اسكريبت ❤️❤️
يونس :يا بنت الحلال زعلانه ليه بس
نور : مفيش بس أنا عايزه اعيط وخلاص بص ملكش دعوه بيا وخلاص
يونس. : كدا يا اسيب النونو بتاعى كدا يعيط
عادى كدا
نور : اااه هو كدا
يونس :. تعالى يا هبله بس قولى فى اى
نور : عشااا عشان مش عارفه
يونس : صلى على النبى بس كدا وقومى صلى يمكن تبقى حلوه واكيد هترتاحى
نور : تمام يلا سلام
يونس : سلام
نور صلت وقرأت قران هديت شويه بس بردو حاسه بقلق وقلبها مقبوض
بس قالت كفايه على يونس يعنى جاى من الشغل وعليه بكره محاضرات بلاش تزعجه
ونامت
قومت بدرى ورنيت عليه
استووووب نسيت اعرفكو يونس يبقى اخويا بس سافر كمِّل دراسته برا فى امريكا واتعين معيد هو كان نفسه فى كدا اوى بس كان خايف عليا انى اقعد لوحدى فى مصر بس أنا مش حبه ابعد عن بلدى واهلى بس أنا وهو بعيد عنى حاسه بفراغ كبير اوى كل حياتنا كانت مشتركه كنا بنعمل كل حاجه مع ونشجع بعض بس هو كان حلمه من صغره كدا فلازم أسعده
أنا نور الهدى عندى ٢٣ سنه كلية طب اسنان اخر سنه ليا ومحجبه وعيونى زيتونى زى عيون القطط ورموشى طويله وبشرتى بيضاء مشكلتى أن عندى خوف من فقدان اى شخص وبخاف من الفراق
برفض اى حد يتقدملى مش بتكلم مع حد غير اخويا
وكل يوم بالليل اقعد اعيط كدا بس أنا كدا. لازم تتعالج اخويا مش هيفضالى طول حياته
قررت فى يوم انى اروح لدكتور نفسى
وبالفعل. روحت
واستنيت دورى
وجه دورى ودخلت
نور :السلام عليكم.
- وعليكم السلام اتفضلى يا انسه نور
قعدت وانا مش عارفه ابدا منين ومتوتره وخلاص هعيط
_تعالى اعرفك عن نفسى أنا يوسف عندى ٣٦سنه اعزب دكتور نفسى
وانتى
- ابتسمت وقولت أنا نور الهدى ٢٣ سنه طب اسنان
يوسف: جميل يعنى اجى اعمل سنانى بقى
نور : ههه اه اكيد
حسيت أن التوتر قل شويه
نور : بص يا دكتور أنا قطع كلامى
يوسف: اتفضلى هنا علة الشازلونج
نور :لا أنا كدا مرتاحه
يوسف: طيب تمام
نور : بص يا دكتور أنا عندى عقده من ساعة ماشوفت حادثه وانا صغيره ومات اعز حد عندى وانا عندى خوف وهوس على اى حد بحبه بخاف يحصله حاجه وبفضل افكر لو مات هعمل اى طيب لو أنا مت..
يوسف: كملى
نور : أنا لليا اخ فى أمريكا هو من وقت ما بعد عنى وانا بعيط علطول ومش عارفه اعمل اى أنا بقيت متعقده
يوسف: مرتبطه ولا اى حاجه
نور : منا بقولك عندى عقده ادخل حد حياتى تقريبا كدا خسرت كل الناس كان ليا حد بيحبنى اوى بس للاسف مات
يوسف : طب وانتى حبتيه
نور : الحقيقه لا أنا كنت مستلطافاه وكان نفسى أدى لنفسى فرصه واديله بس للاسف ملحقتش
يوسف: انتى طبعا دلوقت حاسه بزعل أنه مات وانتى السبب عشان كل اما تفتكرى تقولى طب أنا مديتهوش فرصه ولا اى حاجه
نور : بالظبط
يوسف : اول حاجه عايزك تعرفيها أن الموت دا حاجه بايد ربنا ومتزعليش لو حد مات وادعيله بالرحمه ومتخافيش ومتفكريش فى المستقبل عيشى حاضرك الحى دا و بعدين هو مات من امتى
نور: ٧ سنين هو قد اخويا وجارى
يوسف : ركزى فى مذاكرتك وافتحى قلبك للحياه ومتخلكيش جو الصندوق المقفول دا اطلعى هتلاقى ناس احسن و عايز اقولك أن اللى مات مات وانسى اللى فات يا نور كل حاجه ربنا كاتبها ودا قدره
متخافيش وادعى للى بتحبيهم أن ربنا يحميهم ويبقو فى حماه واظن دا احسن من خوفك مش صح ولا اى؟؟
اومأت براسى
وشكرته واستاذنت للخروج :
يوسف :: استنى دا الكارت بتاعى خليه معاكى
نور ابتسمت وقلت
شكرا لحضرتك ♥️🥺
يوسف :. بلاش تعيطى وتبوظى العيون وتوقع الرموش القمر دى
بصيت كدا ووشى احمر وقولت بصوت اعلى السلام عليكم
يوسف:. هههههههه والله عسل
وسرح
عدى شهرين
وكان دائما كلام الدكتور فى مخى
ومش قادره اطلع شكله من مخى كان عسول اوى
عيون بنى فاتح وشعر بنى له دقن خفيفه
بشرته قمحيه بعضلات كدا تحسوه دولاب قاعد اومال لو وقف هيطول بعد كدا فين
الشهرين دول عدو زى النسمه ذاكرت جامد وكنت خلاص بقى هخلص اخر سنه وافتح عيادتى بقااااا
خلصت السنه وكلام الدكتور فى مخى مش ناسياه ومش عارفه أنا امتى اعجبت بيه لا أنا حبيته بس هحبه ازاى من غير اما اشوفه وانا معرفش حاجه عنه وانتى أنا نسيت اول حد حبنى بس أنا اصلا محبتوش كان حب تعود بس ايوا فعلا حب تعود كان زى اخويا بالظبط
اتنهدت فى حزن وعدت الايام فى سلام
فتحت عياده و
كنت فرحانه جدا بالعياده واخويا جه وماما وبابا كلهم كانو جمبى وصاحبتى ايمان الوحيده اللى مسابتنيش طول فتره حياتى
فى يوم من الايام
جالى بوكيه ورد فيه
كارت مكتوب فيه تاريخ حاجه وكلمة مبروك لحوريتى
فرحان جدا بيكى اشوفك قريب
أنا قعدت افتكر فى التاريخ ومكنتش عارفه
عدت الايام ونزلت العياده وفجاه افتكرت التاريخ دا
اى دا !!دا تاريخ الجلسه النفسيه ...معقول لسا فاكرنى!!!!!
