لونير 🧡

لونير 🧡 الفصل الأول

بقلم خلود وائل 🌻
كانت تجلس علي طاوله فارهه بأحدي المطاعم الفخمه بعاصمه الحب والجمال باريس تحتسي قهوتها الدافئة بينما تنظر بعينيها الخضراوتين من خلف الزجاج علي قطرات المطر التي تتساقط عليه لتتذكر دقائق مرت من العمر .....
🎞️🎞️
لونير:أحمودي يا أحمووودي
أحمد:ايه يالونا بتصحيني ليه أنا أصلا ملحقتش أنام
لونير:الدنيا بتمطر قوم نطلع السطح علشان خاطري
أحمد :نطلع السطح نعمل أيه ياهبله ولا لازم ناخد نزله برد ونتحبس في البيت
لونير:علشان خاطري ياحمودي بقي
أحمد بأستسلام:أمري لله منا عارفك طفله
أمسك بيديها وأرتقيا درجات السلم ليصلو سويا للسطح لتهرول سريعا كالطفله تحت المطر تدندن بصوتها العذب بعض الكلمات من أغنيه تعشقها لتتجه اليه وتسحبه من يديه ويتراقصا سويا تحت قطرات المطر ليحملها بين يديه ويدور بها لتتعالي ضحكاتها ليقترب من أذنها ويهمس :بعشقك يالونير
لونير :هتفضل تحبني علي طول ياميدو
أحمد:لأخر العمر يالونا......
🎞️🎞️🎞️
أفاقت من شرودها ومازالت كلماته تتردد في أذنها لتنتبه لتلك التي دلفت للمكان واتجهت نحوها وسحبت كرسي مقابل لها لتجلس معها بعدما وضعت بعض الملفات التي كانت تحملها علي الطاوله
نادين:بونچور لولي
لونير:اتأخرتي يانادين كنتي فين كل دة؟
نادين:معلش والله عما خلصت الشغل ال كان في المكتب ونهيت كام تصريح صحفي أنتي مستهونه بال وصلتيله يابنتي دة سبق صحفي أول مرة يحصل في التاريخ داأنا فرهدت النهاردة
لونير بأبتسامه:ربنا يخليكي ليا بجد من غيرك عمري مكنت هوصل لل أنا فيه الوقتي
نادين:ربنا يديمنا نعمه لبعض يالولي
لونير:عندنا أيه بكرة
نادين:بكرة عندك أجتماع مع مجموعه أونڤري الساعه تسعه الصبح وغداء عمل مع مستر فرناند بوتر وبليل لقاء صحفي مع صحفيه من جريدة شارل ديغول
لونير: تشربي ايه
نادين:انا لسه متغديتش أصلا أطلبلي غدا
لونير:حاضر
رن هاتف لونير⚡⚡⚡
لونير:ألو أذيك يا خالتو
سهير ببكاء:أذيك ياحبيبتي
لونير:أنتي كويسه ياخالتو
سهير:تعالي يالونير تعالي يابنتي
لونير بقلق:انتي كويسه ياخالتو ماما وبابا كويسين حد جراله حاجه
سهير:أبوكي مات يالونير تعالي يابنتي بسرعه
سقط الهاتف من بين يديها أرضا وتجمدت ملامحها الطفوليه الناعمه لتنظر لها نادين بقلق
نادين:مالك يالونا ..... حد جراله حاجه
لونير:____
نادين:مالك يابنتي انطقي انا هموت من الرعب
لونير بدموع تتساقط بغزارة:بابا مات يانادين
نادين بصدمه: ايه ....لا ... عمو كامل كويس دة أكيد مقلب بايخ من مقالب وليد ابن خالتك أنا متأكدة
لونير ببكاء هستيري:أبويا ماات يانادين أبويا مات سندي راح
اتجهت نادين باكيه نحوها لتحتضنها بينما أنتابتها نوبه بكاء هستيرية لتمضي فترة طويله جمعت فيها رباطه جأشها وتوجهت نحو شقتها الفاخرة بأحدي الابراج السكنيه لتحضر متعلقاتها الشخصيه وتبدل ملابسها لتكون بعد فترة زمنيه لا تتعدي الساعه جالسه بأحدي الطائرات الخاصه التي أقلعت نحو وجهتها مدينه القاهرة
دموع كثيفه تتساقط بألم وقهرة علي فقدان أعز حبيب لقلبها تبكي بحرقه وقلبها يتألم لتمر أمامها الذكريات التي حفرها بذاكرتها وأبرزها...
المأذون:قول ورايا ياأستاذ كامل زوجتك أبنتي وموكلتي لونير كامل عبادة الشناوي البكر الرشيد
كامل:زوجتك ابنتي وموكلتي لونير كامل عبادة الشناوي
المأذون:علي سنه الله ورسوله وعلي مذهب الامام أبو حنيفه النعمان
كامل:وعاي سنه الله ورسوله وعلي مذهب الامام أبو حنيفه النعمان
المأذون:وعلي الصداق المسمي بيننا عاجله واجله
كامل:وعلي الصداق المسمي بيننا عاجله واجله
المأذون:قول ورايا ياأستاذ...
