BLACK-ORCHID <<Minkookie>> COMPLETED

A

Unicode

Black Orchid<<3>>

"Koo... ah အာဘွားပေး"

သခင်ဟာ ၁၉နှစ်တိုင်အောင်
သူ့ကိုကလေးလို့ထင်နေတာများလား
မျက်နှာကို အစွမ်းကုန်ရှုံ့မဲ့ပြလိုက်တော့
သခင်က ခပ်ဟဟရယ်သည်။

မင်းမကြိုက်မှန်းသိလို့စနေတာပါတဲ့...။

စိတ်အချဥ်ဖောက်ဖောက်နဲ့
တစ်ခါတစ်လေတော့လည်း
လက်ညိုးလေးနဲ့ ထောက်ထောက်ပြီး
ပြတတ်တဲ့ ပါးမို့မို့တွေကို ကျွံဝင်အောင်
နမ်းပစ်လိုက်ချင်တာ...

မလုပ်ရဲလို့ပေါ့....။

ငယ်ရွယ်တဲ့အသက်အပိုင်းကြားမှာ
သခင့်ရဲ့အသားယူမှုတွေကို
အကြောက်အကန့်သူငြင်းဆန်ခဲ့တာကြီးပဲ ။

သူစိတ်တွေအစိုးမရလာမှာလည်းပါသလို
အထူးသဖြင့် လူရှေ့သူရှေ့
မဏ္ဍပ်တိုင်တက်ကာ
အတင့်ရဲ့တာမျိုးကို သူသိပ်မုန်းသည်။
လူတွေကမဝေဖန်ရဲလို့သာ
ကြည့်နေတာ ဘယ်သူကမှ
သူ့အပေါ် အိမ်သားတွေကလွဲလို့
အကောင်းမမြင်ကြကပ်စားချူစားနေတဲ့
အပေါစားယောင်္ကျားတစ်ယောက်သာသာ....။

ဒါတွေအရမ်းဂရုစိုက်မှုလို့လား
ဆို​တော့မဟုတ်
သခင်သူ့ကိုတစ်ခါနမ်းတိုင်း
သူ့နေရာမှာအစားဝင်ချင်သလို
သရေတမျှမျှ ကြည့်နေတတ်သူတိုင်းကို
သူမုန်းတာ...။

သခင့်ရဲ့နမ်းနေတဲ့ပုံစံကခပ်မိုက်မိုက်ရယ်
ဘယ်သူ့ကိုမှ မမြင်စေချင်လောက်အောင်
Jeon Jungkook တစ်ယောက်
သိပ်ကို ကပ်စည်းကုပ်နေတာ...။

ဒါတွေကို သခင်ဟာနားမလည်..
သူ့ကို ရှောင်ဖယ်တာပဲ သိသည်

ရှောင်ဖယ်လို့ဝမ်းနည်းတတ်တဲ့အထဲ
သခင်မပါတာတော့တစ်မျိုးကောင်းသား..
သခင်ဟာသူရှောင်ဖယ်လေ
လိုက်စလေ လိုက်အသားယူလေပဲ

သခင့်အသိုင်းအဝိုင်းတွေကြားမှာ
နာမည်ကြီးတဲ့စကားရှိတယ်
Once Jimin in,can't Jimin out တဲ့

သခင်ဟာ ဝင်္ကဘာ လိုလူ...

ယောင်္ကျားရော မိန်းမရော
ဆွဲဆောင်နိုင်တဲ့သခင်ဆိုပေမယ့်
သခင်ဟာ ကိုယ်ကလွဲရင်အကပ်မခံတော့
ဘဝမြင့်ခြင်းတွေက အတောင်ပံတစ်ခုနှယ်
လှလှပပ...