ابو دعاء: شوكت متريدون ام دعاء ودعاء انطونا خبر قبل بيوم بعد هيه بتكم
ابو عمار: إنشاءاللّـهہ خوية ابو دعاء
رجعوا للبيت صار دنيا ليل
عمار دك على دعاء
دعاء: الو
عمار: مرتي وحبيبتي ومستقبلي كله الي اليوم حسيت احلى يوم بحياتي بسببها
دعاء ضلت تضحك مبروك علينا
عمار: ولج يا مبروك لج انـي طاير بالسما رايح بغير عالم والله اعيشج اميرة وملكة وادللج دلال
دعاء: فدوة لعمرك حبيبي وجودك يمي كافي
عمار: ولج عيديها شنو ماسمعت شكلتي
دعاء: وجودك يمي كافي
عمار لالالا مو ههَـاي وحدة قبلهااا
دعاء : حَـبيبي
عمار: فدوةةةة يروحلج حبيبيج
دعاء: يلا لازم انام عندي دوام باجر
عمار: نامي حبيبتي نامي وديري بالج على محاضراتج وانشاءالله يوم الاثنين نروح نجهزج يا احلى عروسة
دعاء: ههههه إنشاءاللّـهہ حبيبي
دعاء حَبت عمار كلش وتعلقت بي بعد ما وفه بوعده رغم هيه جانت حاسبته حسبت الصديق ﻼ آڪــثر بس هوه جان حابها كلش وماقصر وفه بوعده تعلق بي وحَبته رغم كل عيوبة وهوه هم
مر اسبوع على خطوبتهم
ام عمار دكت على ام دعاء
ام عمار: السلام عليكم ام دعاء شلونج شخبارج إنشاءاللّـهہ بخيـر
ام دعاء: الحمدالله بخيـر انتوا شلونكم ابو عمار شلونه
سوالف نسوان بعد متخلص ﭑبد
ام عمار: باجٰࢪ نمر عليكم ناخذج انتِ ودعاء موجودين
ام دعاء: اهلاً وسهلاً بيكم تشرفونة بكل وقت موجودين
ام عمار: انشاءالله خير حبيبتي ام دعاء
سدوا الخط
ام دعاء: راحت لدعاء حبيبتي بنيتي باجر يجون علينه نروح نشتري المهر اجلي دوامج
دعاء: صار يمة باجر ما اداوم لان مٛاعنديہ محاضرات
ام دعاء: انشاءالله خير بنيتي انـي اروح ل ابوج انطي علم
دعاء: ماشيہ يمة
دك تلفون
عمار: بنيتي
دعاء: هها حبيبي
عمار: باجر نجهز ملكتنة
دعاء: حبيبي والله كلامك يخجلني كلش حتى ماعرف ارد
عمار: ولج فدوة اروح لليخجل الضحكة والخجل مايلوك بس عليج ياروح عمار انتِ
دعاء: عوضتني عن كلشي وخليت حياتي الي مابيها معنى صار بيها معنى الله يخليك الي
صار ثاني يوم وهمه سهرانين باقين لل ٥ الصبح عمار دك على دعاء وهيه نعسانه ومتجاوب اخر شي جاوبت وصوت النعاس والتعب
دعاء: اريد انام
عمار: حتى وانتِ نايمة صوتج يخبل هيج
دعاء: يَعني صرت تعرف شلون تخليني اصحصح كعدت والله كعدت
عمار: لتتعصبين حبيبتي اذا تريدين نأجلها عادي الـٰمهم انتِ تنامين
دعاء: لا حبيبي كعدت ورح ابدل وانتضرك تجيني
عمار: ماشي يروح حبيبج