********************
😭😭😭😭😭😭😭
كامل:بتعيطي ليه الوقتي ياحبيبه قلبي
لونير:بعيط علي حظي وبختي يابابا
كامل:حرام عليكي يابنتي خلي أيمانك بربنا كبير
لونير:انا تعبت يابابا والله تعبت ليه كل حاجه حلوة عمرها معايا قصير
كامل:يابنتي دة أختبار من ربنا وهنعديه سوا
لونير:خلاص يابابا مبقاش ليا حد
كامل وهو يحتضنها:وانا روحت فين ياحبيبه أبوكي
لونير:أنت ال طلعت بيه من الدنيا يابابا أوعي تسيبني
كامل:أنا في ضهرك ياحبيبتي وعمري مهسيبك أطمني
************
انهمرت الدموع من عينيها علي أثر تذكرها كلمته الأخيرة لتهتف بوهن:سبتني ليه ولمين يابابا ليه فارقت بدري بعد ماحطني علي أول الطريق 💔
نادين:عاوزة حاجه يا لونير
لونير:عاوزاة عاوزة حضنه وحنيته عاوزة أطمن بوجودة
نادين:وحدي الله ياحبيبتي
لونير:لا إله إلا الله.......راح القلب الطيب خلاص
بعد ساعات طويله توقفت الطائرة بمطار القاهرة الدولي لتهبط منها سريعا وتنهي اجرائتها وتدلف لداخل سيارة فارهه كانت بأنتظارها لتنطلق بسرعه البرق تطوي الطرقات لتتوقف بداخل حي من الأحياء الشعبيه أمام بنايه ممتلئه بالناس ويتعالي صوت القرآن الكريم بها لتهبط منها مرتديه ملابسها السوداء تستند بتعب علي صديقتها لتعاونها في الوصول لشقتها لتدلف علي صرخات والدتها التي أرتفعت لتمزق القلوب لفراق حبيب العمر
بهيه:ياكاااااامل ياعمراااااي سبتني ياحبيبااااي
هرعت اليها لونير لترتمي بأحضانها باكيه لتسقط بعدها مغشيا عليها......
بعد فترة طويله أفاقت وفتحت عيناها لتجد نفسها نائمه بين أحضان أختها الأكبر منها يارا التي تبكي بحرقه هي الأخري
لونير:بابا .... بابا فين عاوزة أشوفه يايارا
يارا: خلاص يالونير مبقاش ينفع
لونير بصراخ:لااااااااا لاااااااا عاوزة أشوفه لااااااااا
نادين:اهدي يالونير بالله عليكي خلاص ياحبيبتي هو في مكان أحسن من هنا
لونير:ااااااه اااااه ياقلبي ليه كدة يارب بتوجع قلبي كل مابفرح لييييه
نادين:لا حول ولا قوه الا بالله اللهم لا اعتراض يالونير انتي موحدة بالله حرام عليكي
يارا:كان نفسه يشوفك يالونير
لونير:انا هروحله خلاص مبقاش ليا قعاد في الدنيا خلاص
سهير ببكاء:لا إله إلا الله أمر ربنا يابنتي
جلست لونير في وسط العزاء شاردة الذهن لا تدري كم مر عليها من الوقت وهي علي حالها هكذا لا تري أمامها أي شئ مغيبه تماما عن العالم تتساقط دموعها بصمت تام اما علي الجهه الأخري دلفت من باب الشقه فتاه ممشوقه الجسد بشرتها ناصعه البياض وجهها ممتلئ بمساحيق التجميل ترتدي حجابها بأهمال مما يظهر أولي خصلات شعرها المصبوغ باللون الأشقر مرتديه عبائه سوداء ولم تغفل عن نثر القليل من البرفيوم وارتداء المشغولات الذهبية الخاصه بها ومن خلفها دلفت سيدة في عقدها الخامس يبدو عليها الوقار والاحترام اتجهو سويا لمواساه أهل العزاء ولكنهم ألقو التحيه وكلمات المواساه علي لونير التي لم تنتبه لوجودهم فهي بملكوت آخر خاص بها لتجلس تلك المبهرجه علي مقربه منها تنظر لها بشماته وغل لتمضي فترة وبعدها يعودو لمنزلهم
___________
ميادة:أيه دة ال أنتي عملاة في خلقتك يانيرة دو منظر واحدة راحه عزا
شروق:مالها خلقتي بقي ياماما وبعدين ماانا لابسه أسود أهوة أعمل ايه تاني يعني مش فاهمه
ميادة:عمرك مهتتغيري فوقي بقي حرام عليكي وشيليها من دماغك خلاص البت انكسرت ياحبيبه قلبي
