لونير 🧡

لونير 🧡 الفصل الثاني

انشاء الله الروايه هتنزل يوم ويوم تابعوني ياقمرات 😘♥️وشجعوني بفوت وكومنت 🧜🏻‍♀️💚🥰 وقريب انشاء الله انزل الجزء التاني من بنات المنشاوي 🤩🙈 اسيبكو بقي تقرأو 😍☺️
بقلم خلود وائل 🌻
أنتهي العزاء وبقيت وحيدة بعد ذهاب الجميع تجلس في حضن والدتها تبكي بحرقه علي فراق أبيها تنعيه بصمت فؤادها ينخلع لفراقه ذاكرتها تسرد لها جميع ذكرياتها معه الحلوة والمرة فكم من مرة أقسم لها أن يكون لها السند في الوقت الذي تخلي عنها به الجميع ولكن هاهو يرحل عن عالمنا تاركا اياها وحيدة
يارا:قومي يالونير ياحبيبتي أغسلي وشك عما أجبلك حاجه تاكليها
لونير بحزن:مليش نفس
يارا:انتي من بدري مأكلتيش حاجه وكفايه تعب السفر عليكي
لونير:انا تعبانه وداخله انام
ألقت كلماتها ودلفت لغرفتها تاركهه أختها ووالدتها لتبكي بحرقه علي فراقه لحين غلبها النعاس وتمضي الأيام وهي علي حالها لا تفارق غرفتها وحالتها يرثي لها إلي أن أتي ذلك اليوم الذي طرقت فيه أختها باب غرفتها
لونير: ادخلي ياماما
يارا:انا يارا يالولو
لونير:اتفضلي يايارا
يارا:يونس أخو نادين قاعد برة بيسأل عليكي
لونير:هلبس الطرحه وجايه وراكي علي طول
يارا:ماشي
أغلقت يارا الباب خلفها بينما أرتدت لونير حجابها وعدلت من هيئتها ودلفت للخارج متجهه لغرفه الصالون لتقع بنظرها علي ذلك الشاب الجالس علي أحدي كراسي الصالون المذهب بطلته الرجوليه ذات طابع خاص ولما لا فهو يونس المنصوري ذو الثلاثون ربيعا بعينيه السوداوتين وبشرته البرونزيه ذات الملامح الشرقيه و  جسدة المتناسق ليس مفتول العضلات وانما منمق بامتياز ...يجلس خافضا بصرة للأرض وبجوارة طفله صغيره غايه في الجمال والبرآه تحمل دميتها الصغيرة بيديها لتدلف لونير اليهم هاتفه:سلام عليكم
يونس بأبتسامه : وعليكم السلام ورحمه الله وبركاته
لونير:اهلا بيك يايونس
يونس:البقاء لله يالونير
لونير بحزن:الدوام لله وحدة
يونس:عمي كامل الله يرحمه كان راجل طيب ربنا يصبركم علي فراقه يارب
لونير بأنكسار :يارب.... مشي فجأه حتي ملحقتش اشوفه ولا أحضنه لأخر مرة
يونس:وحدي الله يالونير انشاء الله نتقابل في الجنه بعد عمر طويل ليكي تعيشيه بفرحه وراحه وسط نجاحك وتحقيقك لحلمك ال تعبتي فيه سنين طويله
لونير بألم: لا اله الا الله .. كان نفسي يعيش ويفرح بيا وانا بكبر والناس كلها بتعرفني ذي ماشافني وانا مكسورة وموجوعه
يونس:اكيد شايفك وحاسس بيكي المهم انتي متضيعيش حلمك من بين ايديكي بقعدتك طول اليوم في أوضتك وسايبه الدنيا تضرب تقلب
لونير: مليش نفس لأي حاجه ولا حتي عاوزة اتكلم مع حد
يونس:طب لو انا من ضمن الحد والسبت وأيام الأسبوع دول مش عاوزة تكلمي لورين
نظرت لونير للفتاه الصغيرة التي تشبه أباها الي حد كبير وابتسمت بفرحه هاتفه:لورين ... حبيبتي معلش والله ماأخدتش بالي وانشغلت عنها.... تعالي ياروحي ايه الجمال ده
يونس:ولا يهمك
لونير:تعالي يالورين  تعالي ياروحي مشاء الله اللهم بارك بقي عندها كام سنه يايونس
يونس:٤سنين
لونير:مشاء الله قمر ربنا يخليهالك ويهديك يايونس
يونس بحزن:انشاء الله
لونير بجديه:مش ناوي ترجع لهدي بقي علشان خاطر لورين البنت بتكبر وهتتشتت بينكو وملهاش أي ذنب في انفصالكو عن بعض
يونس :انا وهدي مبقاش ينفع وجودنا مع بعض واصلا هي ارتبطت الوقتي وربنا يسعدها
لونير: ربنا يبعتلك بنت الحلال ال تسعدك
يونس بعمليه: سيبك مني خالص انتي مش ناويه تشوفي شغلك وتنتبهي لمصلحتك ولا هتضيعي تعب السنين كلها
لونير:انا تعبانه ومش فايقه للشغل خالص ونادين بتتابع كل حاجه لحد ماابقي ارجع تاني
يونس:نادين لوحدها مش كفايه انتي لازم تبقي قويه وقد الحلم ال تعبتي فيه سنين ومينفعش تضعفي الوقتي خالص كفايه انهزام لحد كدة ولا هترجعي لعادتك القديمه
لونير :انا...
