حازم & فيروز

نصيبي وقسمتي

اسكريبت

     نصيبي وقسمتي

بقلم زهراء صابر

خرجت من منزلها وهي تتحدث عبر هاتفها  = ألو  ياحبيبي
_ صباح الخير يا فيروزي

قالت فيروز بابتسامة وهي تنزل على السلم = صباح السعادة يا حازومي يا قرة عيني وزوجي
ضحك حازم بشدة مردفًا  = زوجي دي لسة فاضل عليها شهر
قالت هي بنزق وهي تشاور لسيارة أجرة = يا عم أنت واقع على دماغك إحنا مش كاتبين الكتاب
قال حازم وهو ينهض من على الفراش = يا عم دة زواج مع وقف التنفيذ يعني كلام على ورق
شعرت فيروز بالخجل والصدمة من حديثه وهي تستقل السيارة لتردف  بارتباك خجول = أنت .. أنت قليل الأدب اقسم بالله
هتف حازم بضحك وهو يدلف إلى المطبخ = هو أنا قولت دة حاجة.. دة أنا لسة هكمل
هتفت فيروز بغضب وخجل = حاااااازم ... اتلم ولم نفسك .. هقفل في شك والله
أرسل حازم قبلة في الهواء لوالدته التي ابتسمت له ثم أكمل حديثه مع فيروز = خلاص مش هتكلم تاني خلاص ... بعد شهر هقول كب اللي في نفسي ياعسل
اغلقت الخط بوجهه هاتفة = والله قليل الأدب
ضحك حازم عليها وشاركته والدته الضحك التي أردفت = كسفت البنت تلاقيها بتقول معرفتش أربي
قضم حازم من التفاحة التي بيده والتي أخرجها من البراد قائلا بشرود = تؤ.  عمالة تشتم فيا ومتعصبة ووشها أحمر
بالفعل فيروز كانت غاضبة ووجهها أحمر من الخجول وتتحدث مع نفسها بخفوت = قليل الادب .. منحط .. والله لربيه .. بيحب يكسفني ..
كتم السائق الكبير بالعمر وهو يرى حالتها تلك متمتما لنفسه = إيه المجنونة دي

وصلت فيروز إلى المستشفى التي تعمل طبيبة بقسم الطوارئ ألقت التحية على زملاؤها ودلفت إلى إحدى الغرف وبدلت ملابسها  يثم عادت وجلست مع صديقتها دعاء التي أردفت بمشاكسة = أخبار عروستنا إيه
هتفت فيروز بضيق = مزنوقة
هتفت دعاء بقرف = الله يقرفك وأنا  مالي بدة
هتفت فيروز بغضب = فهمتي إيه يامعفنة أنتِ .. أنا قصدى مزنوقة ما خلصتش حاجة .. دة الفستان لسة مجبتوش ..
أردفت دعاء = لسة فاضل شهر
هتفت فيروز بنزق = والشهر دة أعمل فيه إيه ولا إيه أما اكلمه أشوف هنروح فى يومنا ولا إيه
أمسكت هاتفها وقامت بالاتصال عليه، كان حينها حازم يخرج من غرفته بعدما ارتدى ملابسه للذهاب للعمل هاتفا لوالدته = أنا  ماشى ياست الكل يدوب اروح الشركة .. وبعدها آخد فيروز على الاتليه
أردفت والدته بحنو = مع ألف سلامة ياحبيبى وربنا يكتبلك في كل خطوة سلامة
ابتسم لها وخرج ليتعالى حينها رنين هاتفه أجاب عليها هو يخرج من منزله وكاد أن يتحدث ليأتيه صوتها الغاضب = بقولك إيه هنروح النهاردة يعني هنروح مليش دعوة ها
هتف حازم = والله النهاردة هخلص شغل بدري وهعدي عليكي
هتفت فيروز بضيق = أنت كل يوم بتقول كدة
أردف حازم بابتسامة = ما أنتِ عارفة أنا بخلص كل الشغل اللي ورايا علشان الأجازة الل هخدها لشهر العسل وهكون بعيد عن الشركة .. بس خلاص وعد هروح النهاردة
غمغمت فيروز بضيق = أما نشوف
هتف حازم بحب = لا هخلص كل اللي ورايا وحتى لو مخلصتش بردو هاخدك ونروح بس مزعليش نفسك أنتِ ياحبيبتي
أردفت فيروز بابتسامة = ماشي وأنا هستناك تعدي عليا في المستشفى
اردف حازم = ماشي ياقلبي سلام
غمغمت فيروز = سلام