سمعت صوت صرخه عزوز بقوه وأحس الصوت قريب مني! قلت دحوم تسمع الي انا اسمعه؟ قال: ايه صوت عزوز؟؟ جلست أنادي عزوز عزوز واتتبع صوته! ورحت للجهة الي فيها اللوح.. شفته منسدح ووجهه أزرق من الخوف؟ قلت له: وش فيك وش فيك بسرعه؟؟ قال: اطلعو بسرعه.. قلت له: وانت؟ قال: خلاص خلوني انا ماقدر اتحرك شوف رجولي؟ ونزلت راسي اناظر برجوله وشفتها متحفره ودم كثير يطلع منها" وشلت عزوز انا ودحوم وطلعناه بسرعه برا الغار لأنه كانت السياره قريبه منه وحطيناه فيها.. بس المشكلة ملاك للحين داخل.. قلت لدحوم خليك جنبه انا بأخذ ملاك وبجيك" قال عزوز روحو ثنينكم خلوني انا هنا..! قلت ابوك وسكرت الباب على عزوز بالمفتاح عشان لا حد يجيه، ومسكت يد دحوم ودخلناه" ورحت ل ملاك بسرعه! رحت عند الكتب ما شفتها؟ قلت اكيد خذوها، قال دحوم: من تقصد؟ قلت: الجن!! خاف دحوم وصار يصارخ ملاك ملااااك.. التفت شوي قالي دحوم شوفها شوفها بالزاوية.. ورحت بسرعه" ومسكتها ولا تتكلم جاها نفس التبلد!! وجلست الطمها مع خدها عشان تصحصح شوي صحت وتعلقت فيني وتقول: فيه أشكال غريبه طلعت لي وأنا أقرأ الكتب واغمى علي؟ قلت: قومي قومي ومسكت يدها ونمشي بنطلع برا الغار.. شفت كتاب مفتوح بالأرض ومرسوم عليه نفس الرمز الي أبيه.. وتركت يد ملاك وانحنيت أخذ الكتاب وجلست اقرأ شفت مكتوب عليه" اذهب بنهاية الغار بالزاوية اليسار وستجد الجوهره، قلت ملاك قومي قومي.. ودحوم روح جنب عزوز، قال طيب.. ورحت انا مع ملاك للزاويه ونحفر ونحفر.. فجأة أحد سحب بلوزتي وطحت بالأرض! والتفت ما شفت شيء؟؟ وسمعت صرخه قويه بصوت خشن "هاذي الجوهره ملكي لا تأخذونها" تجاهلت الصوت وقلت لملاك كملي كملي حفر خلاص ما باقي لنا شيء.. وحفرت وشفت الجوهره واخذتها وتوني التفت وراي بمشي شفت شخص وراي قصير جاي من بعيد وعيونه بيض! ولتفت يمين شفت نفس الشخص قصير بس شعره طويل.. عرفت ان هم شياطين ثنين مو واحد!! وملاك قامت تصارخ وتبكي!! غمضت عيونها بيدي وقربتها من كتفي.. وأنا صرت اقرأ المعوذات بصوت عالي! وصارو يبعدون شوي شوي لين م ختفو.. ومشيت فجأة سحبو ملاك من يدي وكان المكان ظلمه ومافي نور ابد طحت على الأرض قلت خلاص ملاك راح ياخذونها" وشوي الا جاني دحوم يركض ويلهث من الخوف وقلت: شفيك؟ قال: عزوز مو ف السياره!!
