¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
Plot- bjyx romance
Tags- merman,sweet romance
Author- okipuy
ဒီ one shot လေးက page တစ်ခုကိုကိုယ်လှူဖူးတဲ့ one shot လေး ။ ပြန်တင်လို့ရတယ်ဆိုတာနဲ့အားလုံးဖတ်လို့ရအောင်တင်ပေးလိုက်ပါတယ် ။
Let me live !
'ပြေးထား ရှောင်းကျန့် ... မင်းအသက်ရှင်ဖို့အဝေးဆုံးကိုပြေးထား '
ရေအောက်ပင်လယ်နန်းတော်ကြီးကနေ မိုင်ပေါင်းများစွာဝေးတဲ့အထိရောက်နေပေမယ့် သူမနားတမ်း ကူးခတ်နေမိတုန်းပဲ ။
သူ့အမြီးလေးတွေထုံကျင်ကိုက်ခဲလာတဲ့အထိ ၊ တစ်လက်မလောက်တောင်အရှေ့မဆက်နိုင်တော့တဲ့အထိ မောပန်းလာပေမယ့် သူဇွဲမလျှော့မိဘူး ။
အနည်းဆုံးတော့ သူတစ်ယောက်တော့ လွတ်မြောက်သွားမှဖြစ်မယ် ။
'အားကျန့်လေး ပြေးတော့ ~ မားတို့ကိုထားခဲ့ပြီး အဝေးဆုံးမှာဘဝသစ်ပြန်စတော့'
'ပါးတို့က အားကျန့်လေးကိုအများကြီးချစ်တာသိတယ်မလား ~ ပါးတို့မရှိတော့လဲ ကိုယ့်ဘာသာရပ်တည်နိုင်အောင်ကြိုးစားရမယ်နော်'
ဦးရီးတော်လက်ထဲအဖမ်းမခံရခင်အချိန်ထိ ပြောသွားတဲ့ ပါးတို့စကားကိုပြန်ကြားယောင်မိတော့ ပင်ပန်းနေတဲ့အမြီးကို ပိုအားထည့်ရင်းကူးခတ်မိတယ် ။
နေ့ချင်းညချင်း ပျော်ရွှင်နေခဲ့တဲ့သူ့ဘဝလေးက အာဏာမက်တဲ့ဦးရီးတော်ကြောင့် အခုမိဘမဲ့ဖြစ်သွားခဲ့ပြီ ။ ဒါ့အပြင် ရှောင်းကျန့်ကိုဖမ်းမိသူတိုင်း ပုလဲနက်တွေဆုချီးမြှင့်မယ်ကြေညာထားတာကြောင့် ရေအောက်သတ္တဝါတွေအကုန်လုံးကလဲ သူ့ကိုပိုက်စိပ်တိုက်လိုက်ရှာနေကြပြီ ။
