لونير 🧡

لونير 🧡 الفصل الثالث

بقلم خلود وائل 🌻
في أحدي المحلات التجارية كانت تخطو لونير في احدي الأروقه تطالع المفروشات المخصصه لفرش منزل الزوجيه المعروضه في المحل وتختار احداهم بمحبه لأختها بينما اتجهت اليها يارا وبرفقتها وليد
يارا:بتعملي ايه هنا يالولو
وليد:هتلاقيها بتختار مفرش سرير ليها مهو عرس جمب مش عارف ايه
لونير:كمان ساقط امثله يافاشل
وليد:بت لمي لسانك انا مبحبش الكلمه دي
لونير:بتزعلك كلمه فاشل يافاشل طب يافاشل يافاشل يافاشل
وليد بتحدي:لونير لمي نفسك والا قسما بالله لفرشلك الملايه وافرج عليكي الدنيا
لونير:لا حوش حوش والنبي انا خوفت خبيني كدة يابت يايارا
يارا بملل:باااس ارحموني بقي انا عروسااااه
لونير:عروسه عروسه فلقتي دماغي انا ايه ال نزلني معاكو اصلا جتكو القرف تسدو النفس
وليد بسخريه:اه مهو باين ان نفسك مسدودة مش انتي باين ال لسه ظالطه ٢مولتو وواحدة كانز بيبسي
لونير وهي تفرك كف يديها في وجهه :الله اكبر من عينك ياوليد يابن سهير
وليد بغيظ:انا هتمرمط وهيطلع عيني عما اتجوز اختك دي انا عارف والله منك لله يالي في بالي
لونير بسماجه : مين ال في بالك يالودة قولي
وليد:وانتي مال امك يابت انتي
لونير:ولا متجبش ثيرة امي سامع
وليد:امك دي تبقي خالتي واجيب ثيرتها براحتي وانا راجل قد الدنيا وفرحي كمان شهر وتقوليلي ولا شكل قص لسانك هيكون علي ايدي يالولو
لونير بغرور:اخرك تهلفط بالكلام يالودا انما فعل مفيش
وليد بتحدي:بقي كدة!
لونير:وال عندك هاته يابيبي سلاموز بقي
امضو جميعهم فترة طويله في شراء بعض الاغراض والتنقل بين المحلات التجارية المختلفه وفي نهايه اليوم اشتري لهم وليد آيس كريم واتجهو لسيارته ليجلس هو خلف مقود السيارة وينطلق بهم عائدا للمنزل وبينما هو يمضي في طريقه بسرعه لمح لونير تستمتع بالايس كريم في المقعد الخلفي بجوار والدتها من مرآه السيارة ليمسك بالفرامل دفعه واحدة لتتوقف السيارة سريعا وتندفع لونير بوجهها علي الآيس كريم ويتبعثر علي كامل وجهها مشعلا فتيل الغضب بداخلها
يارا:في ايه ياوليد براحه
بهيه:ايه ياواد ياوليد وقفت مرة واحدة ليه كدة
التفت وليد للخلف وعلي وجهه علامات الانتصار هاتفا بتصنع الوداعه: معلش ياخالتو اصل كان في قطه معديه وووو ايه دة ايه ال عمل فيكي كدة يالولي
لونير بغضب:وحياه امك انت اتجننت ياوليد بقي كدة
بهيه بأستنكار: بت عيب كدة ايه ال بتقوليه دة
لونير:هو ال قاصد يعمل كدة ياماما انا متأكدة
وليد وهو متعمد اغاظتها ببرودة:انا يابنتي ؟!
