الورثة ( رواية ليبية )

الورثة

#الورثة

احيانا يكون طوق النجاة لنا هم من خذلناهم

البارت 11

عمر يبحت ف حوش هله ويتذكر كيف وقف ع
الباب ويبكي ويطلب من وفاء فلوس عشان عملية
امه وهيا صكرت ف وجه كيف كسرت خاطره وحرماته من امه يشوف لفيلا ب حسرة وعيونه مدمعات بس قاطعه صوت

وفاء تفتح عيونها وتشوف حبيبها القديم ماسك موس وبيقتلها اااااااااااااااااااا يووي ي نعلاااي

وجدان سمعت عياط امها قلبها يدق قفلت دارها وخايفة ترعش

ملاك شن في ي اعميمة
منيرة م في شي متخافنش وترن ع محمد
هيا رد ي محمد نا دخيلتك

محمد يرن تليفونه وهو مدايره صامت ميسمعش فيه دزتله مسج ف واحد زقب علينا تعال بسرعة

عمر سمع لعياط خش يجري عتل الباب ويدور ف لعياط

وفاء متقتلنيش نا دخيلتك عندي عيال

راجل مش قلتي توا نجوزو كنك غيرتي رأيك
تسيبيني نا بعد م كنت حب حياتك ولا لقيتي
واحد عنده فلوس اكثر مني بعتيني توا نا كوخا
نشرب من دمك ي كلبه لفلوس

وفاء اللي تبيها نعطيها لك بس متقتلنيش

راجل هاه خلاص نقتلك ونخش الحبس هيا خاربه نا قاتل قاتل ولا نسيتي انك دزيتيني عشان نقتل راجلك قرب منها بيغرز الموس ويجي عمر يجي
بياخذ منه الموس اااااه ويقعدو يصارعو راجل وعمر
عمر ي كلب ي
راجل امك حبيبتي كانت نا وياها علاقة من 17 سنة
عمر يحاول يفك منه الموس يضرب فيه ع المكان الحساس
راجل من وجع غرز موس ف بطن عمر
عمر 😳
راجل خاف طلع يجري

منيرة فاتحة روشن وتندب ع حيل حيلها وبنات يتباكن

وفاء كانت مصبيه عند روشن من الخوف شافت عمر حالته غريبه قربت منه عمر كنك شن في

عمر / يبحت فيها ومش قادر ينطق طاح ع الأرض
وفاء / شافت لدم هاااه عمرر حطت راسه ع افخادها عمر افتح عيونك احكي معاي
عمر / موجوووع
وفاء / بعيد سو عليك من الوجع مزلت هتعيش وتبقى احسن
عمر / مكاني مش هنا مكاني عند غوالي امي وبوي
وفاء / نا امك ي عمر نا هنا نا هنا ي وليدي عمرررر
عمرررررررررررر عمرررررررررر

راجل طلع يجري ومسكوه جيران ضربوه طريحه سمحه وسلموه للمركز وف الاعترافات طلع قريب وفاء  بتاع حبوب وصايع مشهور

بعد أسبوع

ف المستشفى

سناء / الحمدلله ع سلامه ي ولد سيدي
عمر    / الله يسلمك
اجديدة/ هيا صبي أسبوع ف المستشفى راقد
عمر     / حاضر ي اجديدة
منيرة / حمدلله ع سلامه حمدلله ع سلامه ماشاء الله الوجه ناير
عمر / اه
منيرة / ي بلعوط م فيك لاشي اهو كي جن
عمر / نبو دلع 😂
منيرة / أبقى طيب وندلعوك بلا مرض
ملاك / خوفتنا عليك
عمر / ابتسم
ملاك / نا ملاك اختك كل يوم عندك 😂
عمر / اي قالولي😂
ملاك / حتى ماما مشغوله عليك ع فكرة وقبل بتجي بس عشان جدي وهك
الجد / توا تذكرت انها ام
منيرة / باتي
الجد / اسكتي م عنديش بنت نا اللي مسيبه حوش هلها من 15 سنة
منيرة / مش وقت كلام هذا
الممرضة / معلش لو تطلعو المريض يبي راحه
منيرة / تمام
مكاسب / ييي حمدلله ع سلامتك ي سمح عين عين هذي شافاتك وم صلت ع نبي اكيد هذي عيونها مدورات
سناء / حرام عليك ي عمتي
عمر / ابتسم من انتي
مكاسب /معاك حق متعرفنيش نا مرت عمك مكاسب
عمر / امم
سر / حمدلله ع سلامه
رحاب / ان شاء الله هذا حد السو
الجده / خلاص هيا اطلعو يبي يتريح
محمد / خش نا نقعد معاه
الجد / محد يقعد معاه غيري جاي تأخذ نوره لي أسبوع معاه
محمد / نبي نقعد مع خوي لو شوي
الممرضة / خلاص مش ضروري مرافق نحنا معاه لو احتاج اي شي ممكن تفضلو