علاقات مشوهه للكاتبة فاطمه الألفي

الحكايه الثالثه " شجن "الفصل الثامن

بالفعل تم فسخ الخطبه وحاول عبدالرحمن ان يتودد اليها ثانيا ولكن رفضت شجن ، وبعد مرور ثلاث اعوام تزوجت شجن من رجل وسيم يكبرها بثلاث اعوام..

لم وصلت لعمر الثلاثين كنت محققه نجاح في شغلي واتعرفت علي زوجي الحالي ، حاتم شاب وسيم وكويس ومستواه المادي اقل مني بس ماكنش عندي اي مشكله ، كنت شيفاه شخص جامد ، راجل ، حبيت شخصيته الوهميه اللي اتخدعت فيها ..

اتقابلنا عن طريق اصدقاء مشتركه بينا ، اعجبت بيه فعلا وهو كمان دخل البيت وكلم بابي من قبل مايعرفني ، لم قالي بحبك كانت في بيت بابي ، كان بيكبر اوي في عنيه ، اتخطبنا ست شهور وقبلت بتنازلات كتير عن المستوي اللي عشت عمري كله فيه ، حتي بابي قالي ان ده راجل عاوز يبدء معاكي من الصفر ، وانا قولت ومالو نبدء من تحت الصفر كمان ماعنديش اي مشكله ، اتجوزنا في شقه صغيره ، كنت شيفاها قصر وجنه وهو معايا ، بدات في سلسله التنازلات بعد الجواز ، اولها مش حابب مراتي تشتغل وتكون في وسط الرجاله في الشركه وده يكلمك وده يبصلك ، قولت تمام انزل انت دير شغلي عشان حرام اقطع عيش ناس كتير بتشتغل معايا واخسر الشركه اللي فضلت اكبر فيها عشر سنين من عمري ومجهودي وحياتي .

سحبت شهيقا ثم زفرته بقوه وهي تقول : كنت واثقه فيه ثقه عمياء ، ماشيه وراه زي المغيبه ، قطعت علاقتي بكل صحباتي ، اهتمامي كان بيه وب بيتي وبعد كده ابني ، حملت علي طول في ابني كنان ، وحياتني مستقره ، كنت بعدي ليه مواقف كتير ، منها مثلا :.

- بابي تعبان هو يتحجج بالشغل وضغظ الشغل ، ماوقفش جنبي في وفات بابي ، اكتر حاجه وجعتني ودخلتني في حاله نفسيه سيئه جدا ، كنت حاسه ان هو مش معايا ، مش الايد الحنينه اللي مستنيه تطبطب ، ماكنش الحضن الدافي اللي ممكن يساع كل همومي ، ماكنش الايد اللي بتمسح دموعي ، كنت انا اللي بمسح دموعي وفوق من حاله حزني عشان خاطر ابني اللي محتاجني جنبه ، حاتم اتغير او مااتغيرش هو كده بس كان بيخدعني باسلوبه في الاول ، لم احبه واثق فيه هو بقي نجح يغير فيه كتير ، بعد ماكتت شخصيه قياديه في شغلي وفي حياتي ضعف شخصيتي ولاغاها مع الوقت ، وانا حياتي بتتسرسب قدام عنيه يوم ورا يوم

، هدم حلمها الذي طالما حلمت به وسعت من اجله ، ، اراد ان تكون زوجه وام فقط ، وافقته الرأي من اجل عائلتها الصغيره ، انجبت طفلها الاول " كنان " كرثت حياتها لبيتها زوجها وطفلها ، نست احلامها ، هدم طموحها بحجه غيرته الزائده عليها ، لم تسلم حياتهم من الشجار الدائم بسبب انشغاله عنها ،.

فوقت علي اكبر صدمه بعد سنتين جواز ، اكتشفت ان متجوز عليه وعايش معاها بفلوسي انا ، بيقولي مشغول والشركه فيها خساير كتير وعندنا ضغط شغل ، كل ده في الوقت اللي كان بيقضيه عند مراته التانيه واللي اكتشفت كمان ان متجوزها من اكتر من سنه وتحديدا في فتره تعبي النفسي بعد فقداني لوالدي ، بدل مايكون سندي وداعم ليه في الفتره اللي مريت بيها كان هو بيتجوز ، واللي ظهر ليه خيانته هي مراته نفسها ، بعتت ليه صور بينهم وصوره لعقد الجواز ، انهارت طبعا وقولت لازم اكون قويه واوجهه مش اسكت واسمع منه انا قصرت معاه في ايه عشان يتجوز عليه وفي بدايه حياتنا مع بعض ..