لونير وهي تزيل أثار الآيس كريم من علي وجهها بحنق: والله ياوليد ماهعديهالك والجاي ضرب نار وانت ال جنيت علي روحك
يارا بتأفأف:‏لا تو ايرلي فور زيس ستريس يعني بصراحة، ده احنا لسه قدامنا شهر ارحموني مش كدة
بهيه:سيترس ايه دة يايارا يابنتي انتي بتقولي ايه
وليد وهو يدير محرك السيارة مجددا:بتتكلم لغات ياخالتي مشاء الله
يارا:اوفكورس دير
بهيه: والله منا فاهمه حاجه من الرط بتاعك دة يابنتي
تبادل وليد ولونير النظرات المتشاحنه من خلال مرآه السيارة وكل منهم يتوعد للآخر الي ان وصلو لأسفل المنزل وصعدو جميعا للأعلي وساعدهم وليد في حمل الأغراض التي ابتاعوها سويا ودلفو للداخل وتفاجئو بوجود سهير و ياسر والد وليد ووالدته يجلسون برفقه كامل لتقابلهم بهيه بحفاوة شديدة وبعد دقائق من تبادل السلامات جلسو جميعا في صاله الشقه
بهيه:مش كنتي تقولي ياسهير انك جايه كنت عملت حساب الغدا النهاردة
سهير: والله يابهيه يختي احنا كنا عند فاروق سلفي بنطمن عليه اكمنه بعافيه شويه وقلنا نفوت عليكو نقعد معاكو شويه ونشرب كوبايتين شاي من ايد لونير
لونير بسعادة:بس كدة داانتي تؤمري ياخالتو
سهير:عقبال مااشوفك في بيت العدل يالولو
وليد: ومين ال امه داعيه عليه في يوم مطلعتلوش شمس دة!!😂
لونير:لا ياحبيبي دة ال هيتجوزني هيبقي امه راضيه عليه وكمان دعياله في ليله القدر دور انت علي نفسك
وليد بثقه:مالي ياحبيبتي انشاء الله دة انا مز المزاميز والبنات بتترمي تحت رجليا بس هي النفس بس
يارا وهي تنظر له بشرز:بنات مين دول ياحبيبي
ياسر:قابل بقي يامز المزاميز😂😂
وليد:يويا انتي ال في القلب ياقلبي
يارا :ليلتك بيضا ياوليد
لونير بفرحه:البس يانجم 🤪
نظر لها وليد بضيق بينما أخذت تحرك وجهها بطريقه ساخرة مما جعله يضحك رغما عنه واتجهت للمطبخ لتعد الشاي لهم لتغيب دقائق وتعود حامله الصينيه بالشاي وتضعها علي الطاوله امامهم ليتناولوة بعد قليل
سهير:تشربي شايك يالولو وطيارة علي اوضتك تزاكري وتتجدعني كدة خليكي ترتاحي يابنتي من زن الثانويه وهما
لونير:ادعيلي ياخالتو انا خلاص جبت أخري والله
بهيه:هانت ياحبيبه قلبي انشاء الله علي اخر الشهر تكوني خلصتي امتحنات
وليد ممازحا: ونعمل الفرح تاني يوم علي طول وناكل الكحك كله مع بعضه
نظرت له لونير بعدم اهتمام :لا ظريف والله
وليد:الأمر ميسلمش يالينو الواحد لازم يأمن نفسه واهو نلحق نفرح ولا ايه
يارا ممازحه:بااس ياحج سيد علشان كلامك بيعمل مشاكل
ياسر:ايه رايكو ياولاد لو تبتدو تجهزو للفرح اليومين دول وبالمرة نحجز القاعه ونتسلي براحتنا عما لونير تخلص امتحنات والفرح بعديها بأسبوع قلت ايه ياحج كامل
كامل:ومالو .... الخميس الجاي لونير معندهاش امتحان تنزل مع يارا ووليد ويروحو يحجزو الفستان
وليد بأندفاع:لاااا.... خلوها مرتاحه عشان تذاكر وانا هاخد ماما او خالتو معانا
بهيه:يابني انتو لسه شباب وتفهمو الحجات دي خليني انا وامك نرتب جهاز يارا ونجهز ترتيبات الفرح
وليد:ياخالتو انا ... ااااه....ااااه
سهير بلهفه:مالك ياحبيبي فيك ايه
بهيه:مالك ياوليد
وليد:اااه بطني بطناااي
ياسر:ياساتر يارب اطلبو دكتور ياجماعه
وليد :بعد اذنكو
هرول وليد سريعا لداخل الحمام وسط حيرة وتساؤلات الجميع عدا تلك الماكرة الصغيرة التي علت وجهها ابتسامه عريضه هاتفهه:بالهنا والشفتشي ياديدا
غاب وليد بداخل المرحاض ودلف للخارج بعد فترة
بهيه: مالك ياحبيب خالتك ايه ال جرالك
وليد:مفيش ياخالتو مغص صعب اووي و... بعد اذنك
دلف وليد للمرحاض مرة أخرى وغاب لفترة أطول اما بالخارج ...
ياسر :وليد هينام جوة ولا ايه؟!
