خرجوا وعيط يوسف على لفقيه ايوب
يوسف : فينك اصاحبي غابر
ايوب : مات بات هاجر
يوسف اشر ليهم يركبوا فلوطو وبعد كيهدر: شكون هاجر
ايوب : مرتي
يوسف طلع حاجبوا : مرتك!
ايوب : بنت كارية عندي مات باها هادي خمس ايام وعمها كان ناوي يزوجها لولدو
يوسف : ودخلتي!
ايوب : تماما
يوسف : ومبروك اسي لفقيه واخا معارف شكون هادي وامتا كريتي ليها! جي شرحليا
ايوب : راني قريب نوصل لدار شدينا طريق صباح
يوسف : انتسناك اتمشي معانا
ايوب : عيان اصاحبي بطريق وعاد معايا هاجر وختها
يوسف : صاف معليش تلاح تالغدا
ايوب : ضروري مبروك لله يكمل بالخير
يوسف : امين اسي فقيه خخ وضحكوا بزوج بحدهم لعارفين علاش وقطع ايوب وركب يوسف فلوطو حدا مو وميرنا ونرجس لور ومينة وياسين فلوطو لخرا
تحركوا من درب دازت دقائق وقفت لوطو ايوب نزل ونزلت معاه هاجر وهبطت ختها
هز ايوب سيكان وطلعوا لدار لفين كانت هاجر حل ليهم باب ودخلوا
ايوب: مهم رتاحوا شنو بغيتو نجيب ليكم تغداو
هاجر بصوت عيان : معليش انصاوب بليكاين
ايوب : غير رتاحي وشاف فختها سمية... اجي معايا
سمية شافت فختها : و واخا انسيبي
خرجت سمية وايوب وبقات هاجر كتبدل
لتحت عند سمية وايوب هابطين مع دروج : شنو بغيتو تاكلوا
سمية كضور فعينيها نيت قاتلها جوع و زاعمة على ختها هيا كدوي ولي ليها ليها: عرفتي جات فرصة ناكول بيتزا هارت عفك عفك انسيبي كنشوفها غير فاشهارات زي الوان
ايوب ضحك : واخا زيدي ولكن انتعطلوا حينت مكتباعش هنا
سمية بمزاح كضحك: ونتا سولتيني انسيبي اش بغيت قلت ليك اش بغيت ياخدوليا اش بغيت ياخود ليا اشنو بيغييتي نتا مهم نعمروا كريشة
ايوب مبتاسم: واخا الالة
خرجوا ركبت حداه فلوطو وكسيرا لمدينة
وبقات هاجر جالسة كتفكر كفاش حياتها تقلبت جات لكازا تقرا وتخدم على راسها صدقت بين ليلة ونهارها مزوجة
وتكت على مخدة كتفكر شنو واقع
فلاش باك قبل 5 أيام ♣️🥂
وقفت لوطو قدام دار هاجر لكانت فعروبية ونزل منها ايوب وهاجر لكانت كتشوف شي كيبكي شي كينصب الخيمة ضورات راسها فاش سمعت صوت لبكا تاع ختها سمية لكانوا ضيرين بيها لبنات كيصبروا فيها
هاجر رجليها فشلوا عليها تطاحت للرض مخرجةعينيها كدوي بشوية: لالالالالا
تجا عندها ولد عمها شادها تناضت: براكة فراسك من جيهت عمي واش يالله جيتي!
ايوب على شوفات دار فيه جابلله مشافوا حد ومسح على وجهوا كيلعن شيطان لمشا تغار مغيعرف لاموت لا زمر
هاجر كتعاود ليها فوذنيها جملة "براكة فراسك " تستوعبتها وهيا تغوت تبح صوتها : بااا
وطاحت فشلانة كتبكي بحرقة ايوب دفع ولد عمها لسميتو سيف الدين :هاجر هاجر
هاجر كتغوت وتبكي تجرها ايوب عندو وهاجر خشات وجهها فعنقو كتبكي بحرقة
أنت تقرأ
طليقة الثعلب ( مكتملة)
Romanceقصة مختلفة ماشي كيسر هدا ولا فرعون .. تؤتؤ هادا الثعلب لغيمتالك حوثة ديالو صحة بزز منها لي ليلة واحدة فقط وغتكون طليقتو ماشي ااي طليقة #طليقة_الثعلب قصة ماتكونش طويلة وهيا قصة واقعية بطل بزناز بنكهة هوسية سافلة لا ينصح تتبعها من طرف جمهور الناشىء
