He/Him

He/Him [Unicode]

"ကျစ် wasabi​ တွေမထည့်ပါဘူးလို့ သေချာ​ပြောလိုက်တာကို"

ကျွန်​တော်ခပ်တိုးတိုးညည်းလိုက်​တော့ သူကမုန့်စား​နေရာက မော့ကြည့်လာတယ်။

"မကြိုက်ရင် ကိုယ့်ကို​ပေး​လေ"တဲ့။

First Date မို့လို့ထင်တယ်။နှစ်​ယောက်လုံးက ရှိုးတိုးရှန်းတန်းနဲ့။
ဆယ့်ရှစ်နှစ်ပြည့်ကာစ လူပျို​လေးတစ်​ယောက်က သုံးဆယ်နားနီး​နေတဲ့ဦး​လေးကြီးတစ်​ယောက်နဲ့တွဲတယ်ဆိုရင် ပတ်ဝန်းကျင်ရဲ့ထုံးစံအရ​ "ငွေရှိလို့ကပ်တယ် ဘာညာ"​ပြောကြမှာပဲ။တကယ်တမ်းကျ ကျွန်​တော်တို့ဟာ ရိုးရိုး​လေး​တွေ့ဆုံပြီး ရိုးရိုး​​လေးပဲချစ်ခဲ့ကြရုံပါ။သာမန်အတွဲ​တွေလိုပါပဲ။
တစ်​ယောက်​ပျော်​နေတာကို တစ်​ယောက်က​ငေးကြည့်ရင်း ၊ တစ်​ယောက်ကိုတစ်​ယောက် အပြန်အလှန်နားလည်မှု​ပေးရင်းနဲ့​ပေါ့။နှစ်​ယောက်လုံးက ယောက်ျားသား​တွေဖြစ်ပြီး Age gap ကွာသွားရုံ​လေးပါ။

ငွေမှင်​ရောင်မျက်မှန်ကိုင်း​လေးနဲ့ အသားအ​ရေခပ်လတ်လတ်ရှိတဲ့လူကြီးက အုန်းမှုတ်ခွက်​ကေနဲ့ပုံတုန်းနေတဲ့ကျွန်​တော့်ကို ဘာကြည့်ကြိုက်လဲမသိဘူး။သူ​​ပြောတာက​တော့ ရယ်လိုက်ရင်ပါးချိုင့်​လေး​ပေါ်လာတာကို သ​ဘောကျလို့ပါ တဲ့။ပါးချိုင့်ပါတဲ့​ကောင်မ​လေး​တွေမှ အများကြီးကို လို့ပြန်​ပြော​တော့ မင်းကိုပဲကြိုက်တာပါတဲ့​လေ။

ကျွန်​တော်တို့တွေ လျှောက်လည်ကြတယ်။​အဆင့်မြင့် ​ဈေးဝယ် Centre ကြီး​တွေထက် မြို့ထဲကစာအုပ်အ​ဟောင်းတန်းလမ်းကိုပဲ​လျှောက်ဖြစ်တယ်။​အရပ်ပုတဲ့ကျွန်​တော်က အမြဲတမ်းသူ့ပခုံး​အောက်မှာ။
တနင်္ဂနွေနေ့တိုင်း ရွှေတိဂုံဘုရားသွားဖူးရင်းအပြန်မှာ ရှမ်း​ခေါက်ဆွဲဝင်စား​တယ်။နှစ်​ယောက်လုံးက Horror Movie တွေကြိုက်တတ်တာမို့ ဇာတ်ကားအသစ်ရုံတင်တိုင်း သွားကြည့်ကြတယ်။

သိ​စေချင်ပါတယ်။ပြည့်သူ့ရင်ပြင်မှာ ရိုလာကိုစတာစီးရင်း သူ့လက်ကိုတင်းတင်းကြပ်ကြပ်ဆုပ်ကိုင်ထားတယ်ဆိုတာ တစ်ဘဝလုံးစာ ယုံကြည်အားကိုးလို့ဖြစ်​ကြောင်း။

ကျွန်​တော်ကလည်း​ကျောင်းတစ်ဖက် သူကလည်းအလုပ်တစ်ဖက်နဲ့မို့ မအားကြလည်း ကျိုက်​ခေါက်ဘုရားပွဲ​ဈေး​ကို​တော့ မလွတ်​စေရဘူး။