تتمة بارت ...
خرجوا لبنات من عند كوافورة نقصوا من داكشي وتاجهوا عند دراري ومينة عاودات ليهم شغال يوسف لفاتي وبدأت ميرنا كضحك فاتي مكنش رضات يقمعها يوسف وطلعت لوطو لور وركبوا فلوطوا وتوجهوا لدرب
مشاو لبنات دار لبسوا ققطانهم وتوجهوا لدار عرس كانت حفلة حنة دخلوا بنات باركوا وجلسوا ضاحكين ناشطين وبداو كيعيطيو لبنات لبعضياتهم لبندير وكولا وحدة كتغني توصلت نوبة عند ميرنا
ميرنا حشمت وبغات تعطي بندير لمينة لحداها
مينة: عفكي غير غني نتي عندك اصلا صوت
ميرنا شدت بندير وحنحنت : واخا واخا
ميرنا بدات كتغني وتعالت أصوات بندير وموسيقى بعد مقالت اشنو غتغني: 🎶خارجة ودايراا ايديا فاديه🎶🎵
البنات كيغنيو وراها: ولحبيب ديالي
ميرنا كتغني ضاحكة وتشطح بكتافها : وجاية ودايرة ايديا فايديه
لبنات وراها: وغزال ديالي
ميرنا: وخايفا لبنات يطمعوا فيه
البنات: ودادا حياني
بدات سمية كتغني معاها : والله منفوتو ولا نساه
مينة مع لبنات: وهدااك عشيري
ميرنا: فين مكان نكون معاه ...
وبقاو عيالات مقصرين بضحك ونشاط والثعالب كانوا لتحت كانوا تعشاو
يوسف سمعها كتغني: هاشيخات تاني !!
ياسين : اميك ميك
هبطوا لبنات وقفوا قدام باب مع رجالتهم كيهدرو كيستعدوا باش يمشيو تبداو يسمعوا من واحد مرا مراكشية هدرتها بداو لبنات يضحكوا
مرا كتعيط على ولد عزي من دوك لكيتسخرو لرجال: اداك قلواني اجي هنا
ودري عزي ممسوقش ليها مصحبش ليه كتعيط ليه الثعلب شاف فلمرا وشافها فين كتشوف عرفها كتعيط لدري وبدا كيعيط عليه بلعزي زعما باش تاهية تبدا تعيط ليه بعزي ساعة لمراكشية متسوقتش للثعلب مكاين غير لقلواني
الثعالب حابسين ضحكة وميرنا وسمية تفرشخوا بضحك خصوصًا ميرنا لشدات كرشها لضراتها بضحك وكتشوف فالثعلب كيف معصب مع مرا تقول عزي وهيا ممسواقش ليه
المرا: اداك قلواني بيت ليك حكة لما اجي
جر أيوب هاجر وسمية لفشلت ليه بضحك وميرنا والثعلب بعد مقال لمرا ديك كلمة راه عايب مشا كولا لدارو ينعس ..
أصبحنا لله وأصبح ملك له ..
سمية كانت فقيسمها متبعة عادي تصونات ساعة ديال 12 وخرجت وقفوا عليها لبنات كيقراو معاها شادين ريبي وكيكة وعاطتها واحد لبنت ريبي وكيكة : هاكي
أنت تقرأ
طليقة الثعلب ( مكتملة)
Romanceقصة مختلفة ماشي كيسر هدا ولا فرعون .. تؤتؤ هادا الثعلب لغيمتالك حوثة ديالو صحة بزز منها لي ليلة واحدة فقط وغتكون طليقتو ماشي ااي طليقة #طليقة_الثعلب قصة ماتكونش طويلة وهيا قصة واقعية بطل بزناز بنكهة هوسية سافلة لا ينصح تتبعها من طرف جمهور الناشىء
