بعد العشاء البنات صلوا و قرروا يرتاحوا شويه و يكملوا و يحتفلوا مع بعض شويه فقعدوا في غرفه فاتنه الي كانت قالت ل مريم علشان تنظفها
رغد: ااه كان يوم صعب و مرهق طول اليوم البس دا و اقلع دا و غنا و رقص و دوشه
دينا: بس متنكريش انه ليه فرحه خاصه
رغد: فعلا يوم حلو و احساس احلي بكتير بس برضوا كل اما افتكر ان بكرا الفرح يبقي هموت من التوتر و الخوف
نور: ايه ليه دا كله
رغد: اوف احساس التوتر و الخوف بيسيطر عليكي بسبب انك داخله علي حياه جديده و شخص تعيشي معاه و مش عارفه هيبقي عامل ازاي و دا كله طبعا غير ليله بكرا
نادين: لا اهدي خالص كدا و متوتريش نفسك ابدا الحوار مش مستاهل دا كله ليله زي اي ليله و هتعدي عادي و ان شاء الله بكرا هيعدي علي خير و لا ايه يا فاتنه
فاتنه: باذن الله فعلا هيعدي علي خير المهم هنعمل ايه بقا لاني بجد تعبانه و. مصدعه
صوفي: متقلقيش هنسهر شويه مع بعض وبعد كدا نامي براحتك بس لازم نفرفش كدا و نسهر سهره حلوه و نرقصك يا عروسه
حبيبه: فعلا احنا عايزين نشوف رقصك زي ما وعدتينا
فاتنه: تمام نسهر بس تعالوا الاول ننزل علشان نشوف الضيوف و بعدها براحتنا
نزلوا تحت مع بعضهم
سيده اهي فاتنه جات اهي و هتشوف حل في كلامكم دا
فاتنه باستغراب: خير في ايه
فتون: الجماعه عايزين يمشوا يرجعوا الفندق والوقت لسه بدري قوي قوي
احد المعازيم: احنا هنا من الصبح بدري اوي و اليوم كان في حاجات كتير و متعب و عايزين نرتاح علشان نبقي بكامل نشاطنا ليوم بكرا
اكد علي كلام السيده عدد كبير من النساء المعازيم
فاتنه: تمام يا جماعه معاكم حق هبعت ل معتصم يجهزلكم العربيات بس بكرا تبقوا هنا من بدري بعون الله
سيده: شوف البت دا بدل ما تقوليلهم افضلوا معانا شويه
فاتنه: يا تيتا يا حبيبتي الناس تعبت اوي معانا النهارده و متنسيش انهم يا دوب وصلوا النهارده قبل الفجر فسيبيهم يرتاحوا علشان يعرفوا يبقوا معانا بكرا
كوثر: فاتنه معاها حق يرتاحوا و نسهر بكرا علي راحتنا
فعلا تم تجهيز العربيات و الناس بدات تمشي وفاتنه واقفه معاهم لغايه ما مشيوا كلهم و العيله دخلت البيت وقعدوا شويه مع بعض
ياسمين: مش يلا يا بنات ولا ايه
تغريد: علي فين يا ياسمين يا حبيبتي
ياسمين: نهيص لفاتنه و رغد شويه مع بعض فوق و هنعمل زي حنا تانيه نلبس فيها براحتنا و نرقص و نعمل الي عايزينه
أنت تقرأ
فاتنه وسط الصعيد
Ficção Geralفتاه فتنه متحركه علي الارض ولدت وتربت وترعرعت في بلاد المغرب يأتي الوقت وتكتشف ان عائله ابيها ليسوا عائلتها وفي ليله وضحاها تعرف انها من عائله كبيره في صعيد مصر فما سوف يحدث لتلك الجميله