يونس بحزم:انتي بتضيعي نفسك وانا خايف عليكي يالونير عمي كامل الله يرحمه لو كان عايش مكنش سابك كدة لحظه وانا معتبر نفسي مكانه ودة حقي عليكي ولازم تشوفي مصلحتك
لونير:انت اخويا يايونس وانا محترمه خوفك عليا
كلمه لعينه من خمسه أحرف كانت كالصاعقه بالنسبه له تفتت قلبه ببطئ علي مدار السنين وهي لا تتواني في توجيهها له غير مدركه بما يكنه بداخله لها ليكمل حديثه بألم:اه ... اه طبعا أخوكي
دلفت بهيه والدة لونير لتشاركهم مجلسهم ليتوقف يونس احتراما لها مرحبا بها بحراره
بهيه:البيت نور يايونس يابني اذيك
يونس بأدب:وانتي وحشاني والله ياطنط اذيك واذي صحتك
بهيه:نحمد ربنا ياحبيبي طمني عليك وعلي مامتك عاملين ايه
يونس:الحمد لله ماما بعتالك السلام
بهيه:الله يسلمها ..بسم الله مشاء الله دي لورين ياحبيبي
يونس:ايوة هي ياطنط تعالي يالورا سلمي علي تيته بهيه
لورين:اذيك ياتيته اهييه
بهيه بأبتسامه:اهيه ... احلي مره اسمع فيها أسمي ياقطقوطه تعالي اما ابوسك ياقمرايه انتي واجبلك شكولاته
لورين:هييييبه شوكولا هييييه
دلفت بهيه للداخل برفقه لورين لتحضر لها ماوعدتها به تاركه كلاهما ليكملا حديثهما
يونس:هتفضلي قاعدة هنا ولا هترجعي شقتك؟
لونير:بتحايل علي ماما تيجي معايا شقتي بس هي رافضه ومصممه تقعد هنا بس انا هفضل معاها لحد ماتوافق وتيجي معايا شقتي علشان مش هينفع خالص وجودي هنا ولا هينفع اسيب ماما لوحدها ويارا مش هتقدر تسيب بيتها وجوزها كل يوم وتجيلها
يونس:عين العقل يالونير بس متفضليش حابسه نفسك طول اليوم انزلي واخرجي وشوفي الدنيا متضيعيش عمرك وانتي خايفه ومهزومه واطمني انا جمبك
لونير :وجودك انت ونادين جمبي بيطمني اوي يايونس ميرسي بجد اوي ليك
يونس بسعادة:دة واجب علينا يالونا واعملي حسابك بكرة الصبح هعدي عليكي تنزلي تلفي علي الفروع كلها وتشوفي الدنيا عامله ايه وتعوضي كل ال فات كفايه حزن لحد كدة
لونير:ماشي
يونس وهو ينهض من مجلسه:انا هستأذن دلوقتي وبكرة انشاء الله علي معادنا
لونير وهي تتبعه :نورت يايونس
نظر لها بنظرة ذات مغزي وهتف قائلا:ال بيواجهه عمرة مهيخاف ويستخبي
لونير بتوتر:انا مش بستخبي يايونس
يونس:منا عارف
القي كلمته ودلف لخارج الغرفه مصطحبا ابنته متوجهها لخارج الشقه اما هي فدلفت سريعا لغرفتها واغلقت بابها وجلست علي سريرها تفكر بما قاله وهل يبدو عليها انها انهزاميه هكذا لتعود بذاكرتها للخلف أعوام مضتت وهي تتذكرها كانها حدثت بالأمس
🎞️🎞️فلاش باااااااااك🎞️🎞️
في احدي المناطق الشعبيه وفي أحدي البنايات السكنية القديمه صباحا دلفت بهيه لغرفه الفتاتان لتوقظهما
