فى بيت داليدا
داليدا: انت هنا ليه؟
آسر: افندم!
داليدا: انا هقولك انت هنا ليه، انت جاى تحمى المحامية اللى خالها لواء صاحب اللواء موضوع كله كوسه فى كوسه اما البت التانية الغلبانة تموت عادى
آسر: على فكرة احنا عيّنا حراسة لحنان بس طبعا كانت من بعيد علشان منلفتش الانظار
داليدا:آسر كفاية ممكن تروح
آسر: تحت امرك
____________________________________
فى الصباح تحديداً فى ڤيلا الجباليعبدالله: صباح الخير يا ديدى، انتى هنا من بدرى
داليدا: خالو انت عرفت ان حنان ماتت؟
عبدالله: ماتت، ماتت ازاى؟
داليدا: والله انا المفروض اللى اسألكم انتم، انتم مش المفروض انكم معينلها حراسة ازاى دا يحصل يا خالو دا غير ان الاستاذ اللى اسمه آسر بيكمل في كذبته و يقولى عينتلها حراسة
عبدالله: فعلاً آسر مكذبش احنا عينلها حراسة و انا كنت متابعهم بنفسى
داليدا: اومال هى ماتت ازاى
عبد الله: تقرير الطب الشرعى طلع و لا لسه
داليدا: لسه
عبد الله: خلاص يا داليدا لما التقرير يطلع هنبقي نشوف اذا كانت قضاء و قدر و لا بفعل فاعل
داليدا بتنهيدة: ربنا يسهل
____________________________________
فى مكتب داليداآسر رمى ورق على المكتب
داليدا: ايه دا؟؟؟
آسر: دا تقرير الطب الشرعى ان حنان ماتت منتحرة
داليدا بصت للتقرير بهدوء
داليدا: اوگ شكراً
آسر: هو ايه اللى اوگ شكراً
داليدا: يعني شوف شغلك
آسر قرب منها و لف الكرسى لناحيته
آسر: انتى شغلى
داليدا بأنفاس متسارعة: عايز ايه يا آسر
آسر: انتى غلطتى فيا و اتهمتينى بالتقصير و هذا غير لائق
داليدا: ف......
آسر: تعتذرى
داليدا: لما اشوف نفسى غلطانة يا آسر بيه
آسر: كدا هضطر أخد حقي بطريقة تانية
داليدا: معايا انا بالذات مش هتعرف توصل معايا لحاجه
آسر بدأ قرب من ودنها و قال بهمس: متأكدة
داليدا بدأت انفاسها تتسارع، فجأة ياسمين دخلت