#حرب_الملائكة (حقيقية) الحلقة 1
ليان:كنت صغيره وقتها مكنتش نعرف حاجه اسمها شرف !
مكنتش نعرف ان حتى لو خدو الشرف بي الغصب تتسمى البنت ساقطه !!
والبنت ديمه هيا الغالطه
مكنت نعرف ومفيش حد علمني وانا صغيره ان في اماكن في جسمي غلط وعيب يلمسني حد فيها
مكنتش نعرف ان لو شرف البنت راح قدامها مصيرين بس يا اما تموت مقتوله يا اما تعيش باقي حياتها ذليله
اما الشخص يلي يعتدي على البنت يكمل حياته عادي جدا وحتى يتزوج ويجيب صغار
____________________________________
الأب توفى بي حادث سير والأم قعدت يومين في العنايه ولحقاته 💔
مشو لي ربي تاركين وراهم بنت نسخه من جمال امها ❤️
ونفس هدوء طبع بوها ❤️
3أيام بس كانت الزحمه ....وبعد فرق العزي خايفين يدبسو في البنت اليتيمه !
خايفين يصرفو عليها ويربوها ......كل واحد فيهم يقول هادي مسؤليه كبيره منقدرهاش !
ناسيين ان كافل اليتيم مع الرسول في الجنه ❤️
كلهم وخرو هاربين من البنت كأنها وباء لو لمسوها أضرهم
إلا الخالة الكبيره بس !كلهم وخرو إلا خالتها الكبيره بس !
قربت منها وعيونها تلمع من الفرح كأنها ملكت كنز كبيرررر
كنز رح يصرف عليها طول عمرها بدون ما تتعب وفي نفس الوقت تلقى مكان تفرغ فيه حقدها وشرها
________________________________________
خشيت حوش مكنتش نزور فيه إلا مع ماما بس !
لكن توا لازم نستوعب اني بنعيش فيه باقي عمري
فات اليوم الاول والثاني والشهر الاول والثاني لين سكرت سنة مع خالتي وبدي عمري 16 السنه
بدت ملامح الانوثه تبان عليا ويلي يشوفني يقولي بديتي تحلاوي يابنت ❤️
والكلام هادا مكنتش نفرح بيه لإن معاملت خالتي ليا بدت تتغير للاسوء وبديت نحس فيها تحقد عليا اكتر واكتر بدون اسباب واضحه لعند ما جي اليوم المشؤوم يلي دمرتني فيه وكسرتني
كان يوم طبيعي يعتبر
طلعت خالتي للخدمه بعد ما سبت راجلها المتوفي الف مره لان مخلالهاش ورث قبل مايموت
وعيطت على ولدها يلي خدت رباته من الميتم لان طول اليوم راقد ميخدمش
قعدت بروحي حاصله في الغدي والحوش وغسل الحوايج
نستغرب في ولد خالتي ماسكني في المطبخ ؟!!!.....كنت نسحابه شارب بيضربني شويه زي العاده ويرقد !
بس لا !!!!
كان صاحي ومفيش أثر لي ريحة الشرب نهائي
كنت صغيره مش فاهمه هوا شنو قاعد يدير وعلاش يدير هكي !
لمساته وحركاته الاصوات يلي كانت تطلع منه .....الألم الفضيع يلي كنت نحس بيه
شنو هادا !
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
طلع من الحمام مش لابس شي غير سروال جينز اسود قاتم
يمسح في شعره بهدوء قدام المرايه وضهره يحكي هلبا حاجات !
مكان الحرق يحكي عيلته شن دارو فيه!
مكان جروح الموس يحكي معاناته في الحبس
مكان الندبات يحكي ايام الجوع يلي مر بيها ويحكي التفريق بينه وبين خوته يلي من بوه
تجاهل شكل ضهره كأن خلاص حفض كل اثر امتى صار والسبب متعه
شاف نفسه ع المرايه وتلقائيا بدت الاسئله في راسه
عُدي:مني بيخلصهم مني ؟
الناس !؟....لو يوقف قدامي الف مخلوق رح يكون الشر يلي فيا اقوى
الموت ؟!...حتى لو خدتني الموت رح نخلي حد بعدي يكرهم في حياتهم !
كل موقف وجعني وقهرني وانا صغير بنرده اضعاف
رتب شعره بحركات هاديه وكمل لبسه
_________________________________
ليان:رجعت خالتي من خدمتها في المصحه الساعه 1 في الليل زي العاده
ارتمت على سريرها بتعب وغمضت عيونها
خشيت لغرفتها وانا متردده قعمزت علي السرير جنبها وانا نرجف تكلمت والعبره خانقتني
كنت صغيره ومنعرفش لكن متاكده ان يلي داره ولد خالتي غلط في غلط
بديت نحكي ودموعي ينزلو وقعدت نتكلم بتفصيل ونحكيلها ولدها شن دار فيا
استنيتها تحضني وتفهمني شنو قاعد يصير !
تنوض لي ولدها تعيط عليه وتعاقبه وتاخدلي حقي منه !
لكن ردها صدمني !💔
ومن هنايا بزبط بدي اقذر واوسخ شي اديره مرا في بنت صغيره زيني .....يتبع
محبيتش نكثر هلبا من اول حلقه باش نفهمو الشخصيات بشويه علينا ❤️
اسماء الرابحات في المسابقه متعي
Fafe Ebrahim
@Asol Fghh
باقي الفايزين في الحلقه الثانيه
