හිතළු

අවසරය

සෙමින් සෙමින්, මට ළං වී

හොරෙන් හොරෙන් මගේ, සිත රැගෙන යාවී

තණ අග පිනි මෙන් පිබිදුනු හැගුමන් දහසක මා සිරවී

ඔබෙ සිත මා ලග නතර උනා නම් ඇය අමතක වේවි

කඩු තුඩකින් ඔබ මා සිත පාරා මා දමා යාවී

දැවෙන කතරක මිරිගුවයි ඔබ හිරුද නැතිව තනි වී

මගේ සිත ඈත ඈත අහසේ අතරමං වේවී

අහස අදුරු වී සදු අද තනි වී අමාවක වේවී

දෑත් පටලා ඇවිද යන්නට දුටු සිහින බොද වේවී

මුදු සිනාවෙන් මා සනසන්නට නැවත ඔබ නැති වී

හිමි නොවෙනා ඔබ ගැන සිතමින් මගෙ සිත වැළපේවී

උතුරන කදුලැලි ගලනා විටකදි මගෙ නෙතු පිය වේවී

සසර පුරාවට පතන්නෙමි නුඹ, නැවත අප හමුවී

ආදරයේ උණුසුම විදගනිමින් තැවුල් සැගව යාවී

ඔබෙ සිත සනසා ලග ඉන්නට ඔබ මට අවසර දේවී

නිශී❤︎