Love Again [Completed]

Volunteer

-"බය වෙන්න දෙයක් නෑ. එයාට තියෙන්නෙ පොඩි මෙමරි ලොස්ට් එකක්. කෙටි කාලීන මතකය අහිමි වීමක්. එයාට වැඩිය ප්‍රෙශර් එකක් දෙන්න එපා. නැති වුණු මතකය කාලයත් එක්ක ඉබේම ලැබෙයි."

වෛද්‍යවරයා හීසන්ගේ උරහිසට තට්ටුවක් දමා ඔහුගේ මවට එහෙම කිව්වෙ හිනාවක් එක්ක.

-"ම්ම්ම්.......හීසන්ග් දැන් අපිට පුලුවන් ගෙදර යන්න."

-"ඒක හොඳයි සුදු පාට කාමරේක ලොකු ඇඳක් උඩ දවස පුරාම ඉන්නවට වඩා."

-"හරි එහෙනම් ඔයා පහළට යන්න. මං බිල් එක පේ කරලා එන්නම්."

හිස සලා හීසන්ග් පහළට ආවා. දොරෙන් එළියට යන්න හදද්දිම වගේ කොහෙන්දෝ මන්දා ආව කෙනෙක් හීසන්ගේ ඇඟේ හැපුණා.

-"සමාවෙන්න. මං වෙන කල්පනාවක ආවෙ."

ඒ කෙනා එහෙම සමාව අරගෙන බිම විසිරුණු පොත් ටික ඇහිඳින්න ගත්තා. හීසන්ග්ත් එයාට උදව් කරන්න ගත්තෙ උදව් නොකර යන එක හරි නෑ කියල හිතුණු නිසා.

පොත් ටික එකතු කරගෙන ඒ කෙනා එතනින් ගියෙ හීසන්ග්ටත් ස්තූති කරන ගමන්. ඒත් තවමත් හීසන්ග් බිම ඉඳගෙනම ඒ කෙනා යන දිහා බලාගෙන හිටියෙ පුදුමයෙන්.

පොත් ටික එකතු කරගෙන ඒ කෙනා නැගිටිද්දි එයාගෙ ඇස් තිබුණෙ රතු පාටින්. සැබැවින්ම එහෙම තිබ්බත් නොතිබ්බත් හීසන්ග් දැක්කෙ එහෙම. මොහොතකට හීසන්ග් හිතුවෙ ඒ තමන්ගෙ මනසෙ ඇඳුණු මායාවක් කියලා.

ඒත් අන්තිමේදි හීසන්ග් එතනින් නැගිටලා ඒ කෙනා පසුපස ගියේ කුතුහලයෙන්.

-"චොගියෝ.......ටිකක් ඉන්න."

හයියෙන් කෑ ගසමින් හීසන්ග් ඒ කෙනා පසුපස ගියත් ඔහුට නම් හීසන්ග්ව නෑසුණු ගානයි. හුඟක් දුර ගිහින් ඒ කෙනා නැවතෙද්දි හීසන්ග් ද නැවතුණේ දණහිස්වලට වාරු වී හති හලමින්.

හීසන්ග් ඉක්මනින් හිස එසෙව්වේ ඉදිරියෙන් සිටින තැනැත්තාගේ දෑස් දෙස බැලීමට. ඒ සැනින් ඔහු වටහාගත්තා තමන් පෙරදී දුටුවේ මායාවක් නොවන බව.

-"ඔ......ඔයා කවුද ?"

-"මොකක්ද?"

-"මං ඇහුවෙ ඔයා කවුද කියල. ඔයාගෙ ඇස්......ඒවා රතු පාටයි."

හීසන්ග් ඉස්සරහට ඇඟිල්ල දිගු කර කියද්දි ඒ කෙනාගෙන් දිස් වුණේ පුදුමයට පත් වුණු බවක්.

තවත් මොහොතකින් එක්වරම ඒ තැනැත්තා පපුවට අත තියාගත්තේ වේදනාවෙන්.

-"ආහ්..........ආ......."

වේදනාත්මක විලාපයක් සමග ඔහු බිම ඇදගෙන වැටෙද්දි හීසන්ග් පසුපසට තැබූ අඩිය නැවත ඉදිරියට තියා ඉක්මනින් ඔහු වෙතට දිව ගියා.

-"කවුරුහරි උදව් කරන්න. මෙ....මෙයාට අමාරුයි."

හීසන්ග් බිම දණ ගසා ඒ කෙනාගේ හිස උකුළට ගෙන වට පිට බලා කෑ ගසමින් උදව් ඉල්ලුවා.

ඔහුගේ කෑ ගැසීම ඇසුණු කීප දෙනෙක් ඒ වටා රොක් වෙද්දී හීසන්ග් ඒ කෙනෙක්ගේ උදව් රැගෙන රෝගියාව රෝහලට ගෙන ගියා.

༺°✍°༻

-"හාට් ඇටෑක් එකක්. අපිට කණගාටුයි. එයා නැති වුණා."

හදිසි අනතුරු ඒකකයෙන් පිටතට පැමිණි වෛද්‍යවරයා කියද්දී හීසන්ග්ගේ මව උන්නේ කණගාටුවෙන්.

එහෙත් හීසන්ග් තවමත් පුදුමයෙන්. හදිසියේ දුටු පුද්ගලයාගේ දෑස් රක්ත පැහැ වූ අයුරුත්, හදිසියේම ඔහු මිය ගිය අයුරුත් හීසන්ගේ හිතට ප්‍රශ්නාර්ථයක් එක් කළා.

Show me that heaven's right here, baby
Touch me, so I know I'm not crazy
Never have I ever met somebody like you
Used to be afraid of love and what it might do
But goddamn, you got me in love again

✍Choco Bee