[ မင်းကိုသဘောကျနေတာက ကိုယ့်ရဲ့လျှို့ဝှက်ချက် ]
နှစ်ကုန်ခါနီးမှာကောင်လေးက
အမြဲတမ်းဝန်ထမ်းဖြစ်လာခဲ့သည်။ နှစ်သစ်လက်ဆောင်အနေနဲ့ ဟုန်ပေါင်းတွေပေးဖို့ လက်ထောက်ကိုညွှန်ကြားလိုက်ပြီးမှ စိတ်ကူးရသွားပြီး။" နှစ်ကုန်ပါတီကျင်းပမယ်။ မတက်မနေရ "
လက်ထောက်ရဲ့မေးခွန်းမျက်ဝန်းတွေကို ရှောင်ဖယ်ပြီး အချိန်ပိုမဆင်းရအောင် စက်ရုပ်လိုအမြန်နှုန်းနဲ့အလုပ်လုပ်နေခဲ့သည်။
ဝန်ထမ်းတွေအတွက်ဆိုင်တစ်ဆိုင်လုံးငှားထားတာကြောင့် ကလပ်ထဲရောက်နေတဲ့လူများလို လွတ်လပ်နေကြတော့သည်။ ရှောင်းကျန့်ရောက်လာသည့်အချိန်တွင် လူအုပ်ကြီးကမူးရူးနေကြတော့သည်။
လူတွေဘယ်လောက်ရှုပ်နေပါစေ မျက်စိတစ်မှိတ်အတွင်း ကောင်လေးကိုရှာတွေ့ခဲ့သည်။
တစ်ယောက်တည်းသီးခြားဖြစ်နေတာကြောင့် ဘေးနားသို့သွားမလားစဥ်းစားမိပေမဲ့ ယောကျာ်းလေးနှစ်ယောက်ဖြစ်နေတော့။ တစ်ဆိုင်လုံးကိုမျက်စိကစားကြည့်လိုက်ပြီးတဲ့နောက် ရှောင်းကျန့်သက်ပြင်းချလိုက်သည်။
အကုန်လုံးမူးနေကြတာ သတိမထားမိလောက်ပါဘူး။
ရှောင်းကျန့်သတ္တိရှိရှိနဲ့ကောင်လေးအနားသို့သွားပြီး။
" ကိုယ်ထိုင်လို့ရမလား "
"ရပါတယ်။ ဆရာ"
ရာထူးအနိမ့်အမြင့်ကြောင့်ခေါ်မှန်းသိပေမဲ့ ရင်ထဲသိမ့်ကနဲခံစားသွားရသည်။ ကောင်လေးအသံကအရမ်းကို
နားထောင်လို့ကောင်းနေတာများလား ?နီးကပ်နေကြသည့်အခါ ဘေးနားကလူရဲ့အပူချိန်ကိုခံစားမိလေသည်။ အရက်မသောက်နိုင်တာကြောင့် သူကခွက်ကိုဟန်ပြကိုင်ထားပေမဲ့ ကောင်လေးကတော့တစ်ခွက်ပြီးတစ်ခွက်မော့နေတော့သည်။
' အချစ်လေး ကိုယ့်ကိုပြောပါဦး ? မင်းဘယ်သူ့ကြောင့်အခုလိုသောက်နေတာလဲ '
မေးချင်ပေမဲ့ အံကိုကြိတ်လိုက်ပြီး ဘေးတွင်ခပ်ဆိတ်ဆိတ်ငြိမ်နေခဲ့သည်။