شروق:صعبانه عليكي أوي
ميادة:ال بينا عشرة يانيرة عيش وملح ومينكر العشرة غير ولاد الحرام والبت دي شافت كتير واتظلمت وصعبانه عليا ربنا يصبرها
شروق:ميصعبش عليكي غالي ياماما عن أذنك انا طالعه شقتي أغير هدومي لحسن الاسود دة جسمي مبيرتاحش عليه فتك بعافيه
ميادة:ربنا يهديكي يابنتي
صعدت شروق لشقتها بينما جلست ميادة برفقه زوجها ممدوح وابنها الأكبر أمير لينضم اليهم ابنها الأصغر أحمد بعدما عاد من الخارج
أبراهيم: الله يرحمك ياكامل عدت معاك بسلام
أمير:كان عمرة راجل طيب ومحترم
ميادة:الله يرحمه ويجل مأواة الجنه قطع ببهيه والبنات ياحبه عيني
أبراهيم:سمعت ان لونير رجعت أول ماسمعت بس مشوفتهاش في الدفنه خالص
أمير:وأنا بردو سمعت الكلام دة
أحمد:مجايز أشاعات هي يعني هتبقي فاضيه تجي عزا أبوها وتسيب الشهرة
ميادة:يخص عليك ياأحمد لما أنت ال تقول عليها كدة سبت أيه للناس الغرب ..... البت ياحبه عيني جت أول ماسمعت وعما وصلت كان أبوها أندفن وأول مادخلت من الباب وشافت أمها وحالتها أغمي عليها فورا وعما فاقت وأستوعبت ال حصل بقت قاعدة ياكبدي مش واعيه علي الدنيا بال فيها ربنا يصبرها داأنا روحت أعزيها كانت ولا كأنها شيفاني ولا سمعاني
أمير:لا حول ولا قوه الا بالله
أبراهيم:لا اله الا الله طول عمرها روحها في أبوها ربنا يصبرها
جميعهم :يارب
أمير:لونير شكلها بقي عامل أذاي ياماما لسه حلوة ذي ماهيا ولا الشهرة غيرتها
ميادة:بسم الله مشاء الله عليها ياحبيبه قلبي بقت أحلي من الأول مليون مرة جمال رباني وشعرها بقي طويل بشكل .... ثم نظرت ناحيه أحمد بحزن مكمله:ربنا يسامحهم ولاد الحلال
أحمد بضيق:أنا طالع أنام تصبحو علي خير
صعد أحمد لشقته بضيق يجتاح صدرة ليدلف لغرفته ليجد زوجته شروق جالسه تعبث بالهاتف ولم تهتم لوصوله
أحمد:السلام عليكم
شروق: وعليكم السلام
أحمد:هتفضلي قاعدة عندك بتلعبي بالزفت دة
شروق:هوووف عاوز ايه يعني ياأحمد
أحمد:قومي جهزيلي العشا ولا حضريلي الحمام ولا اتنيلي اعملي أي حاجه حسسيني أني متجوز ولا كل ماأكلمك تقوليلي أصل تعبانه أصل الواد مدوخني طول النهار وحججك ال مبقتش تخلص
شروق وهي تلقي الهاتف بجوارها:اديني قفلت الزفت أهوة عاوز انت أيه الوقتي
أحمد:عاوزك ياهانم تنضفي الشقه ال بقت عامله ذي الزريبه تهتمي بأبنك ال طول النهار رمياه لأمي تربيهولك ولا تطبخي لقمه عدله أجي أكلها أخر اليوم بعد ماطلع عيني علشان أجبلك فلوس تجيبي بيها البوهيه ال بتحطيها علي خلقتك لما بقيتي شبه عروسه المولد
شروق بصياح:في أيه ياأحمد مالك قالب وشك عليا ليه ولا علشان شوفت الهانم خلاص مبقتش شايف غيرها حنيت تاني ولا أيه
أحمد:اتعدلي معايا ياشروق وصوتك ميعلاش عليا سامعه
شروق:عاوزني أخدك بالحضن بعد ال قلته دة ولا أعملك ايه يعني ماخلاص الهانم شرفت وخيبتك تيجي تحطها عليا
صفعها بقوة علي وجهها لتضع كفها علي وجنتها التي أصتبغت باللون الاحمر لتنظر له بضيق بينما يتوعد لها بشر
أحمد:وكتاب الله لو متعدلتي معايا محد هيعدلك غيري وأما أشوف أخرتها معاكي أيه
شروق:بتبعني علشانها ياأحمد
أحمد بندم:ياريتني كنت فضلت شاريها مكانش دة بقي حالي....
هلووووو🙈🥰أيه رأيكم في نوعيه الروايه الجديدة 😘🤩بليز بقي فوت وكومنت حلو ذيكم برأيكم القمر وقولولي أكمل ولا أيه🌺🥰🥰🥰