كامل:سيبه براحته بيقول بطنه وجعاه
بهيه:الواد كان قاعد ذي الفل ياضنايا
سهير:جايز شويه برد في معدته ياحبه عيني
همست يارا لأختها:حاسه ان ليكي يد في الموضوع مش مرتاحه
لونير بهمس:لا اطمني كله الا الأذيه دة وليد حبيبي
يارا:اممممم ياخوفي منك
دلف وليد للخارج ووجهه شاحب ممسكا ببطنه متجهها نحوة ليجلس علي اول مقعد بقربه
وليد:اااه اااه ياني اااه
سهير: مالك ياحبيبتي قوم نروح لدكتور
وليد:لا يلا نروح بسرعه
كامل:استني هنتغدي سوا ياوليد
وليد:لا مش هقدر اكل اي حاجه ياعمي بطني هتموتني يلا ياجماعه
نهض والديه وهمو بالرحيل بينما اتجهت لونير لوليد وعلي وجهها علامات الأنتصار هاتفه بنعومه:سلامتك ياديدا زعلت علشانك والله
نظر لها وليد بشك :والله لو طلعتي السبب لهكدرك يالونير وانتي حرة
لونير بتصنع الوداعه:انا اخص عليك ياديدا والله
ضيق وليد عينيه بشك:انطقي حطيتي ايه في الشاي خليني اخد علاج من بدري
لونير :تؤ تؤ انا اعمل كدة يالودي
وليد بتعب :انا ماشي هروح اققضي اليوم في حمام بيتنا بس والله مهعديها
لونير وهي تهز كتفيها :كدة خالصين والبادي اظلم
وليد بتحدي؛ماشي
هبط وليد للأسفل برفقه والديه واستقل سيارته عائدا لمنزله وبالفعل قضي يومه بالمرحاض الي ان انتهي النهار وخارت قواه من شدة التعب وغلبه النوم غافلا عن يارا التي هاتفته مرارا وتكرارا دون اجابه منه
في شقه كامل"""""
كانت يارا تجوب الغرفه ذهابا وايابا غاضبه بشدة بينما تتابعها لونير بنظراتها وهي مستلقيه علي السرير تدرس بأحدي كتبها
يارا: بقي كدة ياوليد ماشي بس اما ترد عليا ان ماوريتك مبقاش انا يارا
لونير:هتلاقيه نايم يختي اهمدي بقي حد يزعل من وليد لفته 😂
يارا بضيق:لونير قلتلك ميه مرة متقوليش عليه لفته
لونير:لايقه عليه اوي اعملك ايه يعني
يارا:يوووة نفسي اعرف بس هو فين طول النهار دة من ساعه ما روح ومكلمنيش ولا حتي رد علي ماسدچاتي
لونير:معلش اصل الحبايه شديدة حبتين
يارا بعدم فهم:ايه ؟!
لونير:اققصد يعني هتلاقيه قاعد علي القهوة مع اصحابه ومش سامع التليفون
يارا :اخرسي يالونير وخليكي في مذاكرتك وانجحي بقي خلينا نتجوز ونتلم في بيت واحد انا زهقت يعني كان لازم بابا يحكم رايه اوي لما تخلصي امتحنات
لونير بأبتسامه بلهاء:بابي حبيبي
غادرت يارا الغرفه صافعه الباب خلفها بينما انفجرت لونير ضاحكه وهي تتخيل مايمر به وليد هاتفه:احسن تستاهل والله ياويوي علشان تبقي تدوس فرامل كويس..
