لامبالاة

عقل مشتت

احيانا الإنسان بيقف عند نقطة معينة من الزمن بيعيد فيها حساباته ويشوف هو وصل لفين أو حقق ومحققش ايه وبتكون الصدمة قوية لما يلاقى أنه بغبائه ضيع احلى سنين عمره والناس اللى بيحبهم بسبب قرارات كان بيحلم أنها هتسعده ولكنها حولت حياته لجحيم
مش لازم كل اختيارتنا تبقى صح احيانا بتكون بداية لحفرة وكل ما نتمادى فى اختيارنا كل ما الحفرة بتكبر لغاية ما طموحاتك بتبقى بعيدة عنك اوى لانك بتنزل مش بتطلع لطموحاتك وبالتالى معتقداتك بتتغير وأسلوب حياتك بيتغير وبتوصل لمرحلة انك مبتبقاش عارف نفسك وبتحس انك حد غريب عليك وممكن توصل انك كاره نفسك وكاره اللى حواليك وتبدأ تزهد فى اقل حاجة كانت بتريحك ككوباية نسكافية
اغنية حلوة لفيروز
اكلة حلوة بتحبهها
كل الحاجات دى بتبقى ابيض واسود بتبقى شايف كل حاجة ابيض واسود ،الالوان بتبدأ تنساها وبتوصل لمرحلة من الاكتئاب وللاسف حتى الناس اللى حواليك بتبقى مش مدركة لفكرة الإحباط والاكتئاب اصلا فتبقى فى حالتك النفسية لوحدك تمامااا

الفصل دة بداية لسلسة من الافكار اللى بتدور فى عقل كل واحد فينا وازاى بيتعايش معاها وازاى التجارب الحياتية قادرة على تدمير النفوس وجعلها هشة ومدمرة وازاى الناس ليها عامل كبير فى جعلك تحس انك لوحدك تماما
وسلسلة لمراحل نفسية ممكن الإنسان يمر بيها ويوصل لمرحلة من الوحدة اللى ممكن تقتل الإنسان وهو عايش ويبقى انسان موجود من غير روح بياكل ويشرب وبس