احمد: يا بنتى انا بقالى ساعه ونص قاعد وانتى عماله بتعيطي ومعرفش حتى اسمك طب قوليلي عنوانك ايه اوصلك
نورهان ببكاء: اعااااااااا طردنى حسبي الله ونعم الوكيل فيك يا ايهاب يابن ام ايهاب
فلاش باك
نورهان في سرها وهى تدخل الشركه مسرعه: اتاخرت اتاخرت هيطردني ابن ال**** ده بيتلكك انا عارفه
وفجأة اصطدمت بشخص ما فاوقعت القهوه التى بيدها على ملابسه نظرت وجدته المدير
ايهاب المدير: وصلتي يا هانم لا حلوة الحفله اللى عملتيها دي يعنى جايه متاخر وبوظتيلي البدله في بداية اليوم
نورهان تكاد تبكى: يافندم انا اس..
ايهاب: بلا اسف بلا زفت انتى مطروده
خرجت نورهان من الشركه وهي تبكى ولم ترى السياره التى تقترب منها فاصطدمت بها ولم تشعر بشئ وعندما فتحت عينها وجدت نفسها في المستشفى ومعها شخص لا تعرفه فظلت تبكى
باك
نورهان ببكاء: بقى المعفن ايهاب يطردني انا اعاااااااااا
احمد بنفاذ صبر وصوت عال: اسكتى
كتمت نورهان شهقتها الاخيره ونظرت له بصدمه
نورهان: انت مين يا اخ وبتعمل ايه هنا
احمد: انا احمد سيف الدين وكنت ماشي بعربيتي ورايح اركن علشان ادخل الشركه لقيتك في وشي ورجلك اتكسرت فجبتك المستشفى وانتى من ساعة مصحيتي وانتى بتعيطى مش راضيه حتى تقولي اسمك ايه
نورهان: انت اخو المعفن ايهاب اللى طردني اعاااااا
احمد: انا قلت اسكتى واتنيلي قولى اسمك ايه
نورهان: نورهان
احمد : تمام يا نورهان قوليلي عنوانك فين بقى علشان اوصلك
نورهان: يا غدار يابن الدزمه ترميني لحم وتاخدني عضم ولا اسمها ايه
احمد: يابنتى اتهدي بقى وقولي عنوانك خليني ارجع للشركه
نورهان: مش هقولك غير لما ترجعني الشركه
احمد: اعتبري نفسك رجعتي بس خلصيني بقى
نورهان: عااااااا
احمد: ايه تاني
نورهان: ايهاب هيدايقني
احمد: هشغلك في قسمي انا ياستي ارتاحتي كده
نورهان بفرحه: ايوا كده يا عم الناس انا عنواني *******
وعادت نورهان للمنزل وفي اليوم التالي ذهبت الى الشركه لكى تعمل مع احمد سيف الدين
نورهان بعد دخولها الشركه نظر لها ايهاب نظره غضب ووقف امامها وكاد يقول شيئا لكن قاطعته ببرود: وسع كده يا اخ عايزه اعدي
وحركته بيدها قليلا ومرت بكل كبرياء
وذهبت الى قسم احمد ودخلت المكتب
احمد: انا شفت الcv بتاعك يا نورهان ولقيت انه ممتاز ليه كنتى مبهدله نفسك كده
نورهان: حضرتك تقصد ايه
احمد: اقصد ان انتى لو قدمتى الcv بتاعك ده في اي شركه تشتغلى فيها احسن شغلانه يابنتى انتى معاكى 3 لغات مهمين جدا
نورهان بغضب شديد: ابن ال** كان بيشتغلني ومفهمنى ان محدش هيقبل بالcv بتاعى ده وهو قبله بسبب اننا كنا زمله في الجامعه وانا علشان مقدمتش في شركات قبل كده دي اول شركه اقدم فيها مكنتش اعرف اهمية اللغات اللى معايا
احمد: مش مشكله يا نور اعتبري انك لسا مقدمه دلوقتي وانا قبلت تشتغلى معانا وهتكوني السكرتيره بتاعتي وهنبدا من دلوقتي خدي الفايلات دي ترجميها
نورهان ببسمه: تمام يا فندم
وذهبت نورهان لمكتبها الخاص وجدت ايهاب منتظرها يجلس مكانها ويضع رجل فوق الاخرى
ايهاب: شرفتي ياختى
نورهان: انا مش فاهمه انت عملت كده ليه كنت عايز تبهدلني وخلاص لانك عارف انى محتاجه الشغل انا عملتلك ايه علشان تعمل كل ده
ايهاب بغضب شديد: يعني متعرفيش عملتي ايه قلتلك قبل كده انا مترفضش لما اتقدمتلك من سنه قدام الجامعه كلها واعترفتلك بحبى خليتي منظري زباله وبسببك سبت الجامعه قبل مالسنه تخلص علشان كده لحد دلوقتي بنتقم ولسا مرتحتش لسا هتشوفي منى اللى عمرك مشوفتيه يا نورهان
وتركها وخرج غاضبا وجلست هي تبكى وتفكر في ما يمكن ان يحدث وفجأة دخل احمد المكتب وجدها بهذه الحاله فسالها عم حدث فقصت عليه كل شئ
احمد بغضب: متقلقيش يا نورهان انا مش هسمح باى حاجه تحصلك انا في المكتب اللى جنبك ولو حصل اى حاجه تعالى علطول .
#يتبع#
