"حگم النقاب...😌♥️"!
_تعالوا مع بعض كده نفُض الخلاف اللي بينا ده، وياريت الگل يقرأ الكلام ده كله للأخر بالله... وأي واحدة منتقبة، وأي واحدة نفسها تلبس النقاب، وأي واحدة مش بتحب النقاب وضد النقاب..تعالوا معايا كده نفهم حكم النقاب..وقبل ما أتگلم احب اقول؛ اني مش بفتي ولا بهبد ومتأكدة من الكلام اللي أنا بقوله وعارفه أنا بقول إيه گويس جدا، يلا نشوف الحكم وبالأدلة كمان..😌
_حكم النقاب..."للشيخ محمد صالح المنجد"؛ واجب..والدليل قوله تعالى؛(يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين)...ومعنى الإدناء؛ هو الغطاء من أعلى إلى أسفل، وقال ابن عباس؛(أمر الله نساء المؤمنين إذا خرجن من بيوتهن في حاجة أن يغطين وجوههن من فوق رؤسهن بالجلابيب وبيدين عيناً واحدة)..والإدناء ده المقصود بيه النقاب..وعلى فكرة النقاب كان موجود في عهد الرسول، والدليل.."نهى النبي أن تنتقب المُحرمة"...وهذا يعني أن النقاب گان معروفاً في عهد النبي..😌 وقوله تعالى؛(ولا يبدين زينتهن إلا ما ظهر منها)..والوجه يُعتبر من الزينة، لأنه أشد فتنة..وهل يوجد شيء ف المرأة يفتن الشباب أگثر من وجهها؟!...ده قول"الشيخ محمد صالح المنجد"...مش كلامي أنا، ادخلوا على اليوتيوب اسمعوله واتأكدوا بنفسكم...😌
_نيجي بقا للشيخ أبو إسحاق الحويني...قال؛ أهل السنة يقولون بوجوب النقاب في زمن الفتن.. وأنا لا أرى زمن أشد فتنة من زمننا هذا، فالنقاب هو شعار العفة..وعلى من ترغب ف إرتداء النقاب أن تُسرع ولا تتردد..وقال؛ إن في واحدة كانت عايزة تلبس النقاب وسألته وقالت إنها مترددة تلسبه..فأمرها بالتسرع ف لبسه وعدم التردد لوجوب النقاب في زمن الفتن وهو زمننا هذا...ده كلام الشيخ أبو إسحاق الحويني، مش كلامي أنا...يعني كده النقاب واجب صح؟! أهاا واجب..😌...هتقوليلي؛ طيب لو كان واجب كانت الناس كلها لبسته!!...هقولك؛ طيب ما الصلاة فرض وواجب..وهل كل الناس بتصلي؟! قصفت الجبهه صح؟...إني آسف😌
_هتقوليلي؛ انتي كده بتاخدي برأي بعض العلماء وسايبه الرأي الأخر..لان في علماء قالوا إن النقاب مستحب مش فرض..هقولك؛ مانا عارفة طبعا ان العلماء اختلفوا ومنهم قال؛ إن النقاب مستحب وليس بفرض...ولكن نرگز إنه فرض ف زمن الفتن، واحنا دلوقتي ف زمن الفتن..يبقى فرض ولا لا؟! هتقوليلي؛ قصدك إني لازم ألبس النقاب يعني عشان حضرتك بتقولي فرض؟! هقولك يا ست البنات مش انا اللي بقول إنه فرض...ده رأي بعض العلماء والشيوخ، ولكن انتي مش حابه تلبسيه دي حاجة ترجعلك..ومش هتأثمي لإنك هتاخدي بالرأي اللي بيقول إنه مستحب مش واجب...ولو كان النقاب فعلا فرض زي ما گان ف عهد الرسول على حسب تفسير الآية اللي نزلت...يبقى هما اللي هيأثموا وربنا هيعاقبهم على تفسيرهم وقولهم إنه مستحب وليس بفرض..ولكن انتي مش هتأثمي...لكن بلاش تقولي إن النقاب مش فرض، لإن احنا مش عارفين مين اللي صح..واحنا بنلبس النقاب عشان نتشبه بأمهات المؤمنين ونعمل زي ما عملوا..ونطيع أوامر ربنا اللي نزلت ف الأية واللي بتقول إن النقاب فرض، وإحنا كده بنطبق فرض ربنا اللي أمرنا بيه، وإحنا بناخد برأي المفسرين اللي قالوا إنه فرض..ولو كان مستحب وليس بفرض ،فأحنا كمان هناخد أجر..لإننا مش ف غني عن فضيلة رب العالمين ، ف سواء كان النقاب فرض او مستحب...فأحنا هنلبسه، عشان لو كان فرض منأثمش لو تركناه..ولو كان مستحب، ف احنا مش ف غني عن الفضل ده...ف مينفعش حضرتك تقولي إن النقاب مش فرض أو إنه جهل وتخلف أو إن المنتقبة مش أفضل من المحجبة..يكفي إننا بنتشبه بأمهات المؤمنين...يبقى إزاي مش أفضل من المحجبات يعني؟! هما زوجات الرسول كانوا منتقبات ولا محجاب؟!...واحنا بنتشبه بيهم...😌
_هتقوليلي؛ في منتقبات كتير مش محترمة وأخلاقها مش كويسة ولابسه النقاب زينة والمحجبة أفضل منها، والدين مش ف اللبس والمظهر...هقولك يا ست البنات ؛ إيه ذنب العنب إنه بيتعمل منه خمرة؟! وإيه ذنب السگين إنها بتقتل؟! إحنا ملناش دعوة بالناس دي...ف لو اخطأت منتقبة فما ذنب النقاب يا منصفين؟! مش معنى ان في فئة من المنتقبات بتعمل كده..يبقى نعيب النقاب ونعيب ف كل المنتقبات...زي ما في فئة مش كويسة...في كمان فئة كويسة ولابسة النقاب رضا لله وتشبه بأمهات المؤمنين...ف بلاش نحكم على كل المنتقبات إنهم مش كويسين ونبص للفئة الأفضل وبلاش نبص على الأسوأ...والنقاب رمز الحياء والعفة..😌...وبالنسبة للناس اللي بتقول إن الدين مش باللبس والمظهر..لازم تكونوا عارفين..إن لو صلح القلب لصلح المظهر...يعني لو قلبك صالح ومعلق بالله وبتحبي ربنا هتصلحي مظهرك وهتلبسي اللبس الواسع الفضفاض اللي يرضي ربنا..واحنا قلبنا صالح ومليان حب لربنا وحب للرسول ولزوجاته..عشان كده بنلبس النقاب عشان نتشبه بأمهات المؤمنين ونطيع الله ورسوله..😌
