سلسله_حواديت_حكايتي

الحلقه الاولى #الزوجه_التانيه

_ أنا هتجوز عليكي
عيني دمعت : ليه يا صالح؟

زعق : مزاجي والشرع محلل أربعه وبعدين انا زهقت وقرفت منك وانا اصلاً بحب بنت عمي وانتِ عارفه ان جوازنا كان غصب
عيطت : حرام عليك بتعمل معايا كده ليه؟!!

=أنا زهقت وعايز عيال نفسي اكون اب وانتِ مش بتخلفي

=حرام عليك ده رزق من ربنا احنا لسه متجوزين بقالنا سنه اصبر شويه هتعالج وهخلف إن شاء الله

= ششش انا هتجوز ومراتى هتيجي تعيش معايا هنا وما فيش طلاق وغوري علي جوا امشي من وشي

دخلت اوضتي وفضلت اعيط..... من كتر العياط نمت في مكاني وصحيت تاني يوم الصبح لقيت صاحبتي بترن عليا

_الو يا صفاء صباح الخير

صفاء : الحمد لله كويسه... أي ده ماله صوتك؟!!

عيطت : صالح هيتجوز عليا بنت عمه اللي بيحبها من زمان

صفاء بغضب : ده ما عندوش د*م قولتلك قبل كده اطلقي منه وضر**بك اكتر من مره وانتِ لسه علي ذمته اي اللي مخليكي صابره علي كل ده؟!!

عيطت :طب اعمل اي

=.................

اتكلمت بصدمه : لأ طبعا عمري ما اعمل كده

= اسمعي الكلام وهو لما يعرف مش هيتجوز عليكي

قفلت بسرعه المكالمه في وشها مستحيل اعمل اللي بتقول عليه

روحت عملت الاكل ودخلت اوضتي اتفرج علي التليفزون وكل شويه ابص في الساعه صالح اتأخر كده ليه؟!!، صاحبتي رنت اكتر من مره ولكن ما ردتش عليها

سمعت صوت برا قفلت التليفزون بسرعه وخرجت لقيت صالح ومعاه بنت عمه ولابسه فستان ابيض!! ، حطيت أيدي على قلبي بوجع ده اتجوز

اتكلمت وعيني مليانه دموع :صالح انتَ اتجوزت عليا؟ ليه كده

اتكلمت بنت عمه بسخريه : اتجوز عليكي عشان مش بتخلفي ارتاحتي كده؟! إن شاء الله يا صالح يا حبيبي هخلف عيال كتير وهملي البيت عيال وساعتها مش هيكون ليكي لازمه

باس صالح ايدها : إن شاء الله يا حبيبتي

مسحت الدموع من عيني وابتسمت بخبث وقررت اسمع كلام صاحبتي : صالح.. ... انا انا حامل

يا ترى اي اللي هيحصل؟
ده إسكريبت ٥ حلقات لو لقيت عليه تفاعل هكمل ودمتم سالمين 💙
#الاء_فرج
#إسكريبت_الزوجه_التانيه
#سلسله_حواديت_حكايتي