خلونا نبدأ🤍
كنت جالسه بغرفتي في امان الله فجأه يناديني اخوي بصوت عالي ما استغربت لان ذي عادته
مصلح بصراخ : ريييمممم رييممم!! وينك
ريم : هلا شفيك ليش تصارخ ؟!
مصلح : اسمعي انا بزوجك واحد
ريم : ومن هو ؟
مصلح : خويي رشاش
ريم : لا ما ابيه!
مصلح : انتِ مالك رأي الرأي رأيي انا! وبتتزوجينه غصب!
ريم : لا ماراح اخذه لو انه اخذ رجال بالدنيا ما اخذته!
مصلح بصراخ : وانا قلت مالك رأي تفهمين!!
*ريم* رحت ابكي عند امي
ريم : ماما ماما
ام ريم (ساره) : شفيك يبنتي وراك تبكين؟
ريم : يمه مصلح الكلب يبي يزوجني واحد انا ما ابيه
ابو ريم (سعود) : موب على كيفك يابنت الرأي رأيي انا واخوك وتراهم اليوم جايين يخطبونك تجهزي ولا تفشليني قدام الناس!
امي ضمتني وقالت : انا اسفه يا بنيتي بس مابيدي شئ
ضميتها ورحت لغرفتي جلست ابكي لما نمت قومتني امي
ساره : ريم ، ريم قومي
ريم : قمت قمت ..
ساره : يلا تجهزي بيجون يخطبونك
وطلعت..
جلست ابكي وبعدها استسلمت للأمر الواقع ورحت اتجهز
اي صح نسيت اعرفكم عن نفسي..
تعريف بسيط عني ، انا اسمي ريم عمري 23 سنه انا عفويه وطيبه واحب الخير للناس
نكمل
حطيت مكياج عادي جداً وبسيط مره وشعري تركته مفكوك و ويفي ولبست فستان احمر عادي
ونزلت لهم
*رشاش*
شفتها نازله بفستانها الاحمر وجمالها وشعرها وجسمها وعيونها الحلوه حرفيًا قتلتني بجمالها وجت وجلست قبالي كنت ملاحظ انها زعلانه او متضايقه وانا ادري انها مغصوبه بس انا ابيها!
*ريم*
كنت ابي اليوم ينتهي على خير وكنت احاول اني ما اتزوجه قد ما اقدر
سعود (ابو ريم) : خلونا نتركهم لحالهم يتفاهمون
ريم : لا يا بابا ما يحتاج
قرب ابوي عندي وقالي : اصص لا تفشلينا
مسكت يده وقلت : تكفى يا بابا لا تخليني ما ابيه
سعود : اقول أسكتي بس
وتركني و راح
كنت متوتره مره ونزلت راسي حسيت فيه جلست جنبي
وقال : ادري انك مغصوبه علي وحتى انا مغصوب عليك بس وش نسوي عشان اهلنا
رفعت راسي وناضرت فيه وقلت : وانت ماعندك شخصيه اهلك يتحكمون فيك؟ منت رجال؟ كل هالشنب واهلك يقولون لك وش تسوي بحياتك!
رشاش : احترمي نفسك عاد! عطيتك اكبر من حجمك وانا ماني مغصوب عليك وباخذ برضاك والا غصبٍ عنك فاهمه!
دخل ابوي وقال : شفيكم صوتكم واصل برا!
استغليت الفرصه ورحت ابكي عند ابوي وقلت : بابا شفت كيف يصرخ علي اذا ذي اولها ينعاف تاليها
ضمني ابوي وقال : صدق يارشاش؟
رشاش : انا اسفه يا عمي بس هي استفزتني!
سعود (ابو ريم) : لا عاد تعيدها والا بتشوف شئ ماراح يعجبك فاهم!
