يحكيها لكم أحمد| محتويات القصه، جوهره مفقوده في"غار" بوسط الجبل! وسيتم البحث عنها برفقة دحوم، وعزوز، وملاك وسبب بحثهم عن الجوهره؟ لانهاا تسوى مبلغ كبير نبدأ القصه" انا أحمد عمري 26 سنه حالتنا الماديه مب سيئه أو قويه يعني نص ونص.. بس المشكلة بنتي تعاني من ثقب بالقلب من ولادتها وعلاجها يكلف مبلغ قوي وهذا انا قاعد أجمع عشان علاجها بس أحس اني بطول على م بجمع المبلغ، بس أيش أسوي غصباً عني أتحمل!! ويوم من الأيام وانا جالس بغرفتي أحوس باللاب توب.. دخلت على موقع شفت مكتوب "الجوهره المفقوده" جلست اقرأ معلومات عنها طلعت هاذي الجوهره موجوده في غار في جبل مهجور له 40 سنه! والي يحصل على الجوهره له مبلغ قوي وفوق كذا يعطونه جزء من الجوهره الي تسوى 40 مليون دولار!! فكرت بالموضوع بس بنفس الوقت خايف، سكرت اللابتوب ورحت عن بنتي شفتها نايمه وجلست العب بشعرها ولحفتها ونمت وبعدها طلعت ورحت غرفتي وانسدحت ع السرير وانا أفكر بموضوع "الجوهره" وأقول ليه م أسويها؟ وش ناقصني انا غطيت وجهي وانا اقول في نفسي وش ذا السخافه الي انا احس فيها؟ أنام بس أحسن لي! وصحيت اليوم الثاني الصباح واسمع صوت صياح بغرفه بنتي؟ رحت الغرفه أشوف فتحت الباب وشفت زوجتي معطتني ظهرها وماسكه بنتي وجالسه تبكي وتدعي لها بالشفاء وانا قلبي صار يتقطع أثر فيني شكل زوجتي ورجعت سكرت الباب بشويش بدون م تحس فيني وحطيت ظهري على الجدار ويدي ع وجهي وعيوني تدمع وخانقتني العبره تمنيت بيدي شيء أسويه لها لأن كان شكل زوجتي يكسر الخاطر بس وش اسوي م بيدي حيله فجأة! رن جوالي بالغرفه ورحت أركض ورديت المتصل: صديقي "دحوم" قلت: الو قال: شرايك نخرج اليوم البحر نغير جو؟ أحمد: لا والله مزاجي مو زين خلها بعدين سكرت الجوال وشفت جنبي اللابتوب! على السرير، رجعت فتحته وقعدت أقرأ المعلومات حقت الغار تقول المعلومات: أن الجوهره موجوده في حفره بوسط الغار لكن م تعرف مكان الحفره الا اذا عرفت معنى هذي الرموز..
