نكمل ...
رجعت الغرفه وانسدحت دخل رشاش الغرفه وسويت نفسي نايمه طالع فيني وشافني نايمه وراح عند الدريشه قعد يدخن واتصل عليه واحد كنت ما اسمع زين لانه مقصر صوته بس سمعته يقول للي يكلمه : جهز الفلوس وانا بجيك الحين ماكنت ادري وش السالفه بعدها جاء واخذ شنطه سوداء من تحت السرير وطلع
انا هنا جاني فضول وين بيروح ومن ذا الشخص اللي كلمه بالجوال و رحت عشان اراقبه و ركبت بالسياره ورى من دون ما يحس علي وتخبيت وصل لمكان شبه مهجور ونزل ونزلت وراه وكان فيه غرفه ويكلم واحد كان معطيني ظهره يعني ماشفت وجهه سمعته يقول : ها جهزت اللي قلت لك عليه؟ رد عليه رشاش : اي ، والفلوس كامله؟ قال : اي وفتح الشنطه وانا هنا شفت مخدرات شهقت والتفت علي الشخص الغريب و وجه سلاحه علي ومسكني وحط السلاح براسي وانا ارتجف وخايفه وقال : مو قلت لك يارشاش لا تجيب احد معك والا بتندم!
رشاش : انتِ وش جابك!
الشخص : من انتِ وليش جايه؟ ومن جاي معك؟
ما كنت ادري وش اقول كلجت وقلت : محد جاي معي بس انا
الشخص : ومن انتِ؟
رشاش : ذي زوجتي خلها ياخالد مالها دخل هي
تكلمت وقلت : تكفى خلني والله ماراح اقول لأحد
*رشاش*
كنت انتظر اللحظه اللي يلهى فيها (يعني ينْشغل عني) واطلع سلاحي وارميه وفعلًا اول ما انشغل عني طلعت سلاحي ورميته بفخذه و هو رماني بيدي ( بالكتف )
*ريم*
انصدمت وخفت مره على طول توجهت لرشاش واخذته ورحنا السياره قلت : رشاش انت تنزف لازم نروح المستشفى قال: لا مايحتاج روحي البيت قلت: بس انت.. قاطعني وقال : سوي اللي اقولك عليه
ورجعنا للبيت
نِزلت من السياره ونَزلت رشاش وخليته يستند علي قال : انتِ وش جابك هناك وكيف جيتي؟
قلت : انت غريب اطوار جالس تنزف وتسألني وش جابني؟
رشاش : اي اسألك لو اطلق عليك ومتي؟
ريم : تطمن ما اطلق علي ولا مت خلاص
رحت وجبت الاسعافات الاوليه
وجلست جنبه قلت وانا ماسكه دموعي : ماعرف اطلع الرصاصه تكفى خلنا نروح للمستشفى
رشاش : سوي اللي اقولك عليه كلمه كلمه ولا تتوترين بتطلعين الرصاصه انتِ
ريم : تمام
وبدأ يقولها وش تسوي وهي تنفذ لين ما طلعت الرصاصه
وضمّدت الجرح ونام
*الصباح*
قمت ولقيته لسى نايم وجلست اتأمله كان بريئ وابتسمت
(اتمنى اعجبكم البارت ذا واسفه عالتأخير بس تعرفون اختبارات وكذا وادعوا لي والله يوفقكم وان شاء الله بعوضكم بكم بارت) + اذا سويت روايه جديده بخليها كامله مو بارتات عشان ما اطول عليكم🤍
