He/Him

He/Him (Ending)

"ပြန်တော့လို့​ပြော​နေတယ်​လေ"

ကျွန်​တော်​ပြော​​နေတာ​တွေက သူ့နားထဲမဝင်သလိုအမူအရာမျိုးနဲ့ အင်္ကျီကိုချွတ်ဖို့ကြိုးစား​နေတာ​ကြောင့် လက်နဲ့အတင်းကာမိတယ်။

"ရေပတ်တိုက်​ပေးတာမကြိုက်ရင် ဆေးရုံသွားရမယ်"

"ရေပတ်လည်းမတိုက်ဘူး ဆေးရုံလည်းမသွားဘူး ခင်ဗျားလည်းပြန်​တော့။ဟက် ကျွန်​တော်အဲ့​လောက်အ​ပေါစားဆန်မှန်းမသိခဲ့ဘူး။ကျွန်​တော်လည်း ယောကျ်ားပဲဗျ။မိန်းက​လေး​တွေကို စိတ်ဝင်စားတာပေါ့။ဒါ​ပေမယ့် ခင်ဗျားကိုချစ်လွန်းလို့ ပတ်ဝန်းကျင်က​ပြောသမျှကို မကြားချင်​ယောင်​ဆောင်ပြီး ခင်ဗျားကိုပဲ တွယ်ကပ်​နေခဲ့တာ။ဟား ဟား တော်​တော်အရှက်မရှိခဲ့တာပဲ"

သူက ကျွန်​တော့်ကိုခပ်​ငေး​ငေးကြည့်​​​နေရာက​နေ ဒုတိယအကြိမ်သက်ပြင်းထပ်ချတယ်။ပြီး​တော့ ကျွန်​တော့်လက်က ဒဏ်ရာကိုမြင်သွားပုံရတယ်။

"လက်ကဘာဖြစ်တာလဲ"

လက်​ကောက်ဝတ်က​နေအသာဆွဲယူပြီး​မေး​တော့ လက်ကိုပြန်ရုတ်လိုက်တယ်။

"စိတ်ပူပြ​နေတာ​တွေ တော်သင့်ပြီ"

ကျွန်​တော့်ပခုံး​တွေကိုတင်းတင်းဆုပ်ကိုင်ကာ မျက်လုံးကို​သေချာစိုက်ကြည့်ပြီး.....

"အရာအားလုံးအတွက် တောင်းပန်ပါတယ်။ဒါ​တွေက လုပ်သင့်တယ်ထင်လို့ လုပ်ခဲ့တာ​တွေချည်းပဲ။သိတယ် ၊ မင်းကိုယ့်ကို ဘယ်​လောက်စိတ်နာ​နေလဲဆိုတာ ကိုယ်သိတယ်။ဒါ​ပေမယ့် နောင်တချိန်ကျရင် မင်းနားလည်လာပါလိမ့်မယ်"

"လော​လောဆယ် ကျွန်​တော်အရမ်းပင်ပန်း​နေတယ်။ဘာမှမ​ပြောချင်​ဘူး"

သူ့ကို​ကျော​ပေးပြီးမျက်လုံး​တွေကို မှိတ်လိုက်တာနဲ့ အချိန်ခဏ​လေးအတွင်းမှာ အိပ်​မောကျသွားတယ်။သူပြန်သွားလား မပြန်ဘူးလားမသိ​တော့ဘူး။​ခေါင်းကလည်းသိပ်မကြည်တာမို့ သတိကရတစ်ချက် မရတစ်ချက်နဲ့။

ပြန်နိုးလာ​တော့ နေရတာနည်းနည်းသက်သာလာတယ်။​အိပ်​ပျော်တာကို​​စောင့်ပြီး​ရေပတ်တိုက်​ပေးသွားတယ်ထင်ပါရဲ့။ကြည့်လိုက်​တော့ ညာဘက်လက်မှာလည်း ပတ်တီးစည်းထားတယ်။