وفى اليوم التالى
في منزل احمد
والدة احمد: صباح الخير يا حبيبى
احمد: صباح الخير يا ماما ايهاب فين
والدة احمد: والله يابنى جيه امبارح متاخر البيت معرفش كان فين ودخل على اوضته على طول وصحيت لقيته مش في اوضته يابنى خلى بالك على اخوك انا معرفش بيروح فين بس باين انه الفترة دي مع شله مش كويسه انا معرفش ابوك ازاى مسكه الاداره وهو لسا صغير كده
احمد: صغير ايه يا ماما ده عنده 24 سنه يعنى كبر والمفروض انه يعرف يفرق الصح من الغلط انا اساسا ليا كلام تانى معاه بسبب اللى بيعمله
وصل ايهاب المنزل وهم يتحدثون
احمد: اهلا بالباشا كنت فين امبارح
ايهاب: بتسال ليه
احمد: يعني مش عارف. ازاى يا افندي تروح البيت متاخر كده وكنت فين كمان من اصبح
ايهاب بعصبيه: هو تحقيق ولا ايه ملكش دعوه كنت فين كنت مع صحابي ارتحت كده
احمد بهدوء: طب يلا نفطر وعايزك في مشوار
ايهاب بتعجب: مشوار ايه احنا مش عندنا شغل والمفروض نروح الشركه دلوقتي
احمد: اسمع الكلام وهتعرف بعدين
وبعد مرور بعض الوقت وصلوا الى كافيه على النيل
ايهاب: مفهمتش بردو في ايه
احمد: عايز اتكلم معاك شويه يااخى مينفعش
ايهاب: اتكلم
احمد بهدوء: عايز اعرف مالك الفتره دي بقيت عصبي وبتختفي كتير
ايهاب بتوتر : قولتك مع صحابى
احمد: طب اتوترت ليه انا بس عايز اعرف صحابك مين دول؟
ايهاب: صحاب كانو معايا في الجامعه
احمد: وصحابك دول هم اللى بيخلوك عصبى كده ولا في حاجه تانيه
ايهات بتوتر شديد: هيكو..ن في ا..يه يعنى
احمد وهو لايزال هادئ: من امتى يا ايهاب
ايهاب: من امتى ايه يا احمد وبع...
احمد بمقاطعه وبدأ يفقد هدوئه: من امتى بتشرب مخدرات يا ايهاب
ايهاب بتلعثم: مخدرات ايه انت ايه اللى بتقوله ده
احمد وقد فقد هدوئه كله: انت هتستعبط يا ايهاب انا شوفت المخدرات بنفسي فى اوضتك
ايهاب: انت بتفتش اوضتي في غيابي
احمد: متوهش الموضوع ليه بتعمل كده
ايهاب: ملكش دعوه بيا
احمد: هو ايه اللى مليش دعوه بيك انا اخوك الكبير والمسئول في غياب ابوك مش علشان مسافر تفتكر انها سايبه ليه يا ايهاب تعمل كده ليه
ايهاب: هو انت دلوقتي لسا فايق وعايز تعمل فيها دور الاخ كان فين الدور ده من زمان لما كانت نفسيتي زي الزفت وكنت محتاجلك بعد ماترفضت من ست نورهان ولا كنت فين انت لما احتاج حد يسمعنى ويعرف مشاكلى مطبيعي اتلم على اي صاحب ودى النتيجه انت فاكر انى مش زعلان على نفسي ونفسي ابطل اشربه بس خلاص بعد ايه فات الاوان ودلوقتي اخوك بقى مدمن مخدرات يااه دلوقتي لاحظت لا شابوو يا اخويا
احمد وقد بدأ يشعر بفداحة ما فعله فهو كان يهتم لعمله فقط كان يريد ان يثبت لوالده انه يستطيع تحمل المسئوليه لكن ها هو الان خسر اخوه بما فعل
احمد: لا يا ايهاب مفاتش الاوان ولا حاجه هتتعالج في احسن مصحه
ايهاب: لا يا احمد انا مش عايز اروح مصحه
احمد: لازم تروح اومال هتتعالج ازاى
ايهاب: معرفش يا احمد اتصرف لكن انا مش هروح مصحات
