الدكتوره بأستغراب : طفل؟؟ المدام اصلاً مش حامل!!
حسام وحسناء بصدمه : نعممم؟؟؟؟
حسناء بغضب : بتكذبي علينا يا إيمان أنا همو*تك وا
حسام بزعيق : برا
حسناء بصدمه : اي؟؟
حسام بزعيق :قولت برا
وانتِ يا دكتوره برا كمان عايز اتكلم مع إيمان لوحدنا يلا برااااا من الشقه خالص
خرجت حسناء من الشقه ومعاها الدكتوره
في اوضه إيمان
قامت إيمان بسرعه من علي السرير وجريت علي اخر الاوضه وخايفه من منظر حسام اللي وشه بقا أحمر من الغضب
إيمان ببكاء : حسام أنا
حسام بزعيق : ليه عملتي كده أنا فرحت لما عرفت انك حامل، ليه تكذبي عليا كذبه زي دي
أنا انا كنت خلاص بفكر يا ترى ولد ولا بنت وروحت ادور علي شغل تاني جمب شغلي عشان مصاريف الولاده واخر الشهر بفلوس المرتب كنت هجيب لبس بنت عشان كان نفسي في بنوته شبهك وكنت هروح احجزلك عند دكتوره عشان تتابع معاكي الحمل، امي قالت انك بتكذبي ولازم نتأكد من حملك ولكن انا قولتلها إيمان عمرها ما تكذب يا أمي دي بنت أصول ومتربيه
ليه عملتي كده انطقي؟!!!
إيمان ببكاء : أنا مش ندمانه من اللي عملته أنا عيشت أسوأ سنتين في حياتي ضرب وذل واهانه من حماتي وكنت بسكت وبكتم جوايا وبقول اسكتي يا إيمان ما تخربيش بين الراجل وأمه ولكن خلاص زهقت وقرفت، فضلت اقول لنفسي أصبري اصبري ربنا هيعوضك ، بس خلاص مش قادره استحمل اكتر من كده انا ما كذبتش غير لما عرفت انك هتخطب وهتتجوز من ورايا!!، أنا مش همنعك تتجوز ده حقك بس
طلقني طلقني يا حسام
حسام ببرود : انتِ طالق طالق طالق بالتلاته
الحلقه كده خلصت انا عارفه انها صغيره بس الحلقه الاخيره هتنزل كمان شويه وهتكون كبيره اوي
عايزه اعرف انتوا مع مين إيمان ولا مع حسام ومامته؟؟
#الاء_فرج
#سلسله_حواديت_حكايتي
#كدبه_إيمان
أنت تقرأ
سلسله_حواديت_حكايتي
Short Storyكل خمس حلقات قصه جديده بأسماء مختلفه بحكايه مختلفه منهم اللي نهايته حزينه ومنهم اللي نهايته سعيده كلهم قصه بتحكي عن الواقع اللي بيحصل على بعض من خيال
