السلام عليكم ورحمة الله وبركاته.
رواية (حبيتك رغم حالتي). بقلم :جمنم
البطل : فيصل عمره ٢٥ سنه يشتغل بشركة ابوه عبد الرحمن الجالي مغرور شويتين
متكبر شوي ومايعطي احد وجه غير الي قريبين منه ويكره الزواج بدون سبب.
ابو البطل : عبد الرحمن عمره ٥٣ يحب فيصل اكثر من اخوانه
ويشوفه قد المسؤليه
ام البطل : بدرية عمرها ٤٧ تحب الطبخ مره وتزن لفيصل يتزوج
منى : عمرها ١٩ تحب فيصل مره ومجننته كل يوم
تقول متى اشوف بنت اخوي وادلعها(طالعه على امها).
حنان : عمرها ٢٠ هاديه مره وتحب الرسم والتصوير والقهوه
عائلة البطله :
البطله : ميرال عمرها ١٩ سنه ملقوفه وتموت على الورق عنب
وتحب الاطفال مره بس الهادين ومغرورة عند الي تكرههم بس
ابوها : محمد عمره ٥٤ يحب بناته مره ومو مره اغنياء يعني شوي
امها : حصة عمرها ٤٣ صديقة بدرية ( ام البطل ) من الطفوله
ليان : عمرها ١٧ مجنونه اكثر من ميرال وتلعب مع ورعان الجيران دايم
( بتخفضون اساميهم مع الوقت)
في قصر عبدالرحمن الجالي..
حنان بصراخ : الله ياخذك ماتشوفين
منى : اقول انطمي امي تقول تعالي الغدا بسرعه برد
حنان وهي تبكي قهر : مابي غدا انقلعي عني..
منى طلعت وصفقت الباب بقوه
بدرية : وين اختك بسرعه
منى وهي تجلس بالكرسي : تبكي فوق ماتبي غدا
عبدالرحمن : وشو له تبكي؟؟.
منى : على رسمتها كبيت القهوه عليها بالغلط
فيصل بحدة : وانتي كل حياتك بالغلط؟
منى : اي للاسف !
بدرية : خلاص سمو بالله وكلو
جالسة تغني وترتب البيت ابوها : يازين بنتي السنعه اي كذا لاتتعبون امك
ميرال ابتسمت : ولا يهمك يالامير ماراح نتعبها
ليان تصرخ وهي بالمطبخ : ايه طال عمرك مدح فيها وانا لا
