(Unicode)
Hermione Granger Pov :
မနက်စာသည် ထူးခြားစွာပင် အရာသာရှိလှသည် ။ Hogwarts ကအစားအသောက်များပင် ယခုလောက် စားမကောင်းပေ ။ အဖမ်းခံရပြီးကတည်းက အစားအသောက်ကို ကောင်းကောင်းမွန်မွန်နှင့် သေချာမစားခဲ့ရသောကြောင့် ယခုမနက်စာကို သဘောကျနေမိသည် ။
အစက နတ်သူငယ်များနှင့်ပက်သက်ပြီး ကောင်းကောင်းမွန်မွန်ဆက်ဆံဖို့ Bella ကိုပြောချင်သော်လည်း ယခုမနက် သူမ၏အပြုအမူကြောင့် ပြောဖို့မလိုတော့ဟု ကျွန်မ တွေးလိုက်သည် ။ နောက်တစ်ခါကျ သူမကို S.P.E.W အကြောင်း ပြောပြရဦးမယ်ဟု တေးထားလိုက်သည် ။
[ NOTE - S.P.E.W ဆိုတာ Society for the Promotion of Elfish Welfare ရဲ့အတိုကောက်ပါ ။ ၁၉၉၄ ခုနှစ် Quidditch World Cup မှာ အိမ်အကူနတ်သူငယ်တွေအပေါ် မမျှမတဆက်ဆံတာကိုမြင်ပြီး ကာကွယ်နိုင်အောင် အဲဒီနှစ်မှာပဲ Hermione Granger ဖွဲ့စည်းခဲ့တဲ့ အဖွဲ့အစည်းတစ်ခုပဲ ဖြစ်ပါတယ် ]
နောက်ထပ်အံ့ဩစရာတစ်ခုက Bella က Daily Prophet သတင်းစာကိုဖတ်နေခြင်းပင် ။ Deatheater တစ်ယောက်က ဒီလိုအချက်အလက်မျိုးအတွက် သတင်းစာဖတ်ဖို့ စိတ်ဝင်စားလိမ့်မည်ဟု ကျွန်မလုံးဝမထင်ခဲ့ပေ ။ ပြောချင်တာက Daily Prophet သတင်းစာသည် တစ်ချိန်က ဖတ်ရတာပျော်ဖို့ကောင်းသော်လည်း ပဉ္စမနှစ်ကတည်းကတည်းက ဝန်ကြီးဌာနတွင်ပြောင်းလဲသလို ပြောင်းလဲသွားပြီဖြစ်သည် ။ အမည်မဖော်သင့်သည့်သူသည် အချိန်တိုလေးအတွင်းမှာပင် လူကောင်းတော်တော်များများကို ပြောင်းလဲပစ်နိုင်သည် ။
လူတိုင်းက ယခု စိတ်မမှန်ကြတော့ပေ ။
" အချစ်ရေ မင်းရဲ့မေးခွန်းကိုဖြေရမယ်ဆိုရင် မင်း ' အချက်အလက် ' လို့ခေါ်တဲ့ ဒီဟာကို တို့ဖတ်တယ် ။ အချိန်နှင့်အမျှ ဖြစ်နေတဲ့ အတင်းအဖျင်း အသစ်တွေကို တို့သိချင်တယ်လေ ။ မင်း တို့ညီမကို မြင်သင့်တယ် ။ သူဆို ခုထိ သတင်းစာနေ့တိုင်းဖတ်တုန်း "
" Bella "
" ဘာလဲ ?"
" ခွင့်ပြုချက်မပါဘဲနဲ့ ကျွန်မအတွေးတွေကို ဝင်ဖတ်တာမျိုး မကြိုက်ပါဘူးနော် "
ကျွန်မ နှုတ်ခမ်းအနည်းငယ် စူ၍ပြောလိုက်တော့ Bella ဆီက လူယုတ်မာ အပြုံးကို ပြန်ရသည် ။ ကျွန်မဘက်က သတိတောင်မထားမိလိုက်ဘဲ သူမက ကျွန်မစိတ်ကိုဖတ်နိုင်နေသည်မှာ ခံစားလို့ကောင်းသည့်အရာမဟုတ်ပေ ။
YOU ARE READING
Survival (Translation)
Fanfic[Unicode] " အဲဒီတော့ အခု ငါတို့ဘာလုပ်ကြမလဲ ?" " သေချာပေါက် အသက်ရှင်ဖို့အတွက် အတူတူနေရမှာပေါ့ " [Zaw Gyi] " အဲဒီေတာ့ အခု ငါတို႔ဘာလုပ္ၾကမလဲ ?" " ေသခ်ာေပါက္ အသက္ရွင္ဖို႔အတြက္ အတူတူေနရမွာေပါ့ " Original Author @kuviras 🖤