تتحدث القصة عن فتاه في بداية العقد العشرون من عمرها وهي جميلة گ جمال القمر ثم يحدث لها شئ يغير حياتها مما يجعل الآخرون يسخرون منها وهذا الشيء سوف نتعرف عليه من خلال روايتنا
وفي يومٍا ما استيقظت أيسيل كعادتها في كل يوم دخلت حمامها إتوضت ثم وهيا تغسل وجهها لاحظت بقعه في وجهها أيسيل: ماما.....ماااااما مامة أيسيل: نـعم في إي أيسيل: اي اللى في وشي دة مامة أيسيل: لحظة كدة....... دى بقعة فاتحة عن بقيت وشك أيسيل: أيوة من إي بقا مامة أيسيل: مش عارفه واللّه بس إنتى حطيتي حاجة على وشك كتفتيح أو كدة أيسيل: لا والله محطتشي حاجة مامة أيسيل: طب إهدى كدة عشان أنا مش عارفة اي دة والد أيسيل: في إي يا أيسيل أيسيل: اي اللى في وشي دة والد أيسيل: إهدى كدة وأكيد حاجة وليها علاج يمكن تصبغات بشرة أو من الشمس أيسيل: لو من الشمس مش هتبقي كدة هتبقي غامقة هيا والتصبُغات والد أيسيل: طب إهدى تانى بردو كل حاجة وليها علاج وبعدين بيقولو في دكتور جلديه شاطر اسمو(...) هتروحى ليه انتى وماما أيسيل: تمام بس علاج الجلدية بياخد وقت طويل وكدة مش هينفع أروح الشغل ولا اقابل عمر والد أيسيل: بسيطة كلميه وقوليلو انك إجازة النهاردة ولو سألك ليه قوليلو نازلة تشترى حاجات للفرح مع ماما أيسيل: تمام أيسيل: الو يا عمر عمر: ازيك يا أيسيل أيسيل: الحمدللّٰه أنت عامل اي عمر: تمام بس إنتى مجتيش ليه الشغل ولا ناوية متجيش عندى احساس إنك هتبدائي الدلع من دلوقتي 😂 أيسيل: منا كنت بكلمك عشان كدة أنا مش جاية النهاردة بس مش دلع ولا حاجه دا انا نازلة أشترى حاجات ناقصة عشان الفرح مع ماما عمر: أوكى أجى معاكم أيسيل(بتردد): لاء هروح أنا وهيا على طول عمر: تمام بس إنتى كويسة أيسيل: أيوة هيكون مالى يعنى عمر: تمام مع إني حاسس عكس كدة أيسيل: لاء متحسش أنا كويسة عمر: تمام وبعد مرور ساعات والدة أيسيل: أيسيل خلصتي أيسيل: أيوة يا ماما خلصت عند الدكتور الممرضة: آنسه أيسيل إتفضلي الدكتور في إنتظار حضرتك أيسيل ومامتها: السلام عليكم الدكتور: وعليكم السلام إتفضلوو مين المريضة أيسيل: أنا يا دكتور الدكتور: إنتى أيسيل أيسيل: أيوة الدكتور: طب خير في إي أيسيل: قومت من النوم لقيت البقعة دى في وشي وكمان بدأت في إيدي (ملحوظة: البقعة كانت بتزيد وبتظهر في أماكن تانية) الدكتور: طب خليني أفحصها كدة الدكتور: طب إنتو مؤمنين ب ربنا أيسيل ومامتها: طبعا يا دكتور بس في إي طمنى الدكتور: طب هتكلم وأنا بطلب منكو الهدوء معلشي أيسيل: دكتور حضرتك خضيتنى هوا العلاج هيطول لو هيطول بلاش أنا فرحي كمان شهر الدكتور: مش عارف أقولك إي غير اللى عندك دا مرض البـهاق أيسيل: حضرتك بتهزر صح مامة أيسيل: دكتور ممكن توضيح عشان مش فاهمة الدكتور: حاضر وبدأ يوضح كل يحدث البهاق عندما تموت الخلايا التي تنتج الميلانين أو تتوقف عن أداء وظيفتها يصيب البهاق الأشخاص بمختلف أن واع بشراتهم، ولكنه قد يكون أكثر وضوحًا في الأشخاص ذوي البشرة الداكنة لا تهدد هذه الحالة المرضية الحياة ولا تنتشر بالعدوى وعلاجه صعب شوية مامة أيسيل: طب اي العلاج يا دكتور الدكتور: للأسف الشديد مفيش علاج دة زيادة مناعة وكدة أيسيل: كدة بقيت وحيدة كدة كلو هيبعد عنى كده عمر هيسيبنى الدكتور: لو بيحبك بجد مش هيسيبك وغادروا الدكتور وذهبو إلى منزلهم وأيسيل ما زالت في حالة إنهيار دخلت غرفتها وفضلت تعيط جااامد وتقول ليه كدة يا رب أنا آسفة مش بعترض على قضائك ولاكن أنا زعلانة أوووووووى كل ما أحب حاجة يحصل حاجة تضيع اللى بحبو. وأيسيل فضلت على كدة إسبوع كامل مش بتخرج من أوضتها لا بتاكل ولا بتشرب ولا بترد علي عمر ولا حتى بتقابل حد حتى ياسمين مش رضيت تقابلها عمر راح عند منزل أيسيل عمر: السلام عليكم يا عمى