මහීසේනා [ Historical ] [✓]

~ 8 ~

" මහී කුමරියනි... කොහිද ඔබතුමිය ?

කුමරියනි....

කුමරියනී.... මහී කුමරියනී...."

" කිමද භද්‍රා?

කුමක්ද ඔබ උදෑසනම මෙහි පැමිණීමට හේතුව? "

හැරී බැලූ භද්‍රා දුටුවේ කුටියට ඇතුළුවන මහීසේනාවය.

" අනේ කුමරියනි, දැනුයි මගේ ඇඟට ලේ ටිකක් ඉනුවෙ. මා බිය වූවා ඔබතුමිය කුටියේ නොමැති බව දුටුවිට "

" මගේ කුටියෙන් පිටවීමට හැකියි මා හට අවැසි ඕනෑම මොහොතක. ඊට කිසිවකුගේ අවසරයක් අවශ්‍ය නැහැ. එසේ නේද ?"

" එසේය කුමරියනි. නමුත් මා කලබල වූයේ ඔබතුමිය වෙනදා මේ වේලාවට කුටියේ සිටින නිසය් "

" මා රාත්‍රියේ අංගනයේ සිට කුටියට පැමිණෙන විට ධවලකාලව එහි රඳවා ආවා ඔවුන් එහි සිටීමට කැමති නිසා මගේ කුටිය තුළ රාත්‍රිය ගත කරනවාට වඩා. මා ඔවුන්ව රැගෙන ඒමටයි උදෑසනින්ම අංගනයට ගියේ. නමුත් ඔවුන් එහි නැහැ, මා නැවත පැමිණියේ ඔවුන් ඒ අතරතුර කුටියට පැමිණ ඇත්දැයි බැලීමට. නමුත් මෙහිත් නැහැනෙ ඔවුන්. ඔබවත් දුටුවාද ? "

" නැහැ කුමරියනි, මා පෙරදින රාත්‍රියෙන් පසු  දුටුවෙ නැහැ ඒ දෙදෙනාව . ඔවුන් කොහි හෝ සැඟවී ඇති. "

" නැහැ ඔවුන් සිටිය හැකි සෑම තැනක්ම මා පිරික්සා බැලුවා. කොහි ගිහින්ද මේ මුග්ධයන් දෙදෙනා ... "

මහීසේනාගේ හඬෙහි තැවරී ඇත්තේ නොඉවසිලිමත් බවකි. කොතරම් බැන වැදුනද ඈ ඔවුන්ට බොහෝ සේ ආදරය කළාය.

" නුඹ මෙහි පැමිණීමට හේතුව?"

" ඔබතුමියට පණිවිඩයක් රැගෙනයි පැමිණියේ. මා දන්නේ නැහැ පණිවිඩය කුමක්ද කියා.නමුත් වාසල දොරටුවේ හේවායෙක් අතයි මේ හසුන එවා තිබුණේ. හදිසි පණිවිඩයක් බව පැවසූ නිසයි මා විගස ඔබතුමිය සොයා පැමිණියේ . කුමරියනි, මෙන්න ඒ හසුන "

භද්‍රා කුමරියට හසුන ලබා දුන්නාය.