قصص قصيرة وعبر 💜

طلقت زوجتي تغيَب ومن ترد بارد مثل عذركِ ،

من رحت اطلق زوجتي جنت فرحان إنه خلص كل المشاكل  راح تنتهي ، من سألني القاضي  "أنت متأكد من قرارك" ، جاوبته بسرعه "أي متأكد"

مرتي جانت كاعدة مستسلمة لكل شي كاعديصير ، حسيتها ضعيفة ، أهلها كلهم  جانو وياهة بس هيه أضعف من انه تحس بوجودهم ، من شفت بعيونها نظرة الكسرة فرحت إنه عرفت أخد حقي و اخليها تعرف إنو هيه اللي وصلتنا لهاي الحالة

بعد كم دقيقه طلقتها ، نمت علي مخدتي بهذا اليوم  وأنا احس إنو هموم الدنيا كلها أتبخرت ، طلعت على كيفي و براحتي  ، أكلت براحة، تلث سنين راحن وأنا بمشاكل و وجع راس وخلافات

"أخيرآ" صرت بهدوء ، صليت وحمدت الله على الي صار ، رحت لاهلي وفرحولي إنه خلصت منها

رجعت اعيش حياتي بالطول والعرض مرة ثانية.

بعد فترة قصيرة  لكيت شغلات  انقلبت عكس توقعاتي ، كل واحد أنشغل بحياته عني ، و بنهاية كل ليلة يقفلون على روحهم الباب وأنا ارجع لغرفتي وحدي

طيب وين الونسة وي الاهل
أخواتي واخواني اللي جانو دايما نازلين دك على أذاني بالكلام علي زوجتي بعد ماسألوا ، أمي الي جانت تحاول تبينلي إنه هيه أحن بهواي من زوجتي  الحنيه ..

أكثر ناس شحنوني  عليها ما كامو حتى يتصلون ،
من تعبت بليله الطلاك قبل العيد وصخنت اتصلت على أخوي مالاحظ من نبره صوتي إنه تعبان بالرغم صوتي ما جان واضح من كثرة التعب ، أتذكرت مرة زوجتي  دكت عليه وأنا بره البيت  بيوم من الايام وكالتلي "أنت زين؟!" وجانت قلقانه من غيرسبب ، ساعتها جان عندي هبوط ورحت علكت مغذي بالمستشفى من دون ماتدري..

وين الراحه" اللي حجولي  عليها وليش ما ضل ولاواحديريديعرف أخبار حياتي أول بأول مثل ماجانو يسوون من زوجتي جانت موجودة.

لو كلهم جانو هيج من البداية ومبتعدين ع تفاصيل حياتنة ماجان صارت مشاكل هواية بيني وبينهة..

من كلت اريد ارجع زوجتي لكيتهم كلهم شكد مايكدرون يحاولون يمنعوني كامو يعيدولي المشاكل القديمة ويطلعون اخطاء كالو عليها كلام مو يمها واني جنت مصدكهم اتدخلو بشغلات خاصة جدا ماجان لعزم افتحلهم بابها..

همة جانو جوة تفاصيل بيتي بالقدر الي ماجان ينفع انو هم يكونون تحتها او حتى ع الباب.

أكتشفت هذا الشي متأخر من اخذت فاصل بحياتي من زوجتي ابتعدت ولكيتها جانت تحاول بكل قوتها تسند البيت حتى لا يوكع واني جنت افلت ايدها..

هي جانت تحاول تداري وتلملم خصوصياتنا بنفس الوقت اني جنت منطي اذن التدخل بيها

رحت بكل أسف حتى ارجعها لكيتها بكل ثقة تكلي ( لا ) كالت اني (ارتاحيت )، هاي العبارة جان المفروض اني اكولهة الهة .
حاولت هواي بس بكل مرة تعاند وكأنو صارت بمكان آمن وخايفة تطلع منه وخاف ماترجعلة مرة ثانية ..

كالتلي بالحرف ( مامرة حسيت انه الي حقوق ، حتى حق انه اني مرتك ماجان بايدي )

وطلعت أنا الخسران الوحيد ، المشكلة إني جنت مفكر إنو اني الصح" وإنه كل الي حولي يتمنولي الخير !!

منقول

(رب خير لم تنله كان شرا لو اتاك )