: ترى مثل مزحك ليه ماتتقبل؟
مهل: انقلع بس
يارا: مهل انا اسفه بس كنت طفشانه
مشعل: ماما زعل منا
يارا: عندي طريقه نخليه يرضى
مشعل: وش؟
يارا: تعال معي
راحت يارا الخيمه
بعد ماقالت يارا الخطه ل مشعل
مشعل: طيب يلا
يارا:يلا روح
راح مشعل عند مهل
مشعل: عمي مهل
مهل: ها؟
مشعل: اسف عادي تسامحني؟
مهل: لا
مشعل: اذا سامحتني بوديك البقاله
مهل: ههههههههههههههههههه وين توديني؟
يارا: بيوديك البقاله
رشاش: يارا وش ذا؟
يارا: هذا الشاهي عشان مهل زعل علينا صح يامشعل؟
مشعل: اي سويناه عشانك انت
مهل: خلاص سامحتك
مشعل حضن مهل
وراح عند رشاش
جلس في حضنه
بعد نص ساعه من السوالف والضحك
يارا: رشاش!
رشاش: هلا
يارا: شوف مشعل نام
رشاش: اي والله نام وانا من اول اسولف فوق راسه
قامت يارا شالت مشعل وراحت الخيمه
حطته وجلست عنده تلعب في شعره دخل رشاش
يارا: رشاش تعال
رشاش: نايم
يارا: اي نايم
قامت يارا وجلست جنب رشاش
رشاش: الحين متاكده تبغين مشعل؟
يارا: ليه انتي ماتبغاه
رشاش: الا ابغاه وحبيته بس اكيد عنده اهل عنده ام
يارا: اي ام  تتكلم عنها الي تركته في السوق وراحت؟
هذيك ماتسمى ام وصراحه انا ابغى مشعل يكون ولدي
رشاش: ابشري زي ماتبغين
رشاش: يلا نامي
يارا: حتى انت نام
رشاش: طيب
نامو 
الساعه(5:30)الفجر
مشعل: ماما ماما
يارا: هلا
مشعل:ماما بابا يقول قومي بنروح
يارا: طيب حبيبي قمت
خرج مشعل عند رشاش
مشعل: بابا ماما قامت
شال رشاش مشعل
رشاش: شاطر ولدي
مشعل: ترى بتوديني البقاله
رشاش: اكيد بوديك
يارا خرجت من الخيمه
رشاش: يارا تعالي
يارا: هلا
رشاش: كلكم جاهزين؟
يارا: شدراني
رشاش: روحي شوفي
يارا: طيب
راحت يارا عند البنات
يارا: بنات جاهزين
غلا: اي اي
هبه: الله يستر ان شاء الله نوصل ب السلامه
يارا: ان شاء الله
ركبو السيارات ومشو
رشاش: عمر وقف البقاله ذي عشان مشعل
مشعل: يسس
يارا: يلا انا ومشعل بتنزل
رشاش: طيب
نزلت يارا ومشعل واخذ مشعل الي يبغى وخرجو
رشاش: ها خذت الي تبغاه
مشعل: اي شكرا بابا
رشاش: عفوا
الساعه(12:30)
عمر: رشاش ها كم باقي
رشاش: باقي شوي ونوصل
يارا: تكلمو بشويش مشعل توه ينام
رشاش: طيب اسف
وصلو المكان
رشاش: وقف وقف وصلنا
عمر: طيب وقف السياره ونزلو
مهل: متاكد ذا المكان؟
رشاش: اي متأكد
سلطان: وين الزين فيه؟
رشاش: باقي ماشفتوه من جوه
يارا: مشعل حبيبي قوم وصلنا
مشعل: وين احنا
يارا: وصلنا بيتنا
مشعل: طيب
رشاش: هيا ادخلو ادخلو
دخلو البيت وكان كبير وحلو
مهل: والله انه زين
يارا: وين غرفتنا
رشاش: تعالي
هبه: عمر تعال نختار غرفه
غلا: مصلح حتى انت تعال
بعد ما اختارو الغرف
رشاش: مابتجين؟
يارا: لا بنام وماودي اخلي مشعل نايم لحاله
رشاش: طيب براحتك ياحياتي
خرج رشاش لقاهم جالسين
هبه: وين يارا؟
رشاش: يارا نايمه
مصلح: انا بروح ارقد تعبت
غلا: حتى انا جايه انام
رشاش: دامك كلكم بتنامون يلا تصبحون على خير
عمر: وانت من اهله
كلهم راحو ينامون
رشاش: يارا نمتي
يارا: لا والله ماجاني النوم
رشاش: ليه؟
يارا: مدري
رشاش: انسدح جنب مشعل حضنه ونام
يارا انسدحت وحاولت تنام بس ماقدرت
خرجت يارا من الغرفه راحت الصاله
شوي الا مشعل جاها
مشعل: ماما
يارا: مشعل وش صحاك حبيبي
مشعل: صحيت وشفتك خارجه من الغرفه ولحقتك
يارا: تعال اجلس
جلس مشعل جنبها
مشعل:ماما
يارا: نعم
مشعل: صدق ماما تركتني؟
يارا: مين قالك؟
مشعل: محد قالي سمعتك انتي وبابا تتكلمون يوم كنا في البر
حضنته يارا
يارا: اسفه حبيبي بس انا موجوده معك صدقني
حضنها مشعل: ادري انك بتكونين معي
يارا: ما اعرف الله كيف جابك لي لاكن صدقني انت اجمل حاجه حصلت في حياتي
مشعل: ماما فيني نوم خلينا نروح ننام
يارا: طيب
وراحو نامو

