حنين: مش موافقة نعمل خطوبة ملهاش لزمة تكون عائلية هنا بس كده
محمود: يا شيخة منك لله وقعتي قلبي
حنين بخبث: ولسه
فهد بضحك: خلاص يا جماعة انا بقترح تكون الاجازة الجاية ايه رأيكوا؟
سامي: حلو جدا
حسن: اتفقنا نقرا الفاتحه
قرأوا الفاتحه ومحمود بيغمز لحنين وهي مش معبراه خالص وياسمين لاحظت كده وحاولت تلطف الجو
ياسمين: انا بقول نسيب العرسان لوحدهم بقا شوية
محمود: يا شيخة ربنا يكرمك والله الناس اللي عندها زوق وبتفهم
ياسمين بضحك: ربنا يخليك
اميرة: يلا بينا نسيبهم مع بعض شوية
عند عمر واسيل بيتكلموا في الفون
اسيل: انا مبسوطة اوي بجد ربنا يباركله محمود صاحبك
عمر: محمود دا داهية اهو رايح يتنيل يخطب انهارده
اسيل: ربنا يجعلها وش السعد عليه
عمر: يارب المهم وحشتيني
اسيل بخجل: وانت كمان وحشتني اوي
عمر: مش مصدق ان اخير بعد يومين بس هتكوني خطيبتي عقبال ما تنوري بيتي
اسيل بخجل: ان شاء الله
عمر: وبعدين في كسوفك ده
اسيل: اعمل ايه بس
عمر: مش مهم كل دا هيزول مع الوقت
اسيل: ان شاء الله
محمود: الجو خلي بينا يا جميل
حنين: اه ايه يعني
محمود: انتي بتكلميني بجعفر اللي جواكي ده ليه
حنين: هو كده واذا كان عاجبك
محمود بخبث: عاجبني يا ملبن انت عاجبني
حنين: احترم نفسك
محمود: هو انا قولت حاجة والله محترم ع الاخر
حنين: واضح
محمود: انا زعلان منك
حنين: انت اللي زعلان كمان
محمود: ايه الميكب الاوڤر اللي انتي حطاه ده
حنين: وانت مالك اصلا
محمود: استغفر الله العظيم هقوم اظرفك قلمين يعدلوكي
حنين: نعم
ياسمين دخلت عليهم بالكيك: شششش اهدوا ايه بدأتوها بخناق كده ع طول
محمود: بتقولي شكل للبيع
حنين: انا بردو
ياسمين: صلوا ع النبي كده
محمود وحنين: عليه الصلاة والسلام
ياسمين: اهدوا بقا ومتتخانقوش احنا المفروض في مناسبة حلوة🙂
محمود: قوليلها
حنين: استغفر الله العظيم
ياسمين بضحك: مفيش فايدة بعد اذنكوا
محمود بجد: خلاص هنتكلم جد شوية قولي اللي مزعلك
حنين: انا مش عاوزة اسيب شغلي انت عارف انا عملت ايه عشان اوصل للمكانة اللي انا فيها دي
محمود: طيب بالعقل كده هبقى في شغلي واجي اجازة ومراتي مسافرة وهي اللي تنزلي اجازات وترجع تاني
حنين: تسافر معايا
محمود: مستحيل بصي احنا ممكن نمسك العصاية من النص انقلي شغلك هنا وانا معنديش مانع تشتغلي
حنين: لا طبعا
محمود: شوفتي بقا انك بتعقدي الدنيا
حنين: انا
امنية بمقاطعة: يلا يا ولاد عشان تتعشوا
حنين: طيب
بعد ما اليوم خلص فهد وياسمين روحوا وياسمين بتجهز شنطة فهد عشان هيسافر الصبح ومش بيتكلموا من اخر مرة اتخانقوا فيها بسبب سليم
ياسمين : احطلك التيشيرت دا ولا لأ
فهد: اه حطيه
ياسمين: ع فكرة انا هروح اقعد عند ماما من بكرة لبعد خطوبة مروة
فهد بهدوء: ودا قررتيه لوحدك كده من غير ما تستأذنيني
ياسمين بلامبالاه: منا بقولك اهه
فهد وقف: بتقوليلي... يعني بتعرفيني انك هتعملي كده سواء وافقت او اتنيلت موافقتش صح؟ مليش لزمة يعني هو حضرتك مش عارفة الفرق بين تستأذني وتقولي ولا ايه
ياسمين ببرود: لا عارفة واه بقولك مش بستأذنك
فهد بحدة: ياسمين
ياسمين بخوف من صوته: نعم
فهد: ايه الطريقة اللي بتتكلمي بيها دي من امتى بتتكلمي بالوقاحة دي
ياسمين: انا وقحه؟
فهد: ايوة لما تتكلمي معايا بالشكل ده تبقي ايه.. عموما مفيش مرواح في مكان ومفيش خروج خالص احنا في اجازة ومفيش جامعة مفيش خروج نهائي والكلام انتهى
..شد منها شنطته وقفلها ودخل ينام
ياسمين بصدمة: منك لله يا مروة
فلاش باك
مروة: يا بت انتي خرعة كده ليه دا كريم مبيقدرش يقولي تلت التلاته كام عشان بيحبني وفهد بيعشقك اتدلعي عليه ومشي كلمتك دا ايه الهم ده
ياسمين: بس هو مش بيزعلني وبيوافق على اي حاجة انا عاوزاها
مروة: يا حبيبتي هييجي في وقت ويرفض عادي دا عشان انتي لسه في الاول بس لكن لو عودتيه ان هو اللي يتحكم يبقى ع الله السلامة
ياسمين: يعني اعمل ايه
مروة: لو عاوزة حاجة اعمليها ومتستأذنيش وعارضيه في اي حاجة مش ع مزاجك مش تحايليه هيتعود صدقيني
ياسمين: ماشي
بااااااك
ياسمين: اعمل ايه دلوقتي اكلمها ولا اعمل ايه لأ لو كلمتها هتقسيني عليه وهيعند اكتر اوووف منك لله
أنت تقرأ
محبوبة الفهد
Romanceيأخذ منك الله كل الأشياء الجميلة ليعطيك الأجمل فيما بعد فدائما تعويضات الله أجمل تستحق الإنتظار