في اليوم التالي استيقظت لونير باكرا وادت فرضها داعيه ربها بتوفيقها في الأمتحنات ثم دلفت لخارج الغرفه مودعه ابيها وامها متجهه نحو المدرسه اما عن يارا فأستيقظت بعد فترة علي صوت رنين هاتفها وكان المتصل هو وليد لتجيبه بنعاس
يارا :الو ... ديدا جود مورنينج
وليد:يادوختي لما بسمع منك ديدا دي بتنسيني انا مين ولا فين هيييييح لا وعليكي واحد مورنينج بتجيب اجلي
يارا:عامل ايه
وليد:انا متسوح والله يايويو من امبارح دي كانت كوبايه شاي سودة
تذكرت يارا انه لم يرد علي اتصالتها بالأمس فتبدل مزاجها سريعا: حمدالله على السلامه يابيه بقي سايبني من امبارح ومبتردش عليا وجاي تلعب عليا الوقتي
وليد:ايه ياوحش الكون اهدي مش كدة انتي اتحولتي فجأه ليه كدة
يارا:اسكت ومتكلمنيش تاني والا مش هيحصلك طيب فاهم
وليد:______
يارا:وليد 🥺انت مبتردش عليا ليه
وليد :يادوخه وليد مع ام هرموناتك علي الصبح يابنتي انتي مش لسه قيلالي اسكت ومتكلمش معاكي
يارا:وانت مصدقت
وليد وهو يمسك بخصلات شعرة بقوة:اللهم طولك ياروح حقك عليا ياقلبي طب اعمل ايه وتغفريلي الذنب دة
يارا:اممممم نخرج سوا النهاردة قلت ايه
وليد:تمام اوي اجهزي عما اكلم عمي كامل استأذن منه واجي اخدك فرصه واختك الرخمه مش عندك
يارا بفرحه:اوكي
اغلقت يارا الخط بينما هتف وليد وهو يرفع يديه للسماء بضيق:دي كانت جوازة سودة يارب خليها تتكعبل في جوازة ميعلم بيها الا انت وجوزها يطلع عليها البلا الازرق ال عملته فيا من يوم ماخطبت اختها ياااارب
مضي اليوم سريعا وانهت لونير امتحانها ودلفت لخارج المدرسه برفقه والدها وعادت للمنزل وتناولت الغداء برفقه والديها ثم حملت بعض الكتب الخاصه بها واتجهت للخارج وبينما هي تمضي في طريقها لمحت اختها يارا تجلس برفقه وليد علي احدي الكافيهات فأتجهت اليهم ...
وليد:انتي روحي يايارا والله بنسي الدنيا وانا وياكي حتي بنسي مشاكل لونير علشانك
لونير من خلفه:شبيك لبيك لونير بين ايديك
وليد بصدمه:لا اكيد ال انا سمعته محصلش صح!!
يارا :للأسف الشديد
وليد :لااااا حرام عليكو والله 😟😟
سحبت لونير المقعد المجاور له وجلست هاتفه:ليك ٣امنيات بس اعمل حسابك مبأذيش حد ولا بجيب فلوس ولا بحيي أموات ها تطلب ايه
وليد:طالب تحلي عن نفوخي وتسبيني اعيش يومين مع مراتي ال خللت مش عارف احب فيها وانتي عماله تطلعيلي من كل حته خايف اتجوزها تطلعيلي من تحت السرير حرام عليكي ياشيخه كشفت راسي ودعيت عليكي والدنيا بتشتي يالونير يابنت بهيه
لونير:اطلبلي واحد ليمون بالنعناع
اغتاظ منها وليد بشدة بينما حاولت يارا تلطيف الجو هاتفهه:ههه صلو علي النبي ياجماعه هجبلك بليل بقي يالينو هه قومي بقي يلا روحي درسك قبل ماتتأخري يلا
لونير:حظك حلو المرة دى اني متأخرة ونادين هبلاني رن علي التليفون بعد اذنكو
وليد بضيق:اذنك معاكي يختي ومتكرريهاش تاني
لونير:من عنيا حاضر هبات معاكو
وليد وهو يمسك بزجاجه المياه المعدنيه الموضوعه امامه:قومي يابت من هنا يخربيت تقل دمك
لونير:ماشيه وسيبهالك يخويا ... سلام
وليد:من غير سلام
لونير:خلاص حرب ..
وليد:يارا مشي الكائن دة من قدامي بدل ماارتكب جنايه الوقتي
يارا برجاء:لونيرررر
نظرت لها لونير بطاعه ثم ودعتها ورحت متجهه للدرس الخاص بها وانتهي اليوم بسلام وتبعته بقيه الأيام سريعا وانهت لونير امتحانتها واختارت يارا فستانها واتي اليوم المنتظر .. يوم زفاف يارا ووليد ... أخيرا ظفر بعروسه واصبحت زوجته اما عن لونير فكان اليوم الذي بداء برسم مسار آخر لحياتها ...