بهيه:قومي يابنتي منك ليها الساعه بقت تسعه حرام عليكو احنا هنفطر امتي
يارا بنعاس:يووووة بقي الواحد ميعرفش يصحي براحته
بهيه:قومي يابت جهزي الفطار معايا انا وابوكي عصافير بطننا بتصوصو
يارا: انشالا تهوهو سيبيني انام بقي
بهيه:تهوهو!! طب والله لجيبلك ابو وردة يابنت بطني
يارا وهي تقفز فوق السرير:لااا والنبي ابو وردة لاءء
بهيه:ناس متجيش غير بالشبشب
يارا:مخلاص بقي ياست ام يارا اشحال مكنتش عروسه وفرحي كمان شهرين
بهيه: ارحميني ياختي داانتي عروسه علي ماتفرج ال فرحك كمان شهرين ال
يارا:بقي كدة ماشي .. طب اسبقيني انتي يابيبو عما اصحي شوال النوم دي واحصلك
بهيه:براحه عليها دي ياحبه عيني سهرانه طول الليل تذاكر ومنامتش غير لما صلت الفجر
يارا بخبث:ايوة امال ايه دي ثانويه عامه هصحيها براحه اتكلي انتي ياست الحبايب
دلفت بهيه لخارج الغرفه متجهه للمطبخ لأستكمال اعداد الافطار بينما اتجهت يارا لسرير اختها الصغرى حامله بلونه صغيرة قامت بنفخها سريعا واقتربت من اذن اختها وثقبتها سريعا بأبرة رفيعه محدثه صوتا مدويا لتفزع لونير من نومها صارخه:هااااا اااييييه في ايييبه انا .. انا .. فففييين ... لسسه يامستر انا لسه محلتش
ارتمت يارا ارضا من شده الضحك بينما استوعبت لونير ماحدث لتنظر لها بشر هاتفه:بقي كدة يايارا تخضيني كدة عوزاني اموت
يارا:بعد هههه بعد هههه الف بعد الشرهههههه عليكي
لونير:ان ما وريتك تعاليلي هنا.
هبطت لونير من خارج الفراش راكضه خلف اختها وهي تتوعد لها ليحول بينهما والدهم في الصاله قائلا:صلو علي النبي يابنات في ايه
يارا:البت المنكوشه دي يابابا ضربتني وطلعت تجري ورايا علي رأي المثل ضربني وبكا وسبقني واشتكا
لونير:انا منكوشه يابنت الحاج كامل طب والله لوريكي المنكوشه دي هتعمل ايه
كامل:استني بس يالونير يابنتي دي اختك الكبيرة
لونير: والله مهسييبها يابابا دي فزعتني
كامل بأبتسامه حنونه:طب علشان خاطري المرة دي بس
نظرت له لونير بطاعه هاتفه:علشان خاطرك انت بس المرة دى منتا بتيجي علي نقطه ضعفي علشان عارف انك غالي عليا
كامل وهو يمسد علي خصلات شعرها الطويل الكستنائي قائلا:ربنا يخليكي ليا ياحبيبه قلبي واشوفك عروسه ذي أختك
لونير:بس بس ياحجيجه ايه ال بتقوله دي عروسه مين والناس نايمين لا طبعا انا لازم ادرس واتخرج واعمل لنفسي كيان ولا عاوزني اخدها من قصيرها واروح اتجوز واحد ذي وليد
يارا بأذعان:ماله بقي وليد ياست الفيمنست
لونير:يختي اتلهي في جمب دة وليد حركات 😂😂
يارا:سيبوني عليها محدش يحوشني
نظر لها والدها ولونير بأهتمام منتظرين ماستقدم علي فعله اما هي فنظرت لهم بتعجب هاتفه:ايه دة يابابا انت مش هتحوشني عنها ولا ايه!
