( الجزء الرابع )
.............( صبرك عليا ). ( الأولى )
احمد : مالك يا مه ! فيه ايه
سلمى : هششش اسكت خالص .. ماسمعش بؤك لغاية ما اتأكد ! ادعى ربنا انه يرحمك من ايدى .... استنى ماتتكلمش ! الو ! ( بتسيبه وبتقوم بعيد شويه وهو بيلبس القميص )
ليليان : سوسو ! ازيك يا قلبى
سلمى : ازيك انتى يا لولى بقولك . بكره نتقابل ف النادى بقي اشطا
ليليان : اشطا . تاليا جنبي اهى
سلمى : بقولك ! انا هبعتلك صوره كده على تليفونك . هتلاقيها ف رسايل الوسائط . شوفيها كده وقوليلى ده مين ؟
ليليان : ماشى ابعتى .! اقفل ولا ايه
سلمى : لا خليكى معايا .. ( بتصور احمد من غير ما ياخد باله )
ليليان : استنى يا روحى هشوفها اهو
سلمى : ركزى والنبى
ليليان : أحييييييييييييه ! ده الواد اللى شقطناه النهارده اللى حكيتلك عنه هههههههههههههههه
سلمى : احيييييييه انتى . اقفلى اقفلى
ليليان : ههههههههههههههههه طب عرفتيه ازاى ده ومين اللى مصوره
سلمى : اقفلى اقفلى لما نتقابل بكره هتعرفى
( سلمى بتجيب طوبه من ع الارض صغيره وبتهبدها ف دماغ احمد )
احمد : ااااااااااااااه نافوخى . فيه ايه يابت الجزمه انتى اااااااااه
سلمى : انت تحمد ربنا انها ماكنتش طوبه كبيره فتحت بيها دماغك بجد ( بتسيبه وتمشي ) انت ناقص ربايه وانا هربيك من أول وجديد !! انت تعبتنى اييييييييه شغال دولى انت مش عاتق . حتى البنتين اللى عايشين طول عمرهم بره ماسلموش منك ... ( بتحدفه بطوبه تانيه صغيره )
احمد : اااااااااااااااااه عينى ( جبينه بينزل دم بسيط بجد )
سلمى : ( قلبها بيوجعها بس بتسيبه وتمشى )
..........
مصطفى : ( بيجرى هو والعيال على احمد ) هههههههههههههههههههههه ايه ياسطا فيه ايه
احمد : ماهو من قر امك الدكر انت وهو . كنا هنولع دلوقتى من قركو
مالك : هههههههههههههههههههه فيه ايه البت بطحتك ليه
احمد : انا عارف ! الضرب اشتغل على نافوخى مره واحده .. قامت تتكلم وفجأه بدات تحدفنى بالطوب
مالك : ههههههههههههههههههههه بس عليا النعمه بت عسسسسسسسل ههههههههههههههههههه ياخواتى . حتة زبادى خلاط يا ولاد وشكلها حلو وهى بتبطحك
احمد : شمتان فيا ياض ؟
مالك : جدا ! مش عاوز اقولك يا كبير والله
احمد : ( بيطلع يجرى ورا مالك عاوز يفش غله فيه )
مالك : هههههههههههههههه بطل رخامه بقي انا وحوحت من الجرى ومش قادر والمصحف الحقووووووووووونى
................
ساره : ايه فيه ايه بتعيطى ليه ؟
سلمى : ساره شوفيه معلش عامل ايه دلوقتى انا بطحته جامد
ساره : استنى ! لا يا ماما كويس بيجرى ورا الواد مالك وشكلهم ماشيين
سلمى : ( بتعيط ) انا مش عارفه اعمل ايه مع الواد ده
ساره : هههههههههههههههههههه ياخرابي . شكلك حلو اوى . بتفكرينى بأحمد حلمى لما قال لغاده عادل انا مش عارف اعمل ايه مع البدله دى ههههههههههههههههههههه
سلمى : ( بتبتسم ) بتضحكى يا ساره .. ده وقته بزمتك
ساره : احكيلى بس الحكايه من أولها ونشوف فيه ايه عشان مش فاهمه حاجه
سلمى : طيب
...................