(بعد عشر سنوات )

يارا: رشاش بندر يبكي روح شوف وش فيه وانا بجيب الكيكه قبل يجي مشعل
رشاش: طيب
اخذ رشاش بندر
رشاش: حبيبي انت حبيبي
يارا: رشاش!ماينفع تهزه كذا توه عمره ثلاث شهور!
رشاش: طيب طيب وين عمر ومشعل
يارا: كلمت هبه وقالت الحين جاين
دق الجرس
يارا: هذولا غلا ومصلح
فتحت يارا الباب
يارا: غلا اهلين
وين محمد؟
غلا: مع مصلح
يارا: طيب بسرعه ادخلي
بعد ثلاث دقايق تقريبا  دق الباب مرا ثانيه
يارا: مين؟
سلطان: افتحي انا سلطان ومهل
فتحت يارا الباب
سلطان: حبيبتي ادخلي
مريم: تمام يلا تعالو
يارا: هلا والله ب مريم  يلا بسرعه الحين بيجون
رشاش: اسمعو اليوم عيد ميلا مشعل زي ماتعرفون
سلطان: صدق كم بيصير عمره؟
رشاش: 14
معل: والله كبر
يارا: يلا هبه قالت انهم وصلو
دق الجرس
رشاش: خذي بندر انا بروح افتح الباب
فتح رشاش الباب
رشاش: مشعل هلا والله
مشعل حضن رشاش
مشعل: وين ماما؟
رشاش: جوه بس اصبر
مشعل: طيب
عمر: هلا والله
هبه: مستعدين؟
رشاش: اي بسرعه ادخلي
دخلو عمر وهبه
رشاش: مشعل تعال بكلمك
مشعل: طيب
بعد مادخلت هبه وعمر جوه
رشاش: وين رحتو؟
مشعل: تمشينا شوي ليه فيه شي؟
رشاش: لا مافيه شي بس اسأل
مشعل: يلا بابا خلنا ندخل
رشاش: يلا
اول مادخل مشعل
يارا فتحت اللمبه
يارا: سبرااايززز
مشعل ضحك وحضن يارا على طول
يارا: كبر ولدي وصار عمره 14ها؟
مشعل: انتي كبرتيني
رشاش: وانا جحدتني؟
مشعل: لا اكيد انت بعد ههههههههههههههههههههههه 

النهايه💖

وصلنا نهايه القصه يمكن تكون موحلوه بس فكرت ما لقيت غير ذي النهايه اتمنى انكم استمتعو وانتضرو القصه الجديد اي وقولو لي مين تبغون البطل في القصه الجايه












اللعنه يعجبني بها كل شيحيث تعيش القصص. اكتشف الآن