كامل مقهقها:لا
لونير:متوريني هتعملي ايه ياجبانه
يارا :طب تعالي بقي
ركضت الفتاتان خلف بعضهما البعض ليستقرو بداخل الغرفه مكملين صراعهم الطفولي بينما رن احدهم جرس الباب لتفتح له بهيه
وليد:صباح الورد علي خالتي ال هتجوزني أحلي حد
بهيه بضحك:حماتك بتحبك ياواد ياوليد تعالي ياحبيبي الفطار سخن لسه
وليد بلهجه مشاكسه: امال المزة بتاعتي فين ياخالتي
بهيه:ياواد اتلم عيب كدة دة انا امها بردو
وليد:وهو انا قلت حاجه
كامل من الداخل بصوت مسموع:متدخل ياوليد يابني ولا هتقضوها سلامات علي الباب
دلف وليد للداخل ونظراته تجوب المكان باحثه عن محبوبته هاتفا:حبيبي ياعم كامل والله وحشني اووي
كامل مداعبا:ياواد يابكاش محنا كنا لسه مع بعض امبارح بليل
في هذه الأثناء هندمت يارا من هيئتها عندما سمعت صوت وليد بالخارج وارتدت حجابها ودلفت للخارج سريعا بينما وقعت عيناه عليها بهيام هاتفا: وحشتني اوي ياعم كامل يخربيت جمالك ياعم كامل هموت واقعد معاك يا عم كامل
كامل :انت كويس ياوليد ... وليد.... يابني ركز معايا هنا
وليد بهيام:منا مركز معاك اهوة ياعمي
تنحنح كامل هاتفا:يلا يابنات تعالو نفطر يلا ياوليد
جلس وليد بجوار يارا هامسا:اذيك ياقلبي
يارا بخجل:تمام
وليد مازحا:يالهوي ياني يما علي تمام بتاعتك دي ناعمه وطريه وكلها حنيه
لونير:خف تعوم يسطا احنا لسه الصبح
وليد بفصلان:لعنه الله على القوم الظالمين بتطلعي امتي !!
لونير:اصبحنا واصبح الملك لله انت يبني حد داسلك علي طرف
وليد:بت خلصي فطارك وخشي ذاكري خلي امتحناتك تخلص ونتنيل نتجوز بقي
لونير:مستعجل على ايه يخويا عاوز تتدبس والسلام
وليد:عقبال متتدبسي انتي كمان يختي
لونير:بعد الشر ياديدا عاوزني ابقي عامله ذي عصافير الحب واصوصو ذيكو
وليد وهو يخمس كف يديه في وجهها:الله اكبر .. قل اعوذ برب الفلق
لونير:بقي انا ال هحسدك !! عجايب والله امال نقك عليا دة تسميع ايه
وليد:انا عارف نفسي بنق عليكي ديما وبحسدك علشان كدة مش خايف غير منك هتجبيهالي مخدمه
لونير:كل يخويا واسكت كل خليك توظوظ يابطه علي يوم الفرح
وليد:شايفه ياخالتو بنتك وعمايلها
بهيه:ياولاد انتو كبرتو هتفضلو ناقر ونقير كدة علي طول متقول حاجه ياكامل
كامل :ربنا يهديهم يابهيه منتي عارفه لونير ووليد مينفعش يقعدو دققتين سوا من غير مايمسكو في بعض
يارا:بابا انا و وليد هننزل النهاردة سوا نشتري شويه حجات للشقه بتاعتنا وهناخد ماما معانا
كامل:ومالو ياحبيبتي وخدي لونير كمان خليها تغير جو معاكو
وليد متمتما:الخروجه اتضربت والحمد لله
لونير:بتقول حاجه يبشا
وليد:بقول تنورنا دي الغاليه ال في الحته الشمال
لونير مازحه:انهي حته لمؤاخذة
وليد وهو يكز علي شفتيه:قلبي يالولو قلبي ال هتجلطيه انشاء الله
لونير بتجاهل لنظراته :بس متقاطعش وقول انشاء الله.....
هلوووو عارفه ان البارت صغير بس اوعدكو اني هكبرة عن كدة ولسه مفيش احداث كتير واخدة بالي والله بس شجعوني وانشاء الله هنتظم في التنزيل وهظبطكو 😘😘💚ادعموني بقي بفوت وكومنت حلو ذيكو😍😍🥰