الجمعة :
ساعة ١:٠٠ الظهر
دك تلفون ابو دعاء
عمار: الو سلام عليكم عمي
ابو دعاء: عليكم سلام وليدي
عمار: عمي اني عمار اشتغل بفلان مكان عمري ٢٧ اني شفت بنتك الله يحفظها ويخليها الك واني داخل من الباب مو من الشباك واريد اجي اتقدملها
ابو دعاء: وليدي تشرفت بيك واهلاً وسهلاً بيك تتفضل اليوم العصر يمي اتعرف عليك آڪــثر
صارت ساعه ٥
ندك باب بيت دعاء طلع اخوها محمد تفضلوا تفضلوا دخل عمار البيت هوه وابو وعمه وامه واخو
عمار ميت من الفرح والخجل
اجتي ام دعاء على دعاء
ام دعاء: بنيتي حبيبتي اشكرج لان ماضميتي عليه وحجيتيلي كلشي من البداية والله يسعدج حبيبة كلبي واشوفج احلى عروسة بنيتي انتِ
دعاء: خجلانه وفرحانه كلتلها يمة حبيبتي شمة البيت انتِ مو بس امي انتِ صديقتي الي من احجيلها ارتاح الي ما اضم عليها شي
ام دعاء: يلا حَبيبتي سوي كهوة وتعاي سلمي على النسوان جوة مبينين خوش عالم
دعاء: صار يا شمعة حياتي انتِ
سويت الكهوة واني فرحانة كلش ومرتاحة منزلت راس اهلي ولا خليت احد يحجي عليهم بسوء رفعت راسهم
كعدوا الزلم وعمار خجلان ومستحي كلش
ابو عمار: والله ياخوية ابو دعاء اني جاي اخطب بتكم دعاء لـ ابني عمار وشنو تطلبون انـي حاضر
ابو دعاء: متقصر ابو عمار ونتشرف بيكم إنشاءاللّـه وعمار خوش ولد ونعم التربية بس لازم ادخل اشوف ام دعاء ودعاء شنو يكولون وميكون خاطركم اله طيب
دخل ابو دعاء
صاح دعاء وامها
كللهم انتوا موافقين الناس خوش ناس وابنهم ميتعيب خوش رجال وبنيتي تستاهل
ام دعاء: الي تشوفه مناسب ومادام انت موافق احنا موافقين
ابو دعاء: ها بابه دعاوي موافقه
خجلت دعاء كلش كلتله باباتي حبيبي الي تشوفه مناسب وخير الي سوي
ابو دعاء : الحمدالله اني موافق الولد خوش ولد واني موافق
طلع ابو دعاء: احنا ماعدنه مانع خوية ابو عمار
وصارت هلاهل واتفقوا على المهر