دخل اول مريض وخلصتله وبعده التانى
والتالت كنت ماسكه كوباية الشاى بتاعتى وبتفرج على صور اخويا. وبكلمه
وسمعت صوت
_ السلام عليكم
نور : وعليكم السلا... اى دا دكتور يوسف اهلا اهلا تشرفت بحضرتك
يوسف : ازيك يا نور
نور٠: كنت مكسوفه اوى ومحرجه قولت له اتفضل هنا عشان اعرف اكشف
يوسف : لا أنا مرتاح كدا
_ اى دا بقى دا بيقلدنى
نور : ااحم بس يعنى هكشف ازاى
يوسف : لا منا مش جاى اكشف
,_ يلهووواى أنا مكسوفه اووى اعمل اى
ابتسمت قولتله اى دا حضرتك بتخاف ههه
يوسف : اه اصلى عندى عقده
نور :: طيب يعنى من اى
يوسف : اصل فيه واحده من سنه ونص حبيتها وكنت عايزها هى اللى تعمل سنانى واستنيتها تيجى تقولى مجاتش اصلى أنا بخاف على سنانى جدا
نور : أنا توهت يعنى أنا المفروض اعمل اى دلوقت
يوسف : هو انتى لسا برده مش فاهمه
نووور انتى لسا مدتيش لنفسك فرصه
وشى قلب الوان بعد اما فهمت وبصيت على السقف
وقولت
احم لا ليه
يوسف : يعنى اصل انا نفسى فى فرصه
نور: ابتسمت
يوسف : ها فى فرص ولا اجى بكره
نور : يعنى انت سيبت كل الناس وجايلى أنا
يوسف : القلب وما يريد أنا كدا شكلى هعنس والله يعنى مش كفايه سنه ونص
أحم متجيبى رقم الوالد
نور : اتفضل بس على العموم يعنى أنا اصلا مش موافقه
يوسف بابتسامه :. اثلا
نور: اصلا
يوسف : طب بالسلامه يا نونه
نور : سلام
خلصت
وروحت لقيت ماما بتقولى فى ضيوف جوا ادخلى ابوكى قاعد معاهم
روحت واتفاجءت بيه هو وباباه ومامته
وماسك بوكيه ورد نفس إلى عندى
بابا ندهلى
وجيت وقالى أنه طلب ايدى وسابونا شويه نقعد مع بعض شويه
نور: بردو مصمم
يوسف : امممم
نور : ليه بس تعذب نفسك معايا أنا مليش علاج أنا عندى تقلبات مزاجيه مش هتستحملنى وانت مش قده يا دكتور
يوسف: خلصتى
نور : لسا
يوسف : كملى
نور: بص أنا زهقت حقيقى من اامناهده معاك بص أنا مش طائفه نفسى والله سبنى فى حالى
يوسف: هستحملك بكل تقلباتك بفرحك بحزنك بهيافتك وبكل حاجه بس وافقى
ولا السبب انك منستيش اأأيي
نور رديت بسرعه: لا مش فاكره دا أكان ماضى
يوسف : متاكده
نور : ايوا
يوسف : اومال ليه رافضه
نور : لانى مش عايزاك تتعذب معايا ا
يوسف : أنا راضى
رديت وقولت موافقه .
يوسف : ايوا كدا يا شيخه نشفتى ريقى
كلهم دخلو وفرحو وزغروطو
وعملنا الخطوبه
كان بيكلمنى دائما عمره ماحسسنى أنى تقيله عليه
كلامنا كان محدود مفيش اى تخطى
و بعدها بشهر
كان كتب الكتاب
كنت فرحانه جدا اخيرا ياااه
لبست فستان ابيض وطرحه بيضاء
وهو كان لابس بدله رصاصى
" بارك الله لكما وبارك عليكما وجمع بينكما في خير"
اول ما سمعت الجمله دى قلبى دق جامد اووى وانا من النوع اللى بيعيط علة طول.دمعت صحابى حاوطونى
وباركولى وكنت فى حضن اخويا وماما وبابا
وبعدين لقيته جاى ناحيتى مسح دموعى وحضن ايدى فى أيده
يوسف :الدموع دى مش عايز اشوفها تانى
نور : حاضر
يوسف: يلا تعالى
أنا وهو بنحب اغانى عبد الحليم جدا
فقررت أن أول رقصه لينا تبقى على اغنية بحلم بيك
رقصنا مع الاغنيه وهمست فى ودنه
وقولت بحلم بيك و بحبك وانت اول حب واخر حب
رد وقالى وانت حياتى وابتساماتى وانت النور للعين والقلب
" بحلم بيك وبحبك وانت اول حب واخر حب❤️❤️❤️"
