فاتنه وسط الصعيد

43

انتهي العشاء  وتوجه حمزه  ومراد للجلوس في الحديقه  وبعد التظبيط بين صقر والبقيه اخلوا له الجو ليتحدث معهم
خرج كانوا يجلسون في صمت الي ان قطعه حمزه الذي قال

حمزه: بتحبها  يا صقر

صقر: اكيد ولا مكنتش طلبت اتجوزها  وانا كنت رافض فكره الجواز نهائي

نظر حمزه لمراد وكانه ياخذ رايه في شي ليقول واخيرا

حمزه:  وانا ايه الي ضمني ان انت بتتكلم بجد ما ممكن تقول كدا علشان تتجوزها وبعد كدا تكون واخدها لمجرد انها حاجه جديده مشفتهاش قبل كدا

صقر: اعمل ايه او ايه الي انت عايزه علشان توافق جوزهالي

مال حمزه علي مراد وظلوا يتهامسون لفتره ثم نظروا الي صقر نظره اقلقته منهم

حمزه بتنهيده : بص احنا مبدايا موافقين

صقر بسعاده :  اخيرا وافقتوا وهتتجوزها  اوف

مراد باستنكار : تتجوز مين يا اخويا  دا مجرد موافقه علي الخطوبه وفي الفتره دي احنا نقرر اذا كنا موافقين علي جوازك منها ولا لا

صقر: نعم

حمزه بغيره : اه ومش هتتكلم معاها الا قدامنا ومفيش قعاد لوحدكم  ولا اوصلها ولا كلام في التلفون ولا اي حاجه من الكلام الفارغ دا

مراد بغيره : اه ولو لمحتك قريب منها في مسافه اقل من 3 متر سوا واقفين هلغي الجوازه

حمزه بغيره: ولو سمعت مجرد سماع انك قلتلها مجرد كلمه من كلامك السافل الي كنت بتقولهولها النهارده علي السلم اعتبر الجوازه ملغاه

مراد: امر مهم كمان الخاتم بتاع الخطوبه انا او حمزه الي هنلبسهولها مش انت 

حمزه: ومتفكرش انك هتتحكم فيها وتقول تلبس ايه ومتلبسش ايه هي حره

مراد: ولو مره لمحتك بس متعصب عليها وصوتك علي هزعلك بالقوي  واااه شغلها براحتها متتكلمش عليه

حمزه وهوا ينظر لمراد: اظن كدا مفيش حاجه تاني ولو افتكرنا حاجه نبقي نبلغك

كان صقر ينظر لها وكانهم تنين ذو راسين وعيناه تكاد تخرج من مكانها  ليتحدث بصدمه

صقر بصدمه: وليه دا كلوا متخلوها جمبكم احسن دا هي وبنت عمي احسن من خطيبتي

حمزه بفرحه: الحمد لله بركه انهاجات منك مجتش مننا احنا قولنا نديك فرصه وانت الي رفضت يلا الحمد لله

صقر بسرعه: استني بس رفضت ايه لا موافق طبعا  انتوا بتتلككوا ولا ايه

حمزه: ليه كدا ما انت كنت  ظبطت وخلاص الموضوع كان هيخلص

صقر: والله انتوا فظيعين انا ماشي وبكرا نتفق علي معاد الخطوبه ومشي وهوا بيكلم نفسوا  وبيشتم ويسب ويلعن في مراد وحمزه الاتنين دخل وكان طالع الي اوضته والشباب لما شافوا حالوا دا طلعوا وراه