احمد: طيب انا هتصرف بس اهم حاجه دلوقتي تبعد عن صحابك دول
ايهاب لا رد
احمد: ايهااااب دول السبب في اللى انت فيه ولازم تبعد عنهم وانا اخوك وجنبك وهفضل معاك
ايهاب: حاضر
احمد وقد بدات دموعه تهبط: ايهاب انا اسف
ايهاب وهو يحضن اخوه وبدات دموعه تهبط هو الاخر: متتاسفش يا احمد انت اخويا الكبير
احمد: بجد يا ايهاب اسف والله مش هيحصل تاني مش هبعد عنك تانى يا اخويا هفضل دايما اعز اصحابك
وانتهى الامر وذهب احمد الشركه وامر ايهاب ان يعود للمنزل حتى لا يرهق نفسه وانه سيتصل بطبيب حتى يرى ما يمكن فعله
وعندما وصل الشركه وجد نورهان في مكتبها فدخل مكتبه وبدا يبحث عن اطباء يمكنهم مساعدة اخاه وفي هذه الاثناء دخلت نورهان ومعها القهوه
احمد: حطيها عالمكتب يا نورهان
وضعتها عالمكتب ولاحظت ما يبحث عنه
نورهان: انا اعرف دكتوره كويسه جدا
احمد: اديني رقمها
نورهان: حاضر بس حضرتك محتاجها لمين يعني اصل غريبه علاج من الادمان اكيد مش حضرتك خالص
احمد: لحد قريبي هاتيلي بس رقمها
كتبته نورهان واعطته اياه
نورهان: رقمها اهوه واسمها منه مروان
احمد: تمام شكرا جدا يا نورهان اتفضلي انتي على شغلك
نورهان: تمام يا فندم بس بردو حضرتك محتاجها لمين
احمد: مش مهم لمين يانورهان وقولتلك اتفضلى على مكتبك
نورهان بتذمر: هوففففففف بقى حاضر
احمد: بتقولي حاجه
نورهان وهي تكتم غيظها: بقول حاضر
وذهبت نورهان وهاتف احمد الدكتوره منه وطلب منها القدوم الى منزله وستظل معهم فتره حتى يتحسن ايهاب واتصل باخيه كي يبلغه هذا الخبر
اتصلت نورهان بابنة عمتها الدكتوره منه
نورهان بفضول شديد: الو يا منه عامله ايه متعرفيش استاذ احمد كان عايزك لمين عندهم
منه بضحك: طب مش تستنى لما ارد السلام الاول يخربيت فضولك ماشي يا ستى بس انا مقدرش اقولك هو مين
نورهان: علشان خاطري يا منمن
منه: والله يا بنتى ماينفعش دي اسرار شغل ومقدرش اقولك عليها
نورهان : ماشي يا ختى قوليلي عمتى عالمله ايه
واكملو المكالمه
وعند انتهاء الدوام اتصلت نورهان بابن عمها واخوها في الرضاعه حتى يوصلها الى البيت فهى تشعر بتعب شديد
وعند خروج احمد من المكتب
احمد: ايه يا نورهان مش هتروحى
نورهان بتعب: ااه بس مستنيه ابن عمى ييجي يوصلنى
احمد: مالك تعبانه ولا ايه
نورهان بتعب شديد: لا انا كويسه بس تعبانه شويه
احمد: طب تحبى نروح المستشفى
نورهان: لا انا هبقى كويسه ان شاء الله
احمد: طيب انا هستنى معاكى
نورهان: لا مش ض....
ولكن وقعت من كثرة التعب فاخذها احمد الى المستشفى وعلم انها تحتاج الى عملية فاتصل خالد ابن عمها علث هاتفها فرد احمد واخبره بمكان المستشفى وعندما وصل علم بحالتها فاتصل والديها وطمانهم انه معها ولكن لم يخبرهم بامر العمليه فسيقلقو كثيرا
خالد: انا مش عارف اقولك ايه يا استاذ احمد انا بشكر حضرتك جدا على اللى عملته
احمد: على ايه بس انا معملتش حاجه
#يتبع#
