🌟🌟🌟🌟🌟🌟🌟🌟🌟🌟
මිස් චෝයි කෙල්ලට තනියම එහෙ මෙහෙ යන එක තහනම් කරලා තිබුනේ එයාගෙම ආරක්ශාවට. එක වතාවකුත් තනියම ගිහින් Suzyට කරදරයක් වෙන්න ගිය නිසා මිස් චෝයි බයෙනුයි හිටියේ. ඒත් Suzy නම් කට්ටියගෙම ඇස් වහලා හිටපු ගමන් එහෙ මෙහෙ යන්නේ මිස් චෝයිගේ ඇඟේ ලේ ටික වතුර කරලා දාලා.. අදත් ඒ වගේම දවසක්..
🌟🌟🌟🌟🌟🌟🌟🌟🌟
හැමෝම Suzy ගැන බයෙන් ඉද්දි කෙල්ල නම් ඒ මොනවත් ගානක් නැතුව පාක් එකේ බාගෙට නට නට ඇවිදගෙන යන ගමන් හිටියේ..මූණ වැහෙන්න දගෙන හිටපු සුදු පාට මාස්ක් එකයි, රෝස පාට බෑගි ටී ශර්ට් එකයි, රෝස පාටම කැප් එකකුයි, කළුපාට සන්ග්ලාස් පෙයාර් එකයි, අළු පාට ජීන් එකකුයි අැඳගෙන හිටපු කෙල්ල දන්නවා මෙහෙම ඉද්දි කවුරුත් තමන් සෙලිබ්රිටි කෙනෙක් කියලා සැක කරන්නේ නැහැ කියලා.ඒක තමයි Suzy එයාලගෙම සින්දුවක් අහගෙන බාගෙට නට නට නිදහසේ ඇවිදගෙන යන්නේ.
" ඇත්තටම ඇයි අනේ මම ස්ටාර් කෙනෙක් වෙන්න දැඟලුවේ.."💜
" ෆෑන්ස්ලගෙන් ලැබෙන අාදරයට මම ආසයි.. ඒ වුනාට..අනේ මන්දා..."💜
එකපාරටම නැවතිලා එයාගෙම ඔළුවට තට්ටු කර කර කල්පනා කරපු කෙල්ල ආයමත් පියවි සිහියට ඇවිත් හෙමින් හෙමින් ඉස්සරහට ගියා.
" වාව්... අයිස්ක්රීම් ..."💜
ටිකක් ඈතට වෙන්න තිබුණ පොඩි අයිස්ක්රීම් වෙළඳසැලක් දැකපු Suzy එතනට දුවගෙන ගියේ ඒ ලෝකේ අන්තිම අයිස්ක්රීම් ටික දැක්ක වගේ. චොකලට් අයිස්ක්රීම් කෝන්ස් දෙකක්ම අත් දෙකට අරගෙන කෙල්ල පාක් එකේ වැඩිය කවුරුවත් ගැවසුනේ නැති හුදෙකලා වෙලා වගේ තිබුණු දිහාවකට ඇවිත් ඒ හරියේ බෙන්ච් එකකින් වාඩිවුනා.
හෙඩ්සෙට් එකත් ගලවලා දාලා, දාගෙන හිටපු කැප් එක මුහුණ වැහිලා යන්න ටිකක් පහතට ඇදගෙන Suzy සුදු පාට මාස්ක් එක ගලවලා දැම්මා..අත් දෙකම දෙපැත්තට දාලා ලොකු හුස්මක් අරගෙන කෙල්ල වටපිට බැලුවේ කවුරුමහරි තමන් දිහා බලාගෙන ඉන්නවද කියලා.
එහා පැත්තට වෙන්න ගෑණු ළමයි ටිකක් හිනාවෙවී එක්සසයිස් කරනවා කෙල්ලට පෙනුනා. ඒ අැරෙන්න වෙන කවුරුත් පේන්න හිටිය නැති නිසා Suzy කකුල් දෙකත් පද්ද පද්ද අයිස්ක්රීම් එක කන්න ගත්තා..
YOU ARE READING
Miss Suzy
Romance2019 දී ලියලා fb upload කරපු කතාවක්. මගේ පළවෙනි කතාව. අඩුපාඩු ගොඩක් තියෙනවා . ඒත් මම ඒක වෙනස් නොකර එහෙමම තියනවා. එක්තරා විදියකට මගේ fangirling life එකේ මතක සටහනක් මේක.💜️ Bae Suzy.. මම ආසම Female Artist. Miss A girlband එකේ වීඩියෝස් බලද්දි තමයි එ...