والد أيسيل: وعليكم السلام يا عمر إتفضل يا ابنى عمر: لاء خليني من على الباب بس أنا عاوزة أعرف أيسيل مش بترد عليا ليه بقالها اسبوع عاوزة اعرف في حد في حياتها ولا اي والد أيسيل: مش عارف اقولك إي يا ابني بس... في الوقت دة أيسيل سمعت صوت عمر ف خرجت أيسيل(بعياط جامد): قولو يا بابا أو استنى أنا إللى هقولو إي رأيك في شكلى يا عمر عمر : إي إي دا يا أيسيل إي اللى في وشك دا أيسيل(بعياط): إتصبت بالبـهاق شكلى حلو ومختلف صح عمر: قولى إن دا مقلب إنتى عملاه فيا يلا قولى أيسيل: لاء مش مقلب يا عمر أنا بقيت مريضة بـهاق عمر: ليه حصل كدة دا أنا حبيتكْ أيسيل: قدر ربنا عمر: إتفضلي دبلتكْ أيسيل(بصدمة): بتهزر صح عمر(بجمود): أهزر ليه مينفعشِ تكونى مراتى إنتى عارفة مكانتى ذنبي إي أكمل معاكى وإنتى مريضة وإنتى شكلك كده اصلا روحى شوفي حد يبقي عاوزك كدة أو أقولك انتى مش هتتجوزى أصلا أيسيل: أنا ههههههههههه (بتضحك بحزن وقهر وصدمة) مش إنت قولت لى هتفضل جنبي ومش هتبعد عنى أبداً صح ليه كدة عمر: كدة عشان أنتى مينفعيش تكونى مراتى أنا كل البنات بتتمنانى وانتى بهاقيه أيسيل: وأنا اللى كنت فكراك هتفضل جنبي اتفضل دبلتك ميشرفنيش إني البس دبلة واحد ندلْ أيسيل دخلت أوضتها فضلت تعيط جااامد تانى وتقول أنا حظى زفت كان نفسي أعرف واحد يقدرنى واحد ابقي كل حياتو كان نفسي يقولى أنا قبلتك بقلبك مش بشكلك ويقطع حديثها خبط الباب ودخول ياسمين ياسمين: الجميل زعلان ليه أيسيل: كل ما أحب حاجة تبعد عنى يا ياسمين ياسمين: أقولك حاجة واخفظيها "رب الخير لايأتي إلا بالخير" إحفظيها وأوعي تنسيها مهما حصل إفرضي مثلا كان وجودك معاه هيدمر حياتك إفرضي كل حاجة وحشة وإعرفي إن ربنا أنقذكْ من شئ مجهول وحش وأقولك إدعى بالدعاء دا دائمًا 👈 "اللهم لا تدَع أمرًا في صدري ٳلا وحللته لي، ولا حلمًا سَكَن قلبي إلا ويسَّرته لي🖤."👉 وأقولك كمان إوعى تيأسي زعلتى عشان حمزة ربنا عوضك ب عمر اللى أحسن منو ويمكن ربنا حس إن عمر مش هيقدرك وكدة فـقرر يبعدك عنو إعرفي إن فيه خير كبير مستنيكى وربنا محضر ليكى مفاجأة كبيرة لدرجة أنك هتعيطي من فرحتها أيسيل: ياااااااااااااااارب يا ياسمين يارب أنا منتظرة عوضك يارب متطولشي عوضك فإن قلبي انكسر ومحتاجكْ تتبطب عليه ورجعت أيسيل تبكي بشده من جديد ولاكن ماذا يفيد والقلب محطم نسمع كثيرًا من الأقاويل ولا كن ماذا يفيد بعد إنكساري من شخصي المفضل تعبت كثيرًا ثم دخلت سارة وأيسيل تتكلم وأيسيل لم تشعر وكان في ذالك الوقت أيسيل تقول. لا أستطيع نسيان أنني كُسرت من شخصي المفضل، لن أنسى تلك الليلة التى بكيت فيها دموعاً كادت أن تقتلني ومازلت أبكي ، لقد كُنت حقاً أتألم، قلبي يؤلمني بشدة، وعيناي لا تتوقف عن البكاء، وعقلي على وشك أن يُشل من كَثرة التفكير، لقد مرّ الكثير من الوقت ولم أستطع النسيان؛ مازال قلبي يؤلمني كثيراً. ___________________________________
سارة: ماما بابا أيسيل بتدمر والد أيسيل: طب نعمل إي يا بنتى وإي اللى حصل خلاكى تقولى كدة سارة: أيسيل بتكلم نفسها دخلت عندها لقيتها بتكلم نفسها ومحستشي بيا حتى مامة أيسيل: للدرجادى سارة: أيوة أيسيل كانت معتقدة إن عمر مش هيسيبها خالص وهيفضل جنبها ولاكن طلع ندل وزبالة والد أيسيل: يبقي كدة مفيش غير حل واحد واتمنى ينجح ونقول قاط ونكمل الحلقة الجاية (إي متشتغربوش أنا عيشت الدور بتاع التوصير وقاط وكدة وقولت أغير بدل ما أقول إستوب😂 أصل بكرة الملل) رأيكم واللى مش هيتوقع هيضرب😂 وانا قدر كلمتى على فكرة😂 بقلم مـنار السـيد
دى صورة أيسيل بالبـهاق عارفة إنها مش محجبة زى ما قولت في التعريف بس أقسم بالله ما لقيه صورة محجبة😂😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