رشاش : ابشر
ريم في نفسها : مسيطره همشيك مسطره هههههههه
الكاتبه : وربي امزح😭😭😭
المهم نكمل
طلعت لساني ورفعت حواجبي عشان اقهره وطلعت قلت بنفسي وانا مستانسه
الحمدلله الحين بيكرهني وماراح يتزوجني هههههههه ورحت لغرفتي بدلت ملابسي وكنت مره مبسوطه على اساس ماراح يرجع عشان يخطبني
*بعد 5 ايام*
دخلت امي علي وقالت : يلا يابنتي البسي وتجهزي
ريم : ليش ؟
ساره (ام ريم) : ما تدرين؟ اليوم ملكتك
ريم : ايش!! كيف كذا وليش ماعلمتوني
ساره : تجهزي واطلعي لا يعصب ابوك واخوك بسرعه
وطلعت ، انصدمت كيف كذا! كنت احسب انه كرهني وماراح يرجع!
المهم قمت وتجهزت ولبست فستان اسود وشعري ربطته فوق ومكياجي عادي جدًا بسيط ونزلت
قال رشاش لأبوي : ياعم العرس الاسبوع الجاي ونبيه عائلي بس اخذ عروستي ونروح
ورد عليه ابوي : تم اللي تشوفه يا ولدي
قمت وقلت بسرعه : لا توني مايمديني استعد في اسبوع!
وبعد لازم اتعرف عليه والا اتزوج واحد ما اعرفه!
رد علي ابوي : عيب وش اتعرف عليه هذا مو من عاداتنا وتقاليدنا!
قلت : طيب ابي اكمل دراستي!
سعود : هذا راجع لزوجك اذا بيخليك تدرسين بتدرسين
رشاش : لا مافي دراسه ابيها تجلس فالبيت تخذم زوجها وعيالها
انصدمت من كلامه مره لان اخوي على انه عصبي مره ومهتم للعادات والتقاليد الا انه ما منعني من الدراسه وقلت وانا في صدمه ماني مستوعبه اللي اقوله : وربي لأنحاش ولا اتزوجك
رد ابوي وقال : بنت! عيب استحي على وجهك واحترمي زوجك رديت على ابوي : زرجي يحترمني بالاول عشان احترمه!
قالي ابوي : يابنت ادخلي بسرعه!
دخلت وعلى طول توجهت لأمي
ريم : ماما ماما
ساره : بسم الله عليك يبنتي شفيك؟
ريم : ماما ماراح يخليني اكمل دراستي تخيلي!
ساره : والله يابنتي مابيدي شئ اسويه اصبري وتحملي
فقدت الامل ورحت لغرفتي وجلست ابكي بعدها بخمس دقايق جت امي وقالت : يلا يا بنتي الملاك جاء
هنا جد فقدت الامل قلت الحين شسوي مقدر انحاش ولا ابي اتزوجه واستسلمت للأمر الواقع وتزوجنا
ورجعت لغرفتي وجلست ابكي وابكي لما نمت
قمت الصباح ودخل علي اخوي وقالي : يلا قومي بوديكم السوق انتِ وامي
ريم : ليش؟ ما احتاج السوق
مصلح : عشان بنجيب اغراض لعرسك!
ريم : العرس بعد اسبوع يمدي عليه!
مصلح : لا بعد 4 ايام ما تدرين؟
ريم : ايش؟؟ تستهبللللل مابي للحين ما استعديت!
مصلح : مالي دخل
ريم : اعطيني رقم جواله طيب برسل له
اخذت رقم جواله وارسلت له :
me : السلام عليكم معك ريم
رشاش : هلا والله بزوجتي وش بغيتي؟
رشاش : شكلك اشتقتي لي
me : اقول لا تصدق نفسك بس
me : اسمع تكفى اجل العرس انا مو مستعده نفسيًا خله اقل شئ بعد اسبوعين!
رشاش : ما اقدر والله ابوك هو اللي حدده
me : كذاب ادري انه كله من تحت راسك بس مو مشكله بتندم انك تزوجتني صدقني
رشاش : زين هههههههه
me : وتضحك بعد! ابلغ بلوك
( بلوك )
ريم في نفسها : اوفف الله ياخذه وربي لاخليه يندم على اليوم اللي عرفني فيه
تتوقعون وش بتسوي ريم ؟
(تبون البارت اليوم والا بكره؟ )
