انتقام ريهام والجان

البارت الاول

سمير ..... انا مش هلعب معاكى عشان انتى وحشه
ريهام ..... لا انا مش وحشه انت اللى وحش عشان بتقول على بابا كلام مش كويس
سيمر .... لا ماما بتقول عليكى وحشه وانا بكرهك وهخلى ماما تضربك 
ريهام قعدت تعيط
سمير ببكاء مصطنع  .... ماما يا ماما اعااااااا
ميار (ماما سمير ) .... نعم يا قلب ماما بتعيط ليه اكيد انتى اللى ضربتيه يا عقربه
سيمر ..... اضربيها زى ما ضربتنى يا ماما
ريهام ..... والله ما ضربتوه هو اللى بيقولى انى وحشه وكمان مش بيحب بابا
ميار وهى تضرب ريهام ..... وكمان بتكدبي
ميار مسكت ريهام من شعرها وبعد ما ضربتها رمتها فى الاوضه تحبسها
وقبل ما معاد الاب (احمد) ييجى من الشغل بنص ساعه  ميار طلعت ريهام من الاوضه وسكتتها وقعدت تأكلها هى وسمير وفى اللحظه دى دخل الاب

احمد ..... السلام عليكم ورحمه الله وبركاته
الكل رد السلام وريهام جريت عليه وحضنته وكانت لسه هتحكيله على اللى حصل كالعاده زى كل يوم ميار راحت عنده

ميار .... حمد لله على سلامتك يا حبيبي عامل ايه تعالى يلا غير عشان الاكل

احمد .... ماشي يا حبيبتى وشكرا بجد على اهتمامك بريهام وانك معوضاها عن مامتها

ميار بخبث .... متشكرنيش ده واجب عليا طبعا (ده انتى حربايه انا نفسي اولع فيها ) 

ريهام واقفه وباصه عليهم بخيبه امل هتقول لباباها ايه ومرات ابوها واكله عقله
( ريهام عمرها ٦ سنين مامتها اتوفت وهى بتولدها وده السبب إللى خلى احمد يقرر يتجوز عشان مينفعش يسيبها لوحدها ويروح شغله )
( سمير عنده ٤ سنين اخو ريهام من الأب بس هو طيب بس امه بتكرهه فى ريهام وباباه لأسباب هنعرفها بعدين )

احمد طلع يغير وميار راحت لريهام وبصلتلها بغضب

ميار بنظره شر مرعبه ..... لو قولتى حاجه لابوكى بكره هحبسك فى المسقط مع الفيران

ريهام بخوف .... خلاص مش هقوله والله

ميار كان لسه بتمسك ودن ريهام لقت احمد نازل راحت مغيره الموضوع بسرعه
ميار .... يلا يا قلب ماما عشان تاكلى مع بابا انتى وسمير

احمد نازل على السلم وباصص ليهم وفرحان أن ميار بتهتم ببنته قعدوا كلهم على السفره واتغدوا وريهام بتبص لباباها عاوزه تحكيله ان  مراته قد ايه بتعزبها ولكن مش قادره تتكلم خلص الغدا وطلعت ريهام اوضتها  وقعدت فى ركن جنب السرير وضمت رجليها وحاوطه نفسها بإيديها الصغيره وفضلت تعيط وتقول هو ليه انا مليش ماما حلوه وبتحبنى حتى بابا مش فاضي يسمعنى

نامت ريهام وهى على نفس الوضع

خلص اليوم وكل واحد راح اوضته ميار لاحظت ان احمد رايح عند ريهام خافت تقوله جريت عليه وقفته

ميار .... احمد رايح فين

احمد .... هطمن علي ريهام وادخل انام عشان تعبان