🍒TAEKOOK ONESHOTS🍒

BEING A TEACHER

Jungkook chu a in luah lian lo te bathlar ah chuan thru in cigarette chu a zu khu hlat hlat a.

Nakin deuh ah chuan ni tla tur lam a trang a hlimthla lian lo tak tak rawn kal phei thrap thrap chu a mu ta thuai a. Rin lawk sa dan a neih a vang in a ruk in a lo nui sap a.

A thrutna a trang a fiah tak a an lan theih hnu chuan a ring sual lo chiah bawk a. A bialpa te thiam ho ngei an ni.

Mahse luggage lian ang reng tak Jimin leh Bogum in zo leh zo lo a an rawn hnuk trawng trawng a hmuh tel tak ah chuan a ngaihna hrelo zet chuan an lo thlen hun chu a nghak mawl ve ta tawp a. An ni hah thi kul kaia an rawn kal lai in a bialpa, Taehyung erawh chu khawr angreng takin an hnung ah a rawn kal ve chhet chhet thung a.

"Ouh..... Nula te u, khawiah nge in kal dawn a kha! In va burip ve" a bul an rawn thlen tak ah chuan Jungkook chuan hre chak zet in a lo zawt nghal var a.

Mahse Jimin leh Bogum te chuan a zawhna chhang thei hmel hi an pu lo reng reng a, an hah luattuk a vang chuan an khup nem in an thaw hlawi hlawi a, a hah ve lo ber Taehyung lah chu hnuai lam bih in a kun ngar mai thung a, han biak trawng zawh theih hmel hi a pu reng reng lo bawk a.

Chutah Jungkook chu thaw hak in a in thlah dul a, Jimin te pahnih trawng chhuah theih hun chu a nghak ta zawk a.

"Taehyungie..... I magnet nautelem kha I khung tel ta tralh em ni? A rit uchuak lutuk" minute 10 dawn hnu ah chuan Jimin chuan a rawn ti vin ta hlar a.

"Ihh..... Aww..... Eomma in ken loh a phal lo lawm Minnie" in thlahrung aw dek chuan Taehyung chuan a lo ti ve thung a.

"Chu vang chu a nih hrep chu a rit lutuk a lawm, ka kut a durh vek a lawm" ti leh hlak hlak in a kut lian lo tak, chum biang chu a chhem hauh hauh a.

Chutah Jungkook chuan a aw chu a rawn thian ta kharh kharh a. A duh ai in an ignore rei tawh mah mah deuh chu a ni.

"Awle, chu lam chu  lo dahthra tawh ula, eng thil nge thleng tih chu han sawi fiah thuai teh u... Heng luggage lian lutuk nen hian khawi ah maw kal in tum? Magnet nautelem te pawh chu...?" hriat duh tam tak  a nei a ni, heng naupang ho hian an chhaih buai nasa ta mah mah a ni.

A bialpa a rawn tawng chhuah tak ah phei chuan Taehyung chu a lo lai nasa in a biang te chu a sen nghal tak mai a, midang in an hmuh hlau chuan lei lam chu a bih ngar ngar mai a.

"Nupui neih ila in peih lo tih chu kan hria a Sir Jungkook,  mahse TaeTae nu leh pa ten in in zui tih an hria a" Jimin an thupui fun angreng tak a a sawi lai chuan Jungkook chuan phawkphawhraw zet chuan a lo melh in a lo ti buai ta vat a.

"Eng tin maw? An hrechhuak maw?"

"Ka sawi dawn reng a lawm.... Chuan Taehyung bulah tren tur che in an ti a, mahse kan Taetae fel lutuk hian a duh lo a, I kawl ve rawih turin kan rawn hruai ta tawp a nih hi" Jimin chuan rilru nat hmel zet chuan a han ti a, Bogum lah chuan thlawp zet in a lo bu nghauh nghauh mai bawk a. Taehyung erawh in a thrian te chu chu phawk lutuk in a lo melh ve thung a.

"Tak tak maw? Baby, an ti na che em? Khawi maw na I nei em?" tia phi chung in Jungkook chuan Taehyung chu in chhung ah a luh pui a, na a neih leh neih loh chu a en kual nghal.zung zung a,

"Na... Na ka nei loo" Taehyung chuan lawi rat in a rawn ti chhuak a. Jungkook chu lo thaw huai in Taehyung chal ah chuan a fawp vang vang a.

"Lungngai suh, engkim ka chingfel vek ang" ti leh sap in Taehyung chu nghet zet chuan a kuah leh vang vang a, Jimin te pahnih an lo luh tak ah chuan thlah ve ta hram in khum ah chuan a thrut pui a.