هلو شلونكم
انشالله عجبتكم البارتات الفاتن
هاذ البارت راح اوضح بعض الشغلات اليصارت بلبارتات الفاتت
نبدي من اول بارت. قصت نبأ.. نبأ.. جانت رافضه عمار علمود دراستهه بس بعدين من اصرار عمار تركت الدراسه وتزوجته
نبأ.. بنيه شكلهه حلو ذكيه ورزنه وسباعيه ام بيت شاطرا بطبخ وكلش تحب النضافه والترتيب كولش ذواقا واهم من كل هاذ حبابه وطيبه واي شخص يشوفهه يحبهه
نجي على اهل نبأ ابوهه مدرس متقاعد واخوها احمد موطف بلنفط امه خالد خريج هندسه بس ماكو تعيين
ففتح محل لتصليح الجهزا الكهربائيه
حالتهم الماديه زينه من صارت هاي المشكله ابو احمد كال انه مستعد انطيهه شكد مايردون بس مانطي فصليه
بس نبأ.. ضحت لخاطر اهلهه واخوهه بس اهيه بعد عمار مافكرت تتزوج هوايه اجو خطابه الهه جانت ترفض تكول شلون اكدر اتزوج بعد عمار وابني شلون اعوفه
اهلهه ماخلوها تحتاج شي
من راحت البيت ابو علي.. شافوهه وحبوهه بسرعه
هسه نجي لبيت ابو علي
ابو علي عقيد متقاعد
ام علي معلمه متقاعده
علي ضابط
حسين اخو علي هم ضابط
كاظم.. محامي
الولد كلهه دارسين عائلتهم مثقفه وهم حالتهم الماديه كولش زينه
هسه تكولون اذا حالتهم زينه ومن هاي العوائل المثقفه
ليش طلبو فصل هل كد وليش اصرو عل الفصليه
احب اكللكم ابو علي رجع فلوس الفصل كلهم بس كدام العالم الشيوخ طلب بس من خلصت الكعده رجعهن بدون ماحد يدري امه بنسبه للفصليه فكان هاذ اتفاق
ابو علي. وام علي. حته يجبروم علي عل زواج لئن جان رافض حته من كللهم ابو احمد. انو بنتي ارمله كالو ميخالف علي مايصير يخلص حياته بدون مرا
ام علي.. ب اول رفضت وكلتله بلكي طلعت البنيه الفصليه مو حلوا تريد تضلم علي مايصير
بس ابو علي كلهه انه شفت اخوانهه وابوهه حلوين اكيد البنيه حلوا وبعدين شلون يعمي يبقه ابنج هيج حاله لا مرا ولا شي حته لو مو حلو هم ياخذهه وغصبن عليه
ام علي وافقت
اهل علي ناس طيبين
علي من بعد مرته ابد ماحب ولا حاول حته ماشاف بنات بهاي الفتره شكد حاولو اهله
واصدقائه وكلوله تعرفلك عل بنات بلنت وصادقلك وحده
بس رافض تمامن علي مو من انوع اليصاحب بنات هوا كلش ملتزم ويصلي مايحب هاي السوالف
ادري انتم كلكم ماخذين نضرا عل العسكري انو ماملتزم ابو بنات نسونجي بختصار بس انه اعرف اشخاص من اقربائنه كلش ماعدهم هاي السوالف وملتزمين
مو كل اصابعكم سوا
وعلي من هاي النوع
علي ابد مافكر يحب ويتزوج بعد مرته ومن ماتت مرته لهسه ماشاف مرا وحته من يطلع واكو بنات يمشن بلشارع جان يدور وجهه
بس من دخل وشاف نبأ بهيج لبس شلون حلوا وجذابه ومثل اي رجال بلعالم من يشوف بنيه حلوا وجذابه راح ينعجب بيهه وبجسمهه يضل يفكر بيهه وصورتهه ماتروح من باله بل اول جان اعجاب بس بعدين راح كلشي يتغير
ام بنسبه لنبأ.. تعرفون جانت رافضه وتدعي انو علي يبقه عله قراره ومايريدهه
بس من شافت اهل علي شلون يوصونهه ويكلولهه املنه بيج انتي تكدرين تغيرين علي ضلت محتاره شتسوي اوووف ياربي شسوي هسه بعد تفكير وتفكير نبأ كافي انتي شابه وماناقصج شي ومثل ماكالن البنات انطي فرصه لروحج وعيشي حياتج انتي لازم تحاولين تتقبلين هاذ الزواج وتخلين علي يحبج ويتعلق بيج
هيج جان تفكير نبأ وكالت لازم احاول
وهاذ كله قبل ماتشوف علي يعني قبل مايلتقون اول مرا وبلفعل بنأ.. وعلي. دك كلبهم مرا ثانيه من شافو بعض
هاذا جان اختصار لكلشي صار
راح تصير احداث بل بارتات الجايه
فضلن وليس امرن😁😁تابعوني وصوتو وعلقو
وشاركو بليزززززززز
🌷🌷🌷🌷🌷🌷🌷🌷🌷🌷🌷🌷🌷🌷🌷🌷وهاي الورود لكل شخص يصوت ويعلق🤭
أنت تقرأ
الأرمله الفصليه
Romanceالقصه تتكلم عن أمرا يتوفه زوجها فتذهب فصليه اله ضابط..لا يجوز لقانون لعشائر ان تصبح الأرمله او المطلقه فصليه لاكن ماذا حدث لماذا تذهب الارمله فصليه هل تتغير حياتها.... القصه حقيقيه
