حبيت ممثل

شخصيه جديده.

اول شي انا مره مره اسفه على السحبه
لكن عندي اشياء مره كثير لازم اخلصها اول شي رواية فجر وبعدها عندي تصميم مره اخذ مني وقت وللحين ما خلصته
المهم ما راح اطول عليكم اكثر يلا نبدا :
-تذكير-
لمار:لو كان فلم رومنسي وش بيصير؟
عبدالرحمن:بتصير اشياء للكبار ما تصلح لك
لمار استحت وقالت:وش شايفني بزر؟
عبدالرحمن:لو انك كبيره ما استحيتي
لمار:خلاص مال...
قاطعهم فايز
فايز بصوت عالي:مو ناوين تسكتون نبي نشوف الفلم
قامت وجد وتلفتت يمين ويسار
وجد:يمه وين انا مين انت
فايز:انا القاها منهم ولا منك؟
وجد:يا الله راحت علي نومه
فايز:بالله ذي وجوه ناس تشوف افلام؟
وجد:اسكت بكمل نوم
قاطعهم صوت اتصال
لمار...
كنت اشوف الفلم وانا ساحبه على الي يتهاوشون وراي
قاطعني جوالي يبرق معلن على اتصال احد
قلبته وشفت الاسم
لمار:(شهقة)يمه
^نرجع بالزمن شوي^
...يوم طلعت لمار من الشباك...
كانوا اهلها جالسين في الصاله يسولفون
فجأه سمعوا صوت سياره
قام اخو لمار خلينا نسميه خالد
قام خالد وراح لغرفة لمار
طق الباب
خالد:لمار
طقه مره ثانيه لكن ذي المره بقوه
خالد:لمار افتحي الباب واطلعي الحين
هدوء ومافيه اي رد
رجع لورا
خطوه خطوتين ثلاث خطوت
ركض لقدام ورفس الباب برجله
انكسر الباب وبدا يركض في الغرفه زي المجنون
ما فيه احد
ركض للحمام فتحه ما فيه احد
شاف الشباك مفتوح
ضرب الجدار
خالد:انا اوريك هذي نهاية تربيتنا فيك
طلع جواله ودق عليها
...نكمل وش صار للمار...
لمار...
رميت الجوال بخوف
عبدالرحمن:وش فيك انهبلتي؟
لمار:ذ..ذ.ا..ا.خ..وو..ي
(ذا اخوي)
عبدالرحمن:طيب وش فيه؟
لمار راحت لكرسي وجد
لمار برجفة خوف تحاول تصحي وجد :و..ج..د...تت..ك..في..ن..ق..و...م..ي
(وجد تكفين قومي)
فايز:وش فيك تصحينها؟
لمار بكت وراحت للكرسي حقها
لمار:عبد(شهقة)الرحمن
عبدالرحمن بخوف عليها:وش فيك ليه تبكين؟
لمار:عبد(شهقة)الرحمن(شهقة)اننا(شهقة)بموت
عبدالرحمن:بسم الله عليك ما فيك الا العافيه
لمار:خالد(شهقه)بيذبحني(شهقة)
وجد..
كنت نايمه مرتاحه
الا واسمع صوت شهقات
قمت خايفه
شفت لمار تبكي وشعرها مغطي وجهها
وعبدالرحمن يحاول يهديها
^في مكان ثاني^
خالد:انا اوريك
راح للسناب حقها وشاف موقعها
ابستم بانتصار وطلع من البيت
راح لسيارته ركب
وبدا يسوق بتهور
على سرعة 175
ما همه اي شي
ساهر اللي ما بقى صوره ما صورها
او المخالفات اللي جالسه تملي اشعارات جواله
اهم شي يوصل لأخته ويأدبها

يتبع...