ليليان : البت لوما بعتتلى الصوره دى دلوقتى انتى فاهمه حاجه ؟
تاليا : احييييييييه ! عرفته منين ده
ليليان : مش عارفه ! بس كلامها كده مامطمنيش شكله البوي فريند بتاعها ولا حاجه
تاليا : ههههههههههههه طول عمرها مرزقه الصراحه
ليليان : مرزقه ايه والنبى اتلهى دنا كنت لسا هرن ع الواد واقوله نتقابل بكره
تاليا : نتقابل بكره ؟ طب والله فكره اتصلي بيه خلينا نشوفه بكره ونعرف منه الموضوع
ليليان : موضوع ايه ؟ لا ولا يعرف حاجه ولا تقولى حاجه ولا كأن سلمى بعتتلنا حاجه
تاليا : ههههههههههههههههههه عينك شكلها زاغت ع الواد يا لولى
ليليان : هههههههههههههه بصراحه ! وكلام بجد وف سرك ... عينى زاغت جدااااااااااااااا هههههههههههههههههه بس السؤال هنا هما يعرفوا بعض ازاى وقابلنا ازاى
تاليا : مش عارفه بقي ماهى حاجه تمخول الصراحه . والواد ماكنش داخل ياخد ارقام ولا حاجه ده كان داخل يتكلم وخلاص . وبعدين انا لاحظت حاجه بردو ساعتها .. فاكره الواد اللى جه دخل علينا عاوز يتعرف علينا قبله واحنا كرشناه
ليليان : اه فاكراه بردو . اشمعنى
تاليا : بعد ما الواد ده سابنا لقيته راح مشى معاه . شكلهم كانو متراهنين علينا ههههههههههههههههههههه
ليليان : هههههههههه انا بردو خدت بالى بس ماكونتش مركزه ... بس عينى زاغت ع الواد بردو ومش سايباه ! استنى هرن عليه اشوفه فين كده ولا بيعمل ايه
............
( عربية مالك )
مصطفى : ياعم خلى المنديل عليها وهى هتبطل تنزل دم .. ايه كل الدم ده ياض ههههههههههه دانت قربت تتصفى
احمد : اعمل ايه بس . ايد امها تقيله . البت كانت بتحدفنى بغل ... ايه ده ... مش عارف فيه ايه
مالك : الموضوع شكله كبير يا صديق ...
احمد : ماهو لو حد يفهمنى انا عملت ايه كنت ارتاح
مصطفى : هههههههههههههههههههههههههههههههههههههههههههههههههههههه عبله كامل بشحمها ولحمها ف مسلسل عبد الغفور البرعى اقسم بالله
احمد : عبله كامل ! اه والله معاك حق يا مصطفى عبله كامل فعلا .. بص قدامك . بص قدامك بدل ما اعملك حمدى الوزير دلوقتى واغتصبك انت والعيال اللى قاعدين جنبك دى
على : خليك ف اللى بطحتك والنبى وابقى اتكلم . وعاملى فيها عنتر
احمد : ايه ده ؟ هو انا سمعتى اتهزت يا واد يا حسن اوى كده ولا ايه
حسن : بلح .. بلييييييله دانا مش عاوز اصدمك ههههههههههههههههههههههههههههههههههههه
مالك : هههههههههههههههههههههههههه حبيبى يا كبير والله ... البت دى ايقونه غريبه ف اسكندريه دى واللى انا لسا عارفها بقاليش شهر ونص .. ايقونه الجمال والرقة والشراسه الاسكندرانيه ههههههههههههههههههههههههههه وبصراحه مافيش واحده غيرها تقدر تستحملك وتعمل فيك كده
احمد : وايه كمان ! كمل كمل . دا العجل لما بيقع بتكتر سكاكينه
مالك : هههههههههههههههههههههه ومش اى عجل . دانت وقعتك مشفيه .. ألف من له تار ف البلد يا عتريس ....... وبصراحه بقي هى اللى تعرف تربيك من أول وجديد زى ماهى قالت بالظبط
مصطفى : ياعم ام الارقام الغريبه اللى بترن عليا دى فيه ايه
احمد : اتفرج يا مالك . ادى واحد حلوف اهو بيقول الارقام الغريبه دى ايه وهو اساسا مستنى رنه من ارقام غريبه ... عاهات ! اقسم بالله عاهات وربنا بالينى بيها . هات ياض التليفون ياض هرد انا
مصطفى : ههههههههههه احيييه تصدق . انا ايه الغباء ده
احمد : الو !
ليليان : صاصا معايا !
احمد : ايوه هو صاصا مين
ليليان : انا ليليان اللى اتقابلنا ع البحر النهارده
احمد : اهلاااااااااااااااااا انتى اسمك ليليان . تصدقى نسيت اسالك على اسمك . اخبارك ايه واخبار المزه التانيه اللى معاك
ليليان : هههههههههههههه جنبي اهى . عامل ايه اخبارك ايه بتسلم عليك
احمد : بخير . المهم انتو عاملين ايه
ليليان : تمااااام . بقولك عاوزين نشوفك
احمد : ايه !
ليليان : الو ! بقولك عاوزين نشوفك يابنى
احمد : اها اه طبعا بكره اكلمك كده لانى مشغول دلوقتى والله
ليليان : ايوه ماهو بكره اكيد مش هينفع دلوقتى . اشطا
احمد : اشطا ربنا يسهل
ليليان : يلا بايباي
احمد : سلام
......................
( بيت سلمى )
سلمى : بااااابي ! وحشنى وحشنى كتييييييير
ابو سلمى : ههههههههههههه البونبونى بتاعى . وحشتينى انتى اكتر يا روحى .. ايه ده ساره هنا ! ازيك يا سرسور
ساره : بلاش الاسم ده ياعمى انت عارف انه بيضايقنى ههههههههههههههههههه حمد الله على سلامة حضرتك
ابو سلمى : هههههههههههههههههههههههه انا عارف انه بيضايقك . بنكشك بس مش اكتر
ساره : هههههههههههههههههه ماشى يا اونكل حمد الله على السلامه مره تانيه . انا هنزل انا يا سلمى بقي
ابو سلمى : تنزلى تروحى فين . هو عشان انا جيت ولا ايه . والله لاتباتى مع صاحبتك النهارده
ساره : ههههههههههههههه مش عاوزه اكون عامله ازعاج بس
ابو سلمى : بس يابنت اسكتى ...ادخلى مع صاحبتك يلا حضرولنا عشا حلو كده زيكو نتعشي كلنا
سلمى : اححححححم
ابو سلمى : ساره هتعلمك اسكتى انتى
سلمى : ( بتبوسه من خده ) هههههههههههههههههههههه افضحنى افضحنى كمان . لسا فيه اتنين تحت معرفوش انى مابعرفش اعمل حاجه
......................
( اخر الليل )
ساره : بااااااااس لقيتها
سلمى : هى ايه دى ؟
ساره : الخطه اللى هتخلينكى تربي احمد من أول وجديد
سلمى : طب احكى يا أم العريف
.........................
( ع القهوه )
مالك : يلا يا شباب مش هتروحو ولا ايه
احمد : روحوا انتو انا قاعد مع نفسي شويه هخبطلى فنجان قهوه وحجر وهبقى اروح
مالك : طيب يا كبير جاى بكره الجامعه ولا ايه
احمد : اه جاي . دنا لازم اجى دانا هيتولع فيا بكره . انا عاوز اعرف بس هى عرفت انهى مصيبه
مالك : هههههههههههههههههه معاك ربنا ... مجدى جه اهو .سلام يا شباب
على : سلام يا موك . وانا كمان هخلع انا بقي عشان ابويا مستنينى من بدرى . جاى يا حسن
حسن : ايوه يلا انا فصلت
مصطفى : سلام يا شباب . انا قاعد دقيقتين كده وهحصلكو اتوكلو انتو على الله
....
احمد : فنجان قهوه مظبوط بوشين يا كريم مش وش واحد والشيشه بتاعتى الله يباركلك
كريم : عيونى يا حب
مصطفى : هتعمل ايه
احمد : كل خير ! جبينى لسا بيجيب دم ؟
مصطفى : ههههههههههههه لا اتكبست خلاص بس طهرها بس
احمد : يابنت المجانين يا سلمى
مصطفى : ههههههههههههههههه عارف ! النهارده أول مره ف حياتى اعرف يعنى ايه الحب وسنينه
احمد : لسا النهارده ؟
مصطفى : اه والله لسا النهارده . شكلك وانت قاعد معاها ف الملعب شرحت قلبي يا جدع
ايه الجمال ده وايه السلاسه ف الحب دى .. بالرغم انكو بتتعاتبو وانت جاى تصالحها وهى بتتدلع عليك بس ايه كمية الحلويات دى ياعم هههههههههههههههههههه
ربنا يحفظهالك ويخليهالك ويجمعك بيها على خير
احمد : ياض يا مصطفى انت هيبقالك اكبر دور ف حياتى كلها بس اصبر
مصطفى : دور ايه ؟
احمد : بص يا درش ! انا واخد عهد على نفسي انى مش هربط سلمى معايا بكلمه الا لما أكون قدها . او على الاقل انى اكون وازن نفسي واكون مخليها تستغنى عن فلوس ابوها وأقدر اعيشها ف نفس العيشه او قريبه منها بالدرجه انى ماخليهاش تحس بفرق ما بين عيشتى وعيشة ابوها
لازم نكرم نسائنا يا درش ومانهينهمش . اوعى ف يوم تهين حُرمه
حتى اللى تغلط منهم أدبها بس من غير إهانه
مصطفى : طيب بردو ماقولتليش انا دورى ايه ف حياتك انت بتقول ان ليا دور
احمد : هتبقى عينى يا مصطفى
هتبقى عينى على سلمى وتتبع خطواتها من بعيد . من بعيييييييد . ماتتدخلش ف حياتها ولا تحاول تظهر قدامها ولا تفكرها بيا ولا بالماضى السعيد اللى عاشته . مش عاوز منك غير انك تتبعها ....وبس
مصطفى : طب افرض جوزوها
احمد : هههههههههههههههههههه يا حبيبى سلمى دى رهان عُمرى
حتى لو اتخطبت او انشغلت بحد . وده مش هيبقى انشغال قد ما هيبقى هروب منى .. هرجع وهضمها تانى
يابنى دى سلمى دى الحتة اللى باقيالى ف الدنيا
مصطفى : والله العظيم فعلا مُهلكه
احمد : مُهلِكَتى وهتفضل طول عمرها مُهلِكَتى .. عرفت بقي انك أهم دور ف حياتى يا درش ..... انت مش صاحب ولا أخ .. انت وصيه ابويا وصانى بيها مخصووووص
قالى اصحابك عُكازك .... ومصطفى ده خليه هو منحنى العكاز اللى بتمسك العكاز منه واتسند بيه على الدنيا ... عرفت ليه انا بحبك ياض انت
مصطفى : ( بيدمع ) ربنا يخليك ليا يا حبيب اخوك .. ماتقلقش . انا عُكازك
احمد : عارف وفاكر وشايف ومش ناسي .. بس الصبر
مصطفى : مالك بتفكر ف ايه
احمد : مش عارف هعمل معاها بكره ايه
مصطفى : ههههههههههههههههههههه انا اموت واعرف هى عرفت ايه بس او بطحتك ليه
احمد : ماهو ده اللى بيجننى وعمال اقلبها شمال يمين ومش عارف
مصطفى : بس انا لاحظت حاجه وانا بديلك القميص .. سلمى زى ماتكون اتفاجأت بالقميص بتاعك ده فضلت متنحه فيه شويه .. وبعدين لما قامت هى صورتك من بعيد على فكره . الاول كنت فاكر بتبص على التليفون وبتشوف الساعه مثلا وهى بتتكلم بس اتضحلى ف الاخر انها كانت بتصورك وتقريبا كده بعتت صورك لحد ههههههههههههههههه
احمد : احييييه . احييييه وايوووه . يعنى ايه ياعم انت كركربت بطنى الله يحرقك ...
مصطفى : هههههههههههههههههههه وانا مالى . اتصرف انت ... تفتكر انت طيب هى ممكن تعمل معاك ايه
احمد : حاجه من اتنين
يا كل ما هتشوفنى هتبطحنى .. او هتتجاهلنى تماما كأنى كيس جوافه واقف
مصطفى : هههههههههههههه طب انت تتمنى تعمل معاك ايه
احمد : ياريت تبطحنى كل يوم عادى .. لكن تتجاهلنى هموووت . والمصيبه انى مش هعرف اكلمها او اصالحها بإيه لانى ببساطه مش عارف هى زعلانه على انهى مصيبه . بس عندى فكره هعملها بكره وربنا يسهل بقي
مصطفى : طب قوم قوم يلا الساعه داخله على 2
احمد : يلا
........................
سلمى : اتفضلى نامى يلا يا ابله عشان انا كمان هنام ... وحياة امى لاعلمه الادب من بكره . صبرك عليا يا أحمد هخليه يمشى يلف حوالين نفسه .. صبرك عليا يا احمد
ساره : هههههههههه اوبا بقي . شكلنا هنبقى عسل بكره ولا ايه
