گــونــاهـــبــار //

Part 6

وەک ڕێزێک لە ماندوو بوونم ڤۆت بکە

لەگەڵ هەر بینینەوەیەکی زیاتر خۆی لە نێو دڵم جێگیر ئەکرد و پەشیمان ئەبوومەوە لە ڕەتکردنەوەی.

بە بیرکردنەوە لە عومەر خەیاڵەکانم شێواوبوو
دووبارە لە شەوێکی تاریک هەموو شتێکم شێواند.
ئەم هەنگاوەم گەورەترین هەڵەی ژییانم بوو کە تەنیا بووە هۆی شکانی دڵەکانمان و لاوازبوونمان بەرامبەر ئەشق.

پێنوسەکەم هەڵگرت و دەستم کرد بە نوسینی ئەوانەی نێو دڵم
ئەوانەی کە بە دەیان ڕۆژ و شەوە بیریان داگیرکردووم و بونەتە هۆی زڕانی خەوی شەوانم.

سەرەتا بە سڵاوکردن دەستم پێکرد
دوای ئەوە لە بارەی هەستەکانم بۆی دوام.
دەرباری دزینی دڵم بۆی دوام.. دەربارەی بێخەوی شەوانەم بۆی دوام.

نوسین ئەوەی جوانە کە ڕێگە بە هیچ درۆ و شاردنەوەیەک نادات
بە ڕاستگۆیانە ئەوەی لە دڵتە واڵای ئەکەیت و بێ دودڵی ئەینوسیت
گەر خەتا لە تۆ بێت.. گەر تاوانبار بیت
گەر شکاوبیت و هەست بە لاوازیش بکەیت، گەر نەتەوێ هیچ کەسێکیش بە لاوازی بتبینێ
بەڵام نایشاریتەوە و هەموویان ئەنوسیت.

زۆر بە ڕوونی بۆم نوسی
"من زۆر پەشیمانم لەوەی تۆم ڕەتکردەوە، ئێستا هەست بە شتانێک ئەکەم کە هیچ کاتێک لە پێشتر هەستم پێی نەکردووە، من واز لە غرور و لووت بەرزیم ئەهێنم. چونکە یاسای خۆشەویستی ئەوانە قبوڵ ناکات
گەر بڵێم ئێستا بە تۆ ڕازیم؟! گەر بڵێم ئێستا خۆشەویستییەکی یەک لایەنە نییە؟!
دووبارە وەرم ئەگریتەوە؟!"