هلووووو
اعتذر كولش هوايه صار اكو نقص بلبارت التاسع جنت كاتبته كله بس ماعرف من نشرته انشر نص البارت
هسه راح ارجع اكمله
نبأ.. عيب لازم اروح اشوف ام علي
رحت والبنات كابلني وكعدن يسولفن ويضحكن شوي تغيرت نفسيتي زين سويت من رحت الهم
شفت الساعه ب11الضهر. يوو صار الضهر وانه ماطابخه غدا هسه يجي علي
حوراء.. شنو غداكم اليوم
نبأ... دجاج شوي من امس متبلته وهم يله ادخله لفرن يله اروح انه. يمه عندج بس العافيه. معه السلامه
ام علي.. الله يعافيج بنيتي الله وياج
البنات... الله وياج
نبأ.. رجعت للبيت داحضر الفرن
علي.. بقيت افكر شلون اعتذر منهه بعد تفكير كلت نبأ مشتاقه لبنهه اخابر ابوي يدزلي رقم ابوهه
خابرت ابوي وكتله يدزلي الرقم. شوي ودزه خابرت
... الوو اسلام عليكم حجي ابو احمد شلونك انه علي
ابو احمد.. وعليكم السلام هلا بويه الحمدلله انته شلونك وبنتي شلونهه
علي.. بخير الحمدلله. نبأ زينه.. حجي اريد منك شغله اذا ماتصير زحمه
ابو احمد... تفضل بويه كول شنو رايد ماكو اي زحمه
علي.. نبأ.. مشتاقه لبنهه واريد اخذا الهه بس اريد افاجئهه لئن ماتدري
ابو احمد.. خوش بويه زين تسوي وابنهه هم كلش مشتاقلهه يمته تجي عليه حته يحضر روحه
علي.. هسه شوي واجي امر عليكم بس انطيني العنوان
ابو احمد.. هلا بيك يله اخذ العنوان................................
علي.. انطاني العنوان رحت دكيت الجرس طلع ولد حلو ومرتب. اسلام عليكم
زين وعليكم السلام شلونك عمو ماما شلونهه
علي.. تفاجئت من رده مبين عليه كلش.ذكي. الحمدلله وماما زينه انته شلونك
زين.. اني تمام ومن جدو كلي راح تجي عليه كلش فرحت واخيراً راح اشوف ماما
ابو احمد.. علي بويه يمته ترجعه لئن باجر لازم يروح لبيت جدا
علي.. باجر الصبح اجيبه
ابو احمد.. هااا تمام
علي.. يله انه اترخص
زين.. باي جدو
ابو احمد.. الله وياك حبيبي وسلمنه على امك
زين.. انشاء الله جدو
علي.. يله زيون اصعد... حركت السيارة ورحت للمطعم اشتري غدا ماريد نبأ تطبخ اليوم اريدهه تشبع من ابنهه وهم اعتذر منهه شتريت ورحت للبيت
أنت تقرأ
الأرمله الفصليه
Romanceالقصه تتكلم عن أمرا يتوفه زوجها فتذهب فصليه اله ضابط..لا يجوز لقانون لعشائر ان تصبح الأرمله او المطلقه فصليه لاكن ماذا حدث لماذا تذهب الارمله فصليه هل تتغير حياتها.... القصه حقيقيه
