الحقووونا اغيثونااا اغيثوووونا
_الكيمستري صح
-ماشاء الله عليك نبيه يلا
_نبيه ايه ده اي كلب ماشي في الشارع عارف ان وعد حمارة في الكيمستري معروفه
-الله يكرم اصلك
"ساموو عليكووو دي ياجماعه وعد ماجد الجيار في تالته ثانوي علمي عندها 18 سنه نفسها تخش طب بس في تار بينها و بين الكيميا"
_طب ما تجربي تشوفي مستر تاني غير اللي بناخد معاه يمكن ييمكن
-ولله انا حاليا بدور لو لقيت هقولك
_قد ايه انتي اخت عظيمه
-ثانكس
_يعني عارفه لو ربنا يديلك مع قلبك الطيب ده...
-حبيبي
_..عقل
-ايه
_يعني يبقا عندك قلب وعقل مش قلب بس يعني القلب قلب خصايه و العقل يدوبك
-اطلع برا يا عمر برا يا مهزء ياللي امك معرفتش تربيك انت بتكلم اختك الكبيره كدا ازاي اصلا
_اكبر مني بخمس دقايق ايه يعني مش حوار
-يبني روح ذاكر و سيبني اذاكر بقا
_خلاص طالع كلي الكتاب كُلِيه منكو لله هتسيبو فلسطين فحالها امتي بقا
-يمامااااااااا
خرج عمر بسرعه و قفل الباب
"عمر ماجد الجيار توأم وعد علاقتهم ببعض جميله اوي هو اخوها و ابوها من بعد ما باباهم اتوفي وهما عندهم خمس سنين وهي بالنسباله مامته و اخته و صاحبته"
في اليوم التالي
-الووو
_صاحبي و حبيبي حبيبي حبيبي اخويا الجدع جدا
-عايزه ايه يا وعد
_مفيش يا ندا كنت بسس عايزااا ياعني
-انجزي
_كنت عايزاكي تشوفيلي مستر كيمستري غير المستر بتاعي ده عشان غالبا هو ساقط كيمستري اساسا
-طب منا اتحايلت عليكي تاخدي معايا مرضتيش
_معلش انا عيله صغيره
-طيب احب افكرك انه قصي اخويا قصي اللي انتو الاتنين مبتطيقوش بعض
_مين قال كده ده اخو اختي يعني اخويا بالظبط..بصي هو دحيح وانتي بتقفلي معاه و انا عايزه اخش طب لازم افهم الكيمستري واخد مع حد كويس فمقداميش غيره وربنا معايا بقا اعمل ايه
-تمام يا زميلي و بما انه اخويا و كده ف انا بخليه يديني ساعتين المغرب يوم الجمعه عشان بيبقا اجازه من باقي الدروس
_تمام تشكيرادريم كالبيم
-يارب يطمر
"ندا رفعت الشناوي صاحبة وعد من اكتر من 7 سنين هما اكتر من اخوات ساكنة فنفس عمارة وعد في تالته ثانوي برضو بس عندها 17 سنة"
"قصي رفعت الشناوي اخو ندا عنده 21 سنه في تالته كلية علوم شاطر اوي في الكيمستري و بيدي فيها دروس بجانب دراسته علاقته بوعد زي توم و چيري والاتنين مبيطيقوش بعض....او ده اللي هما فاكرينه"
-عمر انا لقيت مدرس كيمستري...بص هو ملقتهوش اوي يعني
_مش فاهم
-قصي
_بيتهزااريييي
-بيجاااد
-قصي بتاعنا اخو ندا اللي فتحتي دماغه بالكبايه
_ياااااه عليك دنا كنت بهزر
-بلاش دي لما زقتيه من عالسلم واخده كله زحلقه
_دي رياضه خلبالك..وقصر في الكلام يسطا مش ناقصه انا مش عارفه هستحمله الساعتين دول ازاي
-انتي راحه تتعلمي مش تتخانقي متحطيش فدماغك و خلاص
_خلصانه ازميلي الدرس بكرا الساعه سته المغرب
-تمام..هوينا بقا
_الاحترام مفيش احسن منه معروفه
راحت وعد اوضتها و ذاكرت شويه و جه معاد نومها فضلت سهرانه تفكر و تتخيل ايه اللي هيحصل بكرا و بعدين نامت
صحيت تاني يوم فطرت و فضلت تذاكر لحد معاد الدرس ما جه
باب الاوضه بيتفتح
-في حد يخش علي حد كده يا حيوان
_يلا عشان منتأخرش
-مش هنتأخر هما الدور السابع و احنا التالت يعني دقيقه بالاصانصير
_بردو يلا بسرعه
طلعوا وعد و عمر لشقة ندا وخبطوا عالباب
ثنيه:اهلا يا حبايبي اتفضلو
-ازيك يا طنط عامله ايه
_الحمدلله يا حبيبتي خشو قصي و ندا في الاوضه دي
راحت وعد خبطت الباب و فتحت بهدوء
-ممكن ندخل
ندا:تعالي يا صحبتي تعالي يا عمر
قعدت وعد جنب ندا و كانت فوش قصي بالظبط وقعد عمر علي كرسي علي راس الطربيزه جنبهم
قصي بنظرة استخفاف:منوره
_بص يا زميلي انا وربنا لساني متبري مني و ماسكاه بالعافيه وجايه هنا عشان المصلحه ف انجز يومك الاسود ده عشان انا خلقي يدوبك
بص قصي لعمر:عايز اسكعها قفا يكتمها
وعد:لساني هيغلط
ندا:استهدو بالله يجماعه واتفضل يا قصي ابدأ عشان نخلص بسرعه
_طيب استعنا عالشقا بالله
#معادلة-كيميا
#روان_الطهطاوي
#ROSE🌹
رأيكم يا جدعان بالله ❤❤