هاهي يارا تدلف للقاعه مرتديه فستانها الابيض المخملي وحجابها المزين بتاج ملكي فكانت رائعه الجمال ممسكه بيد وليد الذي ارتدي حله ميتالك منمقه وصفف خصلات شعره بعنايه فائقه جعلته محط الانظار ليتجهو سويا للكوشه بعد انهاء الزفه وبعد دقائق اتجهو نحو الاستيدچ لأداء رقصه السلو الأولي اما عن لونير فأرتدت فستان سواريه ذو لون نبيذي مجسم من الصدر ومدعم بتطريز يدوي ينسدل ببراعه علي منحنيات جسدها الأنثوي وزينته بحجاب اوف وايت مع ميكب هادئ ابرز جمال ملامحها وعينيها الخضراوتين التي ورثتهم عن ابيها فكانت كحوريه من حوريات الجنه تتفوق بجمال هيئتها وبساطه طلتها علي جميع الفتيات الحضور وتضاهي العروس جمالا...🤤😍 كانت تقف بالقرب من الأستيدچ تحمل هاتفها تلتقط الصور التذكاريه لوليد ويارا
بتذة،في الخلفيه وعلي احدي الطاولات كان يجلس عليها شباب المنطقه التي تقطن بها لونير وهم ابناء جيرانهم واصدقاء والدها ينظرون للفتيات ومايفعلون
نائل:البت ام خصلتين طالعين من الطرحه دول فورتيكه يخربيت كدة
عمر:لا سيبك منها بص هناك علي ام فستان دهبي دي طلقه يالهوي
أحمد: ذوقكم بقي هباب ليه كدة سيبكو من النوعيات دي شايفين الجمال الرباني ال هناك دي دي وتكه بجد
باسم:انهي فيهم
أحمد:ال لابسه فستان احمر غامق وطرحه بيضا شايفها ال بتنور في الضلمه دي
نائل:ملقتش غير القطر يانجم ال تعجبك
أحمد :قطر ؟!!!
عمر:انت متعرفهاش ولا ايه .. شكلك بتصيع علينا
أحمد:يابني ولا عمري شفتها تطلع مين دي وبينها مشهورة اوي
نائل:دي لونير بنت عمك كامل اخت العروسه
أحمد بأعجاب:لونير!! اول مرة اسمع الأسم دة
باسم:بس البت جمل يبا الحج جمل وقعتك علي بوزك ياحموكشه ولا ايه
أحمد بغرور:لاهي ولا الف واحدة ذيها توقعني ياحبيبي انا البنات تموت فيا وانا محدش يهزني
عمر:حلو احبك وانت جامد قوم بقي ورينا شطارتك وهات معاها سكه
أحمد:اوي دي البنات لعبتي
قهقهه الشباب بشدة بينما اغتاظ منهم احمد وهتف :ايه ياحمار منك له قلت نكته انا ولا ايه
عمر:لا والله يابو حميد بس دي مسمينها في الحته عندنا بالقطر علشان مبتديش فرصه لحد يعاكسها ولا يبصلها وملهاش في العك خالص ولا بيأثر معاها حب ولا غراميات
باسم:وفوق الجمال دة كله لسه في ثانويه عامه بس بنت الأيه فورتيكه ياجدع
أحمد:مفيش واحدة كعبها يعلي عليا بس انا مليش في سن العيال دة
نائل:خوفتي يابيضه ولا ايه
أحمد:ولا مين دة ال يخاف دة انا احمد الأسيوطي اققعد معووج واتكلم عدل
عمر:طب ورينا شطارتك يانجم بس استني لما الأغاني الشعبي تشتغل ونبقي في الهيصه عشان تهزقك من غير ماحد يسمعك
أشتعلت الغيرة بدماء احمد وشعر بالتحدي تجاهها ليهتف:طب نتراهن طالما هي جامدة كدة خلال شهر واحد هكون مخليها دايبه في دباديبي قلتو ايه
نظر الفتيان لبعضهم البعض بعدم تصديق ليهتف باسم:موافقين بس تقل جيبك بقي علشان الكلام جد
أحمد :ال تقوله
نائل:لاا دي الثقه وخداك لبعيد اوي
عمر:اعقل ياحبيبي بدل ماترجع تعيط
أحمد:اتريقو براحتكو بس كمان شهر هتشوفو انا هعمل ايه
نائل: اوي دي الفرجه هتبقي للركب الرهان علي باكو يامعلم قلت ايه؟
أحمد بثقه:موافق
.............
فوت ⭐⭐وكومنت 🧜🏻‍♀️☺️☺️ بليييز 🥰🥰🥰