I.
Sa katahimikan ng paligid
Aking napag-isip-isip
Damdaming estrangherong
Bumabalot sa'king pagkatao
Katanungang nais mahanapan
Ng kasagutan
Akin kaya itong matatagpuan?
II.
Tuwing ika'y pagmamasdan
Mula sa malayo
Bakit kay saya nitong
Pakiramdam?
Ngunit kapag ikaw na
Ay napatingin,
Kakaibang pintig ng puso'y
Hindi maunawaan?
III.
Sa tuwing magkakalapit
Ay 'di mapakali,
Nalilito, naguguluhan,
Tila kiti-kiti.
Tama pa ba ang aking
Pakiramdam?
O, ako na ay nahihibang?
IV.
Kapag ika'y nakatitig
Na sa aki'y tanong ko'y;
Bakit tila mundo ko
Ay humihinto?
Oras at tila bumabagal
Pero pabilis ang tibok
Nitong aking puso?
V.
Ilan lang sa damdaming
nagpapagulo
Sa aking mundong
Sadyang gulong-gulo.
Ngunit kasiyahan tuwing kasama
Ka ay nararamdaman
Pag-amin nitong aking damdaming
Hindi